خطفنى ولكن؟

الفصل الرابع

نادر : انا كنت عايز اكتب الكتاب
ملاك بصدمه وتقول بإندفاع : ايه بدري قوي كده ليه ...
نادر وهو ينظر اليها : بعد اذن حضرتك يا طنط ممكن اقعد مع ملاك لوحدنا
الام : وهي ترحل بس ماطولوش
نادر بتسامه وهو يقوم ليجلس بقرب ملاك
ملاك وهي تنظر للارض بخجل
نادر بمزح : ممكن تبصيلى على فكره انا حلو برده
ملاك : وهي تحاول ان تخفي ابتسامتها
نادر : ما تحاوليش انا شفتها
ياحمر وجه ملاك بشده
نادر بجديه : بصي يا ملاك انا مش عايز اكون بضغط عليكى انا عارف انك مش بتبادلينى نفس الشعور ملاك وهي تنظر اليه مندهشه : وتقول لنفسها كيف يعرف
نادر : انا بس عايز اكتب الكتاب علشان اقدر اعبرلك عن مشاعري وما ينفعش علشان انتى لسه مش حلالي و طبعا ماينفعش اجى البيت من غير و جود راجل ف البيت علشان كلام الناس صدقيني يا ملاك انا هبقى سندك وظهرك وحمايتك وانا متاكد ان مع الوقت هتحبيني فكري وردي عليا ومهما كان قرارك انا موافق وانا عمري ما هضغط عليكى في حاجه وعندي استعداد اصبر عليكى العمر كله
نادر بمزح : عمر الا يومين ها
كانت ملاك تشعر بالراحه والسعاده من كلامه ابتسمت ملاك على مزاحه
وقف نادر لكي يغادر ولكن اوقفه صوت ملاك وهي تنادى عليه ملاك : نادر
نادر وهو يلتفت اليها بابتسامه رائعه : ياااااه ده انا طلع أسمى حلو قوي يا جدعان
ملاك بخجل : انا موافقه
نادر بصدمه : انتى قالتى ايه
ملاك بخجل اكبر : موافقه
نادر بفرحه كبير وصوت عالي : ياااا طنط يااا طنط ياااا طنط
اتجهت الام مسرعه إليهم : خير يابنى
نادر بفرحه كبيره وصوت عالي : خلاص ملاك موافقه ملاااااك موااااافقه
كانت ملاك تحاول أن تكتم ضحكتها على تصرفات نادر
الام بفرحه كبيره : ربنا يسعدكم يارب الف مبروك
نادر ولقد شعر أنه امتلك الدنيا بأكملها وينظر اليها بحب قائلا : صدقيني عمرك ما هتندمي
ملاك بخجل و صوت أشبه من الهمس : إن شاء الله
ابتسم لها نادر ابتسامه رائعه قائلا : إن شاء الله
الام : الف مبروك يا حبيبي ربنا يسعدكم يارب
نادر : الله يبارك فيكى يا طنط و اوعي تشيلي هم حاجه يا طنط طول ما انا موجود
الام بفرحه كبيره شعرت ان ربنا عوضها بابن لها الام : ربنا يخليك يا حبيبي بس من هنا ورايح بلاش طنط دي قولى ماما ولا انت مش بتعتبريني زي مامتك
نادر : لا طبعا امي استاذن انا بقى علشان اروح افرح الحج والحجه وقبل ان يغادر توقف فجاه و وجهه نظره لملاك قائلا : سلام يا عروستي
---------------------------------------------------------
في منزل نادر

اخبر نادر اسرته على كتب الكتاب

فرح ابو نادر كثيرا : وتمنى لهم السعاده
ام نادر بعصبيه وغضب كبير : يعني ايه الكلام ده يا نادر خلاص بقيت كبير نفسك وتروح وتتفق من ورانا ابو نادر : ما تكسريش بفرحه الولد
ام نادر : يعني انت موافق على كلام ده انه يصغرنا كده وما يعملش كبير لحد
نادر بهدوء : يا ماما انا ما كانش قصدي انتم طبعا الخير والبركه مش في نيتي خالص اصغركم وطبعا انا محددتش الميعاد معاهم غير لما ارجع ليكم انا بس كنت عايز اعرف رايهم ايه
ام نادر بزعيق و عصبيه : لا ما كنت تتفق معاهم احسن
ابو نادر : ما خلاص بقى يا ام نادر الولد ما غلطش نادر : حقك عليا يا امي ما تزعليش مني
ام نادر : انتم الاتنين عليا خلاص يا نادر اهم حاجه سعادك
يتجه نادر الي امه و يقبل رأسها قائلا : ربنا ما يحرمني منك ابدا
ابو نادر : كتب الكتاب هيبقى امتى
نادر بفرحه كبيره : انا باقول يوم الخميس بعد اذنكم طبعا
الاب بفرحه : علي بركه الله
ام نادر بعصبيه : بس ده بدري قوي انا مش فاهمه انت مستعجل على ايه وبعدين هما عايزين سنه علشان يقدروا بس يحضروا ليوم كتب الكتاب انا مش فاهمه ايه اللي واقعنا في العيله الكحيانه دى كان نادر سيتحدث ولكن اوقفه صوت ابوه
ابو نادر بغضب : مش كل حاجه الفلوس وابنك الحمد لله ربنا مواسعها عليه يروح ياخذ منهم وبعدين الراجل هو اللي يصرف مش الست ولو انا ما ماكنش معايا فلوس ايه يا ام نادر ما كنتيش رضيتي بيا ولا ايه
ام نادر : اخص عليك يا ابو نادر بعد عشره السنين دي كلها تقولي كده
ابو نادر : ما هو كلامك هو اللي هيخليني اقول كده
ام نادر : هو انا لما اكون عايزه لي ابنى ناس مرتاحه كده اكون غلط
ابو نادر : في حاجات اهم من الفلوس و هو معدن الانسان هو من جوه ايه شبعان ولا جعان وهل يتمنى زوال النعمه للناس لمجرد انه مش عنده فأكيد ده انسان جعان ومهما كرمه ربنا من نعم عمره ما هيحس بيها طول ما هو بيبص على نعم غيره اما الإنسان الشبعان يتمنى النعمه لغيره حتى لو هي مش عنده لمجرد أن عايز يشوفه مبسوط ودايما بيحمد ربنا علي النعمه حتى لو مش معاه فلوس واملاك بس دايما بيبص على نصف الكوبايه المليانه ان صحته كويسه وبيحمد ربنا على حب الناس ليه حب الناس ده رزق والانسان الطيب اللي بيحب الخير للناس كل الناس بتحبه اما الإنسان الجعان أو الجشع بيعيش وحيد ويموت وحيد حتى لو كل الناس حواليه لان الناس اللي هتفضل حواليه بتاعت مصلحتهم وانا من خبرتي في الحياه ملاك من الناس الشبعانه و كونى متاكده يا ام نادر أن ابنك هيكون مبسوط معاها
لم تستطيع ام نادر الرد عليه وتتحدث بهدوء : خلاص اعملوا اللي شايفينه
----------------------------------------------------------
في صباح يوم جديد