الحلقة الخامسة والثلاثون
#ليلة_من_فبراير
❤️
ام مهند ـ ليش تضيعين علاء من ايدج
علئ الاقل خليهن يم عمامج واتزوجي علاء وتكدرين كل فترة تروحين تشوفيهن وتشوفين احتياجاتهن
ولا تخسرين المشيتين بهالتصرفات
نهاوند ـ بس اخاف عليهن يعذبوهن ويضربوهن
ـ كلنة اتاذينة بصغرنة
هواي هيج ترة يانهاوند
وهاي كدامج كبرنة ومشت حياتنة
انتي نفسج اتاذيتي وانجويتي بيدج وبالشارع بقيتي وانسجنتي وانلعب بيج طوبة وهسة الحمد لله احسن من قبل بهواي
لازم تضحين بشي
وتعوفين شي
حتئ تعرفين تعيشين بهالدنية الكشرة
اتوكلي علئ الله وخلي نقنع الاماية بيج بلكي الله يهديهه وتبدي تحبج وتالي تكدرين تجيبين خواتج يمج بعدين
هونيــــهه وتهـــون لا تعــقــديهه
فهمتي يا خاله
ـ اضطريت اسكت علئ هالكلام
ماعندي جواب ولا عندي رد
واصلا اني مخيرة مو مسيرة بهالشي
بهالكم يوم الراحن
حسيت نفسي اني وخواتي كلش ثكيلات علئ بيت خاله ام مهند
لا اكدر احجي شي
ولا اكدر اتقبل هالظيم علئ خواتي
ممنوع يتحركن
وممنوع يهوسن وممنوع كلشي عليهن
بلكي حجيهه صدك عن علاء واهلهه بلكي اكدر اكسبهم من نتزوج
وتالي تقبل اخذ خواتي يمي..
ياربي ماعندي غير حل
خو مو نبقئ ابيت العالم الغربة
ولشوكت نريد نبقئ
اكيد يجي يوم تمل من عدنة وتكول اطلعو من بيتي
وذاك الوكت صدك نصفئ بالشارع
عفتهه لخاله وصعدت فوك ميتة بجي
بس اتخيل راح خواتي يروحون لبيت عمامي راسا تجيني نوبات بجي هستيريه
نغم ـ شبيج نهاوند ليش تبجين
ـ تعالي كعدي يمي انتي وخواتي
صبا ـ تبجي لان ما قبلو ينطوهه لعبة تتحرك
ـ ههه حبيبتي ..
بعدهه صغيرة واكبر همهه اللعبة التتحرك شلون تحصلهه
دخيلك ربي شلون راح ابقيهم ابيت عمي لوحدهم
شلون أئمن عليهم هناك واني هالكبرني واذوني اذية متنسي
ربي خاف همين يرجعون يبيعوهن
اذا المرة الاولئ جنت موجودة هناك يمهم وكدرت ارجعهن
هسة شلون من اتزوج والتزم برجال وعيال
منو يكول يخلوني اجي ازور خواتي
يجوز همين ياخذوني وبعد محد يقبل يجيبني لبيت عمامي
وذاك الوكت يبيعوهن ومحد يندل اراضيهن وين
اجتي عيني علئ اختي لحونة كاعدة علئ جهه تلعب بلعابة صغيرة عدهه من بيت خاله وداد جابيتهه
شافتني وحضنت لعابتهه وباستهه وضحكتلي بكل برائة
ما كدرت اقاوم نضرتهه البريئة
ركضت عليهه حضنتهه وحضنت خواتي وغصيت بالبجي
ياارب ليشش مكتوب علينة التعب والاذية
هسة لو بس امي باقية عايشة ما جان هذا حالنة
وين اروح بيهن
يا بيت يلمنة بدون مياذينة
