في طريقي إلي العشق

البارت العشرون🌼🌼

نظر لها مروان وسألها باحراج

" ملك هو انتي وفارس حصل بينكم حاجه بعتبار يعني انك مراته

نظرت له ملك بعدم فهم

علم مروان عدم فهمها وتحدث اليها بطريقه اوضح

" يعني قصدي ان انتي وفارس جوازكم دا علي الورق وبس ولا حصل بينكم حاجه من الا بتحصل بين اي اتنين متجوزين

هزت ملك رأسها ب لا وأكدت له ان زواجهم علي الورق فقط

ابتسم مروان براحه وتحدث اليها بهدوء

" الحمدلله طمنتيني

نظرت له ملك بستغراب وتحدثت بشك

" ليه يا مروان هي ايه الحكايه بالظبط

نظر لها مروان وتحدث بأسف

" الحكايه ان فارس حدد ميعاد جوازه من أيتن أمبارح وفرحهم هيكون قريب جدا وأيتن كلمتني امبارح وطلبت مني اصمم لها فستان الزفاف وطلبته في أسرع وقت وهي بنفسها الا قالتلي انهم اتفقوا علي ميعاد الفرح

نظرت له ملك بصدمه وهي تهز رأسها بعدم تصديق

ولكن مروان أكد لها صدق كلامه واكد لها انهم فعلوا نفس الشئ في خطبتهم عندما اعلنوا فجأه خطوبتهم والان سوف يعلنون فجأه زواجهم وموعد زفافهم

جلست ملك وهي تشعر بصدمه كبيره وغير قادرة علي التنفس ووقفت من مكانها لتذهب ل فارس وتواجهه بهذا الكلام

ولكن مروان منعها وتحدث اليها بهدوء

" ملك لازم ما حدش يعرف ان انتي عرفتي لان احنا منعرفش ليه فارس عمل كدا واكيد في سر في الموضوع لان انا حاسس ان فارس بيحبك بجد ومفيش اي مشاعر في قلبه اتجاه أيتن صدقيني

ردت عليه ملك بغضب

" ولما هو مفيش في قلبه مشاعر ل أيتن ليه هيتجوزها وازاي يتجوزني لما هو هيتجوزها إيه هيتجوزنا احنا الاتنين ولا ممكن حضرته فكر انه عمل فيا جميل بجوازه مني وان انا البنت الضعيفه الا هقبل اكون زوجته في السر

نظر لها مروان بأسف وحاول تهدأتها وتحدث اليها بهدوء

" ملك انتي دلوقتي الا مراته ولسه أيتن ما بقتش حاجه وانتي تقدري تحافظي علي جوزك وتمنعيه انه يتجوز أيتن

نظرت له ملك وتحدثت بغضب

" انا مش هحارب عشانه وهو اصلا مايستهلش دا واحد خاين وضحك عليا وخدعني

نظر لها مروان وتحدث بتأكيد

" صدقيني فارس بيحبك انتي انا متأكد ولو سمعتي كلامي وحركتي غيرته عليكي جواه هنمنع جوازه من أيتن وهنخليه يعلن جوازه منك

نظرت له ملك وكانت في اقصى حالات الغضب ولا ترى غير انها غبيه عندما هربت من الخداع وجأت الي الخداع بقدميها