وجع عاشقة

🌙الفصل الخامس عشر من وجع عاشقه 🌙

ŇόŅÄ👑🙈
آلَفُےـصِےـلَ آلَخٌےـآمِےـسً عَےـشّےـرَ مِےـنٌ وُجَےـعَ عَےـآشّےـقَےـه
༺ཌ༈༺ཌ༈༺ཌ༈ʚʚɞɞ༈ད༻༈ད༻༈ད༻
في مطار المانيا
وصل فهد وادهم ومليكه
فهد ل ادهم: هنعمل اي دلوقتي
ادهم: هنطلع علي الفندق نرتاح وننزل بكرا نروح المستشفى وانا هكلم الدكتور نأكد عليه وكمان كارما هتظبط الدنيا هناك هي هنا بقالها يومين
فهد : تمم يلا بينا
~~~~~~~~~~~~~~~~~~~~~~
في فندق من اكبر فنادق المانيا
يجلس ادهم بغرفه يتحدث الى احد الاطباء عن حاله مليكه
وفي جناح بجانبه يجلس كل من فهد ومليكه
فهد: حبيبتي مالك
كانت هذه الكلمه تشبه  الزر الذي قام بتفجير القنبله
نعم فقد انفجرت مليكه بما داخلها على هيئه بكاء
مليكه ببكاء: خايفه خايفه اووي يا فهد عارف انا حاولت مرتين اني اعمل العمليه دي بس كنت بخاف وبتراجع
فهد وهو يحتضنها: متخفيش وانا جمبك انا مش هسيبك مهما حصل المره دي مش هتتراجعي انا معاكي وهقويكي ثم قبل رأسها وقال: ممكن عشان خاطري كفايا عياط ويلا ننام عشان ورانا يوم طويل بكرا وبعدين انا هلففك المانيا ونتفسح وننفض للواد ادهم ده ونخليه لواحده
مليكه بابتسامه ضعيفه: ربنا ميحرمنيش منك يا حبيبي
فهد: يااااااه بقالي كتير مسمعتش الكلمه دي منك بجد وحشتني اووي
مليكه باسته بوسه صغيره في خده وقالت: اسفه والله بس وعد مش هقول غيرها بعد كده مش هخبي حبي تاني
فهد: طب اتلمي بقا ويلا ننام بدل ما اتهور واخون ثقه عمي فيا
مليكه بكسوف: فهد اتلم
فهد: عيون فهد ثم حملها فجأء
مليكه: يا مجنون بتعمل اي
فهد وهو يضعها برفق علي الفراش: مش بعمل والله هننام بس قولت اريحك واشيلك
مليكه: والله مجنون
فهد: طب تعالى في حضني بقا خلينا ننام بدل ما اتجنن بجد
اخذها بين احضانه وظل يلعب لها في شعرها حتي استسلمت للنوم
فقال فهد: هترجعيلي يا مليكتي مستحيل اتخلي عنك هتفضلي العمر كله معايا ثم قبل جبينها وذهب هو الاخر في سبات عمييق
♡♡♡♡♡♡♡♡♡♡♡♡♡♡♡♡♡♡♡♡♡
صباح يوم جديد مليئ بالامل
تجمع كل من فهد ومليكه وادهم في مطعم الفندق ثم تناولوا الافطار وغادروا الفندق متجهين الى اكبر مشفي بالمانيا
وصلوا جميعا  وكانت كارما بانتظارهم
كارما بعد ما رحبت بيهم:بصوا انا مظبطه كل حاجه مع الدكتور دلوقتي هو عايز يشوفها وبعدين هتروح تعمل الاشعه المطلوبه
ادهم:تمم
مليكه:كارما هو انا هخف صح
كارما:يا حبيبتي متخافيش هتبقى زي الفل بس بلاش التوتر والقلق ده
مليكه:حاضر
ثم اتجه الجميع الى مكتب الدكتور(مارك)هو طبيب جراحه متخصص في جراجة الاورام ويعتبر من اكبر الدكاتره في المانيا والشرق الاوسط
مارك يوجه كلامه لي كارما:هذه هي المريضه
تجيب كارما ب: نعم دكتور
(طبعا الكلام بالالماني بس انا مترجماه على طول بقا😂😂😂😂😂)
مارك:اجل اتركونا سويا
كان فهد يرفض الخروج ولكن كارما قامت باقناعه وبالفعل خرج الجميع
مارك:سيدتي لا تخافي منذ متي وأنت تعانين من هذا المرض
مليكه بخوف واضح عليها: عامين تفرينا
مارك لاحظ خوفها وهو يعلم جيدا انها لا يمكن ان تخضع للعمليه بهذه الحاله ولانه معاه شهاده في الطب النفسي عمل على اخراجها من هذه الحاله وقام باطمأننها وقال لها ان تلك العمليه سهله وبسيطه للغايه ثم صاح الى كارما لتاخذها وتعرضها للاشعه المطلوبه
قامت  مليكه نعمل كل الاشعه والتحاليل المطلوبه
كارما:هكلمك يا دكتور ادهم بليل اقولك امتا معاد العمليه يكون دكتور مارك شاف الاشعه وحدد امتا ينفع تدخل العمليه
ادهم:تمم ثم توجه لفهد:هنروح بقا
فهد:لا عايز تروح روح انت وده يكون احسن انا هاخد مليكه اخرجها شويا
ادهم:ايوا يا عم طب انا هروح واكلمهم في مصر اطمنهم
بالفعل فهد ومليكه قضوا اليوم كله فسح ولعب في كل مكان ورجعوا الفندق بليل
فهد:اتبسطي يا قلبي
مليكه بسعادة:اه اوووي اوووي
فهد:ربنا يقدرني واكون ديما سبب فرحتك دي
قطع كلامهم دق باب الجناح
فهد قام فتح وطلع ادهم
ادهم:وسع ياعم هتسيبني علي الباب
فهد:اتهبب ادخل يارخم
ادهم:متشكرين
بعد دخول ادهم:كوكي حبيبتي وحشاني
فهد بغيره:حبتك عقربه يا بعيد 😂
ادهم:اي يا عم واحد وبيحب اخته مضايق من اي
فهد بعصبيه :هو ده اللي جايبك يعني
ادهم:لا يابارد كارما لسه مكلماني وقالت ان مارك لقي حالة مليكه مستقره وعشان كده هتدخل العمليه بعد بكرا يعني بكره بليل هنروح نبات في المستشفي عشان يجهزوها
مليكه والقلق سيطر عليها:بسرعه كده
فهد وذهب لاحتضانها:كده احسن يا حبيبتي متخافيش
ادهم:يا قلبي والله ده احسن وقت ومتخافيش كلنا جمبك ثم غادر
وظل فهد يطمن مليكه الى ان نامت بين احضانه
&&&_&&&_&&&_&&&_&&&_&&&_&&&
مر يوم بدون احداث جديده الا ان مليكه ظلت  بالمشفي وقاموا بتجهيزها للعمليه وهذا اليوم الذي ينتظره الجميع في حاله من القلق والخوف  منه  وهو يوم عمليه مليكه
ــــــــــــــــــــــــــــــــــــــــــــــــــــــــــــــــــــــــ
اسووووووووب
خلص الفصل
ياترى اي اللي هيحصل بعد كده
عمليه مليكه هتنجح
وجع مليكه هيخلص ول لسه في حاجه تانيه هتحصلها
هنعرف كل دا في الفصول الجايه من وجع عاشقه
بقلم
Asmaa Eid&Nourhan Nabil
بحبكم في الله ♥
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فصل كمان اهو زي ما وعدتكم يلا مش هنزل جديد غير لما ألقي
فوت كومنت و متابعه
تصبحوا على جنه يارب 😍♥♥🌙