خطفنى ولكن؟

الفصل الاول

في حي بسيط يوجد اسرة من ثلاث افراد الام وهي ماجده تبلغ من العمر 50 عاما والاب متولي وهو متوفي والبنت الكبرى ملاك تبلغ من العمر 23 عاما والبنت الصغيرة منار تبلغ من العمر 18 عاما

يا ملاك حبيبتي اصحى علشان تروحي الشغل
ملاك : خلاص اهو يا حبيبتي صحيت صباح الجمال على احلى ام في الدنيا
الام بضحك : صباح النور على احلى بكاشه في الدنيا
ملاك بضحك : يا حبيبتي انا شيفاكي كده
الام بضحك : ماشي يا حبيبتى ربنا ما يحرمني منك ابدا ولا من بكشيك
ملاك بضحك : برضوه
الام : اه و يلا قومي بقى روحي صاحي اختك اللي مغلباني في صحيانها
ملاك بضحك : كده يبقى مش هروح الشغل النهارده

ملاك وهي تتجه لغرفه منار
يلا يا منار يا حبيبتي قومي يلا علشان الدرس هتتاخري يا بت يلا قومي بقى
منار :...................
ملاك : طيب ماشي راحت ملاك ماسكه كوبايه ميه ورميتها على وجه منار
منار بخضه : ايه في ايه
ملاك : هههههههه
منار بغضب : وكمان بتضحكي في حد يصحى حد كده
ملاك : اه وكل يوم من كده علشان تغلبينا تاني في صحيانك
منار : اوف طيب اديني قمت اهو
الام : يلا يا بنات علشان الفطار
ملاك ومنار : حاضر يا ماما
منار : صباح النور يا ماما
الام : صباح النور يا حبيبتي اخيرا صحيتي
منار وهى تنظر بغضب لملاك : الباركه فى الاستاذه ملاك
ملاك بضحك : وكل يوم من كده
منار : مستفزه
ملاك : بطلع لسانها لمنار
الام : خلاص بقى انتي وهي يلا على الفطار

وبعد انتهاء الفطار ذهبت منار لا ارتداء ملابسها وحجابها الذي زادها جمالا ومن طبيعيت ملاك انها لا تضع مساحيق التجميل نزلت ملاك بعد ما ودعت مامتها ملاك تشتغل مشرفه باص في مدرسه خاصه

الام : يلا يا ست منار هتتاخري على الدرس
منار : خلاص اهو خلصت
الام : ايه يا بنتي اللي انتي حطاه في وشك ده انتي رايحه فرح ولا درس
منار : يوووه يا ماما بقى حوار كل يوم يا ماما يا حبيبتي كل البنات بتلبس كده و بتحط ميك اب اشمعنا انا يعني
الام : طب ما اختك ملاك ما شاء الله عليها في لبسها ولا احترامها ما بتحطيش اي حاجه في وشها و ما شاء الله عليها بدر منور
منار : يا ماما ملاك دي دقه قديمه مفيش حد دلوقتى مش بيحط ميك اب ومفيش حد مش بيلبس على الموضه
الام : ولو الموضه دي تخالف شرع الله ايه هنلبسه برضوه
منار وهي مش عارفه ترد تقول ايه : معلش يا ماما نكمل كلامنا بعدين علشان اتاخرت
الام : ربنا يهديكي يا منار يا بنتي
____________________________________________
وليت أمر رازان : صباح النور يا ميس ملاك
ملاك : صباح النور
وليت أمر رازان : ملاك خلي بالك من رزان
ملاك ما تقلقيش خالص حضرتك كلهم في عيني
وليت امر رزان : ربنا يخليكي يا ملاك
ملاك : صباح الخير على كل الحلوين اللي راكبين معانا
الطلاب : صباح النور يا ميس ملاك
السواق يعقوب : طب مفيش صباح الخير ليا انا كمان ولا ايه يا ميس ملاك
ملاك : يا خرابي يا عم يعقوب احلى صباح على حضرتك طبعا
يعقوب رجل كبير يبلغ من العمر 55 عاما
وصل الباص للمدرسه نزل الطلاب

مستر عماد : ازي حضرتك ياميس ملاك
ملاك وهي مش بصه في عينيه : الحمد لله يا مستر عماد عن اذن حضرتك عندي شغل
مستر عماد بحزن : تمام اتفضلي
ياتى مستر ايهاب من خلفه : ايه يا ابني لسه برضوه منفضا ليك ميس ملاك
عماد بحزن : هي مش عايزه تديني فرصه حتي يعني اكلمها واقولها على مشاعري تجاها ازاي بس
مستر ايهاب : انا ممكن اكلملك ميس هدى هي قريبه منها وتفتحلها في الموضوع
عماد بفرحه : يا ريت يا ايهاب شكرا ليك جدا
ايهاب بضحك : هههههههه ايه يا عم ده انت واقع خالص
عماد بضحك : هههههه ايوه يا عم انا واقع واقع قوي كمان
ايهاب بضحك : ماشي يا عم ان شاء الله خير
عماد : يا رب