طبعا هواي قصص مرت عليه تقريبا مشابهه لقصة نونة لكن غير تفاصيل واحداث يعني مجرد زواج بين دينين بضروف نكدر نسميهه طبيعيه..
لكن ماحبيت اكتبهه لان اعرف المجتمع الشرقي وتفكيرة لذلك اختاريت هالقصة من بين القصص لان بيهه عبر كثيرة وكبيرة للي عندة عقل ويفهم طبعا..
الكل يعرف قصصي واقعيه والكل يعرف نمط كتاباتي
ماحب اضيف شي خيالي للقصة واذا ضفت خيالي فـ هي بعض الحوارات والحبكات المطلوبة بالقصة حتئ تكون رواية متكاملة
الخلاني اختار هالقصة
مو فقط موضوعه الغريب والممطروح زواج مسلمة من ايزيدي .. الخلاني اختار هالقصة لان مافد يوم قريت قصة تتكلم عن الاقليات ووكفاتهم بهالبلد
رغم القصص كثيررة والعبر ااكثر لكن للاسف مالكيت شي منصف للاقليات وهذا يجوز شي غافلين عنة كُتاب هالبلد ..
الله اعلم بعد
لكن فعلا الاقليات الهم دور بهالبلد لا يقل عن الاغلبية واختلاف الدين واختلاف الاراء لايفسد للود قضية
رغم كلشي مرينة بي يبقئ يجمعنة تراب واحد لغة مشتركة دم واحد اعراف تقاليد مشتركة ونبقئ اخوة ان شالله مهما حاولو تفريقنا دواعش العصر
رغم شكد حاولو يشوهون القصة لكن الحمد لله دائما بفضل المتابعات العندي اجيبلهم صور وشهود علئ كلامي واسكتهم ..
القصة كتبتهه بكل تفاصيلهه صدكوني كلشي ماتركت منهه الا الغير مهم
لاحورت ولاحرفت نهاية معينة
ما اتصور اكو شي بالقصة مو واضح ذكرت بالبارت ياسر رافض يرجع نونة زوجه الة بسبب حالتة الصحية كلش تعبانة
وبنفس الوقت شهاب همين ميقبل بهالزواج يرجع مرة ثانية واثنينهم استسلمو للامر الواقع
ورغم هذا ياسر ونونة مرتاحين علئ هالوضع وعايشين اصدقاء والاحترام بينهم ينضرب بي المثل
وهالشي نفتقدة بمجتمعنة بمجرد تم الطلاق صارو اعداء وواحد يشمر علئ الثاني مصايب ولو ضروف نونة بالطلاق تختلف عن غيرهه
مارتشت احد ولا لمعت احد مثل ماتهموني بعض العقول الصغيرة
بالعكس كل شخص ذكرت سلبياتة وايجابياته بالقصة
ما شجعت دين علئ دين ولا مدحت بدين وذميت بالثاني لكن البعض عقلة. شوي يرادلة تحديث او فرمته حتئ يفهم المغزة من القصة
ما اكدر اتلاعب باحداث حقيقة وازوج البطل من البطلة وهمة اصلا منفصلين لان البعض انصدم بالنهاية ممتوقعيهه مرات الواقع ينرفض لذلك يلجأون او يفضلون بعض الناس القصص الخيالية
اما قصة نغم وشهاب فـ هي بعدهه مابدت حتئ اني اكملهه بعدهم مثل ماهمة هي رافضة الزواج ومتشوف شهاب غير اخ
وهو متأمل خير بيهه
والسنين الجاية اذا صار تغيير اكيد اكتبة لان 2019 عن 2021 مو فد فرق يعني نفس الاحداث وان شالله اذا الله كاتبلهم قسمة ينجمعون..
القرة القصة بتمعن راح يفهمهه
احنة بزمن هواي ناس انقتلو استشهدو من بداية القرن 21 ومحد يعرف منو قتلهم ومنو ايدة اتلوثت بدمهم حالهم حال فؤاد وازدهار لذلك استشهادهم من قبل مجهولين والئ يومنة القتلة مجهولين
اما بخصوص التعويضات عن استشهاد ابوهم وامهم ف البنات مشن بيهه لكن ماحصلن شي واني من الناس عندي شهداء مغدروين من سنة 2004 لكن كلشي ماحصلنة
يعني موشي غريب
وكلمة اخيرة احب اكول للمتابعين
خلو عدكم صبر من تقرون رواية
لاتتهجمون علئ الكاتبة بدون فهم
التهجم الصار علية بوقت زواج ياسر ونونة كشفلي شكد اكو ناس تنضر من منضور ضيق
والكلام الي انحجة بحقي من المتابعات والغلط والسب راح يتحاسبن عليه من ربهن الي يأمنن بي ..
لان ماكو دين يقبل بالاهانة والسب والتجاوز بدون سبب
وهي قصة اول وتالي مو محاضرة دينية حتئ لازم اذكر وية كل تفصيلة شي ديني
مثل مكتبت العبرة بالخواتيم
ومن خلال سياق الكلام وضحت عن طريق شهاب شنو هالزواج من وجهه نضر الدين الاسلامي ووضحت ايضا هالزواج من وجهه نضر الدين الايزيدي مافرقت بينهم لكن كل شخص الة دورة بالقصة
نهاوند بوقت تزوجت ماعدهه احد تستشيرة او تاخذ رأية ووضحت بالبارتات الاخيرة شنو كان الدين بالنسبة الهه محرد ببغاء تررد كلام بدون فهم الئ ان اجئ شهاب وعدل مفاهيمهه
اما المراهقات الذكرتوهن راح ينحرفن من هالقصة فـ احب اكلكم
هالمراهقات قرن اشكال القصص
واني بنفسي شفت قصة جدا مشهورة منذكر لاي كاتب
لكن هية قصة زنا واضح بين اثنين متزوجة وعلئ ذمة زوجهه وراحت وية عشيقهه والتعليقات والمشاهدات تعدت ملايين وبالاخير يتزوجون ويعيشون حياة سعيدة
وبصراحه ماشفت انتقادات لهل قصة مثل التوجهت الي 🙂
علئ العموم كل شخص يحكمة اخلاقة ودينة واي تجاوز صار اني مارديت عليه مجرد انطي حضر لان لاخلاقي ولا ديني يسمحلي انزل لهيج مستويات😌
وختامهه مسك ان شالله وراح اروح انام سبع شهور لان صارلي سبع شهور منايمة عدل من ورة القصة🥴
احبكم وانتضروني بقصة قوية. جديدة تكسر الدنية مثل هاي 😁
