روحا لروحي

البارت الرابع 🖤

لتصدم نور بشدة وبعد ذلك تدرك أنها حقا أمامها لتركض إليها ...
نور : مسس رحمممة ...
لتفتح رحمة لها ذراعيها بسعادة وتهبط لمستواها :
ي قلبي انتي ... عاملة ايه ي نوري ..
نور : انتي جاية تلعبي معايا صح ..
امجد :  مش النهاردة بس مس رحمة هتقعد معاكي علطول ي نور ..
لتنظر نور الي ابيها ثم الي رحمة بعدم تصديق وتنتظر أن تؤكد ع كلام والدها ..
لتومئ لها رحمة بنعم وهي تبتسم ..
لتحتضنها بسعادة وتقول :
انا بحبك اوي اوي ..
ثم تحتضن ابيها وتقول :
وانت كمان ي بابي بحبك اوي عشان جبتلي مس رحمة تلعب معايا ..
ليحتضنها بحب كبير لصغيرته ويقول:
ينهار ابيض القمر بيحبني انا وأنا كمان بحب القمر اوي اوي ومستعد اعمله اي حاجة عشان اشوف ضحكته الحلوة دي ..
لتبتسم نور بسعادة ثم تقول لرحمة :
تعالي اوريكي الاوضة بتاعتي انا عندي لعب كتير اوي..
رحمة : بجد ..
نور : اه والله تعالي يلا ..
لتذهب معها ولكن يوقفها امجد ويقول لها بهمس :
نص ساعة بالكتير وتكون نامت عشان معاها مدرسة الصبح نيميها وتعالي المكتب عشان في حاجات لازم تعرفيها ويذهب ..
رحمة : اوووف صبرني يارب ..
وتصعد مع نور وتلعب معها قليلا ..
رحمة : يلا بقي ي قمري عشان ننام عشان معانا School الصبح ..
نور : انتي هتروحي معايا ال school ؟؟؟!!!
رحمة : طبعا هروح معاكي اي حتة انتي عايزاها ..
نور بسعادة : ماشي هنام علطول اهو ..
لتضحك رحمة وتضع يدها ع شعرها حتي تنام و تدثرها جيدا وتغلق الانوار و تهبط تطرق باب المكتب ..
امجد : ادخل ..
لتدخل رحمة تجده يجلس علي مكتبه وينظر لحاسوبه ..
امجد : نامت ؟؟
رحمة : اه ..
لينظر لها ثم يقول :
طب اتفضلي اقعدي ..
لتجلس رحمة علي الكرسي أمام المكتب ..
امجد : بصي بقي في قوانين للبيت ده لازم تعرفيها وخاصة لنور ، اولا نور بتصحي الساعة 7 المفروض تخلص لبس ع الساعة 7 ونص بالكتير ، ثانيا بتكون ف عربية مستنية برا هتوديكم وتستناكم وتجبكم و هيكون في عربيتين حراسة واحدة وراكم وواحدة قدامكم ، ثالثا بتيجي تغير هدومها وتتغدي الغدا الساعة 2 مفيش تأخير عن كدة وانا مفهم نادية الطباخة كدة بعد الغدا تعمل ال homework علطول بعد كدة معاكم لحد 9 وقت تعملوا فيه اللي انتو عايزينو لكن مفيش خروج برا باب الفيلا اخركم الجنينة 9 ودقيقة لو شوفت نور صاحية مش هيحصل كويس وانتي المسؤولة قدامي ها كلامي واضح ؟
كانت رحمة تحاول أن تستوعب كم هذا التحكم والتشدد في المعاملة ف لماذا كل هذا ، ما هذا الشخص الغريب ، ولكن قالت إنها لا يهمها غير نور لا شأن لها به ثم قالت :
ماشي طيب ممكن اعرف انا هقعد هنا قد ايه ؟؟
امجد : انا هاخد نور واسافر بعد شهر او شهرين بالكتير وانتي هتقعدي معانا لحد معاد السفر ..
رحمة : هتسافروا ؟؟؟!!
امجد : ايوة مالك في ايه ؟!
لا تعلم لماذا ضايقها خبر سفره هو ونور قليلا ولكن أقنعت نفسها انها كانت سوف تطمئن ع نور من حين لآخر حتي بعد انا تقضي فترة عملها وما ضايقها بأنها سوف تفتقد نور ليس غير ذلك ..
رحمة : احم لا ابدا يعني عشان مش هشوف نور تاني وكدة ..
امجد بعدم تصديق :
طيب .. ع العموم متقلقيش ممكن تكلميها skype لو عايزة ..
رحمة : ماشي ..
امجد : تعالي عشان اوريكي اوضتك ..
لتذهب معه الي الطابق الثاني ..
امجد : دي اوضتك قصاد اوضة نور علطول وأنا اوضتي فوق لو احتاجتي حاجة ..
رحمة : ماشي ..
لينظر لها امجد ولأول مرة يكتشف أنها .. أنها جميلة حقا ... عينيها جميلة ... وجنتها تصبغها حمرة دائمة مما يزيدها جمال ..
لتنتبه رحمة له ..
رحمة : احم طيب انا هدخل انام ..
ليفيق امجد وينهر نفسه ويقول :
تمام تصبحي علي خير ..
رحمة : وانت من أهله ..
وتدخل غرفتها ليتنهد امجد بغضب من نفسه ويصعد الي غرفته لينام ..
في صباح اليوم التالي ..
تستيقظ أميرة بنشاط في اليوم هو معاد المقابلة الشخصية لها في شركة المنشاوي ..
لترتدي اجمل ما لديها وتودع والدتها وتذهب الي الشركة وعندما وصلت الي المكتب الذي سوف تجري فيه المقابلة تفاجئت من كم المتقدمين للوظيفة ..
أميرة : نهار اسود هي البلد كلها محاسبين ولا ايه انا كدة مش هلحق ادخل اصلا ..
لتتنهد وتجلس تنتظر الي أن نادت السكرتيرة الي اسمها اخيرا لتطرق الباب وتسمع الإذن بالدخول وتدخل لتتفاجأ بأن من سيجري معها المقابلة ما هو إلا ..
أسر المنشاوي ..
أميرة في نفسها : ي حلاوة ي ولاد ... ده طلع هو وكمان هو بنفسه اللي هيعمل معايا ال interview ..
لييرفع أسر نظره إليها ..
أسر : اتفضلي ي آنسة واقفة كدة ليه ، ايه ده مش انتي بتاعة البنك ؟؟!
أميرة : احم اه انا ..
أسر : اتفضلي اهلا وسهلا ..
لتجلس أميرة أمامه ..
أميرة : اهلا بيك ..
أسر : هو حضرتك جاية عشان الوظيفة ؟؟
أميرة : اه ..
أسر بإستغراب : ليه م انتي شغالة ف البنك ؟؟
أميرة : احم عادي انا بس مش مرتاحة ف البنك وحابة اخد خبرة من كذا مكان ..
أسر بإعجاب لتفكيرها :
جميل .. ممكن ال CV ..
أميرة : اه اتفضل ..
وتعطيه له ويتفحصه بدقة وانبهار فهي لديها الكثير من الخبرات وايضا لديها لغات عديدة وحصلت علي شهادات عالية من أماكن مختلفة ..
أسر : ممتاز ..
واخذ يسألها عن بعض الاشياء بخصوص عملها القديم وماذا تعرف عن شركتهم ولماذا فضلتها وكانت تجاوبه بكل هدوء وثبات ..
أسر : تمام ي آنسة أميرة النهاردة بالليل أو بكرة الصبح بالكتير هنرد عليكي وخير إن شاء الله ...
أميرة : بإذن الله .. شكرا ي فندم ..
أسر : العفو ع ايه ..
لتبتسم له وتخرج وهو وهي تلتقط أنفاسها بصعوبة ..
أسر : قمر بنت الايه .. ولاااا ولاااا بقولك ايه ركز ف اللي انت فيه احسن امجد هييجي يوديك للقمر تشوفه لايڤ ..
في فيلا امجد المنشاوي ..
تستيقظ رحمة باكرا فلا يجب أن تتأخر كما قال هذا المغرور ..
ترتدي ملابسها وتذهب لغرفة نور وتوقظها وتساعدها في ارتداء ملابسها وتهبط معها الي أسفل ليجدوا امجد يجلس علي مائدة الطعام وينظر في هاتفه ..
نور : بااااابي ..
امجد : روح قلب بابي ..
ويقبل وجنتها ويقول :
القمر بتاعي نام كويس ؟؟
نور : جدا عشان مس رحمة هي اللي نيمتني ..
لتبتسم رحمة ..
امجد : طب يلا بقي عشان تفطري عشان متتأخريش ع ال School ..
نور : حاضر ..
ليبدئوا في تناول الطعام لتلاحظ رحمة أن امجد لا يأكل فقط يحتسي قهوته ..
رحمة : احم هو حضرتك بتشرب قهوة الصبح بس ..
امجد بإستغراب : اه ..
رحمة : بس كدة غلط جدا ع فكرة ..
ليرفع امجد حاجبه ويقول :
ملكيش فيه ..
كادت أن تدمع عين رحمة لانه أحرجها وهو لاحظ ذلك وقال في نفسه " غبي يعني دي جزاتها عشان بتنصحك ... وهي مالها تنصحني ليه اصلا "
تماسكت رحمة وقالت بثبات :
عندك حق بعتذر .. خلصتي ي نور ؟؟
نور : اه ..
رحمة : طب يلا بينا ي حبيبتي عشان منتأخرش ..
نور : حاضر ..
وكادوا أن يخرجوا ..
امجد : نووور ..
نور : نعم ي بابي ..
امجد : فين بوسة بابي ..
لتركض له نور وتقبل وجنته ..
امجد : شطورة ي قلبي يلا روحي مع مس رحمة ..
لتذهب رحمة هي ونور ..
و الغريب أن بعد ذلك بدأ امجد في تناول إفطاره لأول مرة !!!!
في شركة الشناوي جروب ..
يدخل امجد ب هيبته الي الشركة ويصعد الي مكتبه ليجد أسر يجلس وهو ينظر في هاتفه ..
امجد : ايه ده انت هنا من امتي ..
أسر : ي ما ... في ايه ي عم مش تخبط ولا تعمل حاجة ..
امجد وهو يجلس :
ده مكتبي لو انت ملاحظ ده ..
أسر : احم اه صح ..
امجد : ربنا م يحرمك من الهبل ابدا ..
أسر : م خلاص بقي ي عم .. الا قولي اتأخرت ليه النهاردة ده انت بتنفخني لو اتأخرت ثانية ..
امجد : الطريق كان زحمة ..
أسر : اممم ... طيب ع العموم انا لسة مخلص ال interviews بتاعة المحاسبين من شوية ..
امجد : وايه الاخبار ..
أسر :  يعني في كام حد كدة صفيناهم وهنختار م بينهم و في بنت كويسة جدا و ال CV بتاعها ممتاز بفكر اختارها هي ..
امجد : بنت اه ..
أسر : والله عشان هي ممتازة ..
امجد : م انا أنها ممتازة انت هتقولي ع الامتياز بتاعك ..
ليضحك اسر بشدة ويقول :
ده أنا سمعتي وحشة اوي بقي ..
امجد : ده إذا كان في سمعة اصلا ... المهم شوف نظامها ايه ولو كويسة عينها ..
أسر : تمام ... قولي عملت ايه ف حوار المربية ؟
أمجد : جبتها امبارح ..
أسر : ي ابن اللاعيبة ده انت معندكاش وقت ..
امجد : وانا زيك اقعد سنة عشان اعمل اي حاجة ..
أسر : احم تشكر ي ذوق .. طيب ايه نظامها ؟؟
ليتنهد امجد ويقول :
لحد دلوقتي تمام الايام جاية وهنشوف ..
أسر : بقولك ايه هي حلوة ..
لا يعلم لماذا غضب امجد بشدة عند هذه النقطة ..
امجد : وانت مالك انت ..
أسر بمكر : الاه ... سؤال عادي يعني ..
امجد : سيب بنات الناس ف حالهم و ملكش دعوة ..
أسر : طيب ي عم م تزوقش يلا سلام ..
امجد : سلام ..
امجد في نفسه "ايه مالك اتعصبت كدة ليه ... ولا اتعصبت ولا حاجة كل الحكاية اني عارف أسر بتاع بنات والبنت دي مش شبه اللي يعرفهم وجاية تشتغل ... ايوة صح هو كدة "
عند رحمة ..
قامت بالإتصال ب أميرة ..
أميرة : الو ..
رحمة : ازيك ي اميرة طمنيني عملتي ايه ..
أميرة : اسكتي ي بت رحمة عارفة مين اللي عمل معايا ال interview ؟؟
رحمة : مين ؟
أميرة : هييييح المز اللي قولتلك عليه ..
رحمة : ده ازاي ده ؟؟!
أميرة : والله زي م بقولك انا قريت اسم الشركة ف العنوان وقولت يمكن تشابه اسماء بس الحمد لله طلع هو بشحمه ولحمه ..
لتضحك رحمة عليها وتقول :
طب وعملتي ايه طيب ؟؟
أميرة : والله ي اوختي انا عملت اللي عليا وهو اتبسط جدا من ال CV بتاعي وقالي خير إن شاء الله وهيرد عليا النهاردة بالليل أو بكرة ..
رحمة : ربنا يوفقك يارب ي حبيبتي ..
أميرة : ويوفقك يارب ع ابو لهب اللي عندك ده ..
لتضحك رحمة بشدة وتضحك أميرة أيضا ..
اميرة : انتي فين دلوقتي ؟؟
رحمة : انا ف كافيه جنب مدرسة نور قولت استناها هنا عشان مفضلش ف البيت لوحدي .. اهي نور طلعت اهي سلام بقي ..
أميرة : ماشي ي رحوم سلام ..
نور : مسس رحمة انتي كنتي مستنياني ..
رحمة : اه ي حبيبتي استنيتك هنا يلا تعالي نركب العربية وقوليلي عملتي ايه ..
نور بسعادة : ماشي ..
ليصعدوا الي السيارة وتتحرك سيارات الحراسة معهم ..
وصلوا الي المنزل وتناولت نور طعامها ولكن رحمة لم تأكل فكانت لا تشعر بالجوع وصعدت مع نور لعمل واجباتها المنزلية ..
بعد فترة عاد امجد ..
نادية : حمد لله ع السلامة ي بيه ..
امجد : الله يسلمك ي نادية اومال نور ورحمة فين ..
نادية : طلعوا فوق ..
امجد : نور اكلت ؟؟
نادية : ايوة ي بيه ..
امجد : تمام حضريلي الاكل وأنا هطلع اغير هدومي ..
نادية : حاضر ..
صعد امجد ليطمأن علي نور اولا وفتح باب الغرفة ليقف مكانه بإنبهار عندما وجد رحمة تركض خلف نور وتضحك وشعرها الطويل جدا يتطاير خلفها بخفة لتقف رحمة بصدمة وتجذب حجابها سريعا وترتديه ..
نور : بااااابي ..
ليفيق امجد علي صوت نور ..
امجد : حبيبة بابي عاملة ايه ..
نور : الحمد لله خلصت ال homework كله ..
امجد : قلب بابي شطورة وهتطلع دكتورة صح ؟؟
نور : ايوة هبقي دكتورة والبس السماعة واكشفلك علي قلبك ..
ليضحك كل من امجد ورحمة ..
امجد : ماشي ي لمضة ..
ثم ينظر الي رحمة ويقول :
احم بعتذر لسة مش متعود ع وجودك ..
لتومئ له رحمة بدون كلام ف هي موقف لا تحسد عليه ..
بعد ذلك هبطت رحمة الي أسفل لتأكل شئ فهي لم تتناول غدائها ..
رحمة : ازيك ي نادية ..
نادية : الحمد لله ي ست رحمة ..
رحمة : ايه ست دي ي ولية انتي هتكبريني وتكبري نفسك  ليه انا اسمي رحمة هاا  ..
لتضحك نادية وتقول :
ماشي ي رحمة ..
رحمة : ايوة كدة ي قمر قوليلي بقي الاكل اللي بتحضريه ده لمين ..
نادية : ده لأمجد بيه تحبي اعمل حسابك ؟؟
رحمة : ها لا لا خلاص هبقي اكل بعدين ..
وكادت أن تصعد ولكن امجد كان يهبط و ارتمطت في امجد بشدة مما ادي الي اختلال توازنها ليمسك بها من خصرها قبل أن تسقط أرضا ..
امجد :  انتي كويسة ..
رحمة بتوتر وهي تبتعد عنه :
اا .. اه الحمد لله .. اسفة مخدتش بالي ..
امجد : مفيش مشكلة بس ابقي بصي قدامك بعد كدة ..
لتنظر له بغيط ليقول هو :
انتي كنتي هنا بتعملي ايه اصلا انتي مش كنتي فوق ..
رحمة : لا ولا حاجة ..
نادية : كانت عايزة تاكل ي بيه وقولتلها اعمل حسابك قالتلي لا ..
لتغمض رحمة عينيها وتقول في نفسها :
يلهووووي الولية سلمتني تسليم أهالي منك لله ..
ليرفع امجد حاجبه ويقول :
ليه هو انتي مأكلتيش نور ..
رحمة : احم لا ..
امجد : ليه ؟؟
رحمة : مكنتش جعانة ..
امجد : طيب اعملي حسابها ي نادية ..
نادية : حاضر ..
رحمة : بس ..
امجد : مفيش بس اقعدي كلي واخلصي ..
ويجلس علي المائدة ..
رحمة في نفسها " اووووف حتي الاكل بالغصب ... بس ي هبلة ده انتي هتموتي من الجوع "
وتجلس هي الأخري وتبدأ في الطعام وهو ينظر إليها ويكتم ضحكته بصعوبة ..
ولكن فجأة يفزعوا علي صوت صراخ نور ..
نور : الحقنييييي ي بااااابي ..
يتبع ..
دمتم بود 🖤
#روحا_لروحي 🖤
#BY_RAHMA_YOUSSEF 🖤