جمعتنا صدفه

البارت التاني

أخدت الطلبات وروحت وهي ف الطريق قابلت سلمي.
حور: دا انتِ حماتك هتحبك جداً.
سلمي: أيوا ماهو انا اتحب اصلا بس غريبه ف اي.
حور: مغروره والله. هعمل بيتزا تعالي اقعدي معايا وكلي معانا انهارده.
سلمي: اوه طب تعالي اقول لماما ونروح.
حور: اوكيه يلا.
قالوا لمامتها ووافقت وراحوا عند حور وعملوا بيتزا وأكلوا وجدتها سابتهم وراحت تقعد مع جارتها شويه وهما جابوا سوداني وشويه تسالي وقعدوا ف البلكونه.
حور: صحيح تعرفي مين اللي طلع ساكن قدامنا.
سلمي: مين.
حور: الكائن اللي انا خبطت فيه امبارح دا.
سلمي: بتهزري القمر دا ساكن قدامك.
حور: قمر اي ياغبيه دا رخم ومتطفل اصلا.
سلمي: ليه عملك أي يامفتريه دا غلبان.
حور: يا بنتي دا كل اما اروح ف مكان ألاقيه قدامي وبيتكلم معايا ولا كأني عدوته وأنا ولا اعرفه اصلا.
سلمي: يابنتي مايمكن هو شخصيته جد وبعدين هو ميعرفكيش هيكلمك حلو ليه.
حور: يابنتي ف حاجه اسمها ذوق هو ميعرفش حاجه عنها اصلا.
سلمي: عادي يمكن طبعه كدا سيبك منه.
حور: سيباني اصلا.
وقعدوا يتكلموا ويهزروا شويه.
سلمي: أنا هروح بقا عشان متأخرش.
حور: ماتقعدي شويه مستعجله ع اي.
سلمي: لا خلاص بقا وبعدين عمي وعياله جايين عندنا يسهروا شويه.
حور: غمزتلها وضحكت.اه قولتيلي عمك يعني ياسين يعني.
سلمي: اه ياسين يارخمه.
حور: طب روحي يختي.
سلمي: يلا باي ياقمر أشوفك بكرا ف الكورس.
حور: ماشي متتأخريش عليا.
سلمي: والنبي قولي لنفسك.
حور: طييب مش هتأخر اصلا.
سلمي:ياريت.  يلا باي.
حور: باي.
عدي يومين من غير تفاصيل مهمه.
كانت حور وسلمي راجعين من الجامعه.
حور: بقالي يومين مش بشوف الشخص دا ولا بيظهر ف البلكونه خالص غريبه يعني.
سلمي: مالك مهتميه بيه كدا ليه
حور: انا لا خالص مش مهتمه ولا حاجه.
سلمي: حور انتِ معجبه بيه!
حور: لا مش معجبه.
سلمي: بصتلها بخبث كدا. ياحور مش عليا
حور: بصراحه معجبه بيه ومشدوده ليه من غير حتي ماعرف اسمه بس انا مش عارفه دا شعور وهيروح ولا لا بس إنتِ عارفه عمري ما إتشديت لحد.
سلمي: مفيش أجمل من إحساس الحب بجد إساليني أنا إحساس حلو جدا جدا والله.
حور: اي يا بنتي بقولك معجبه مش بحبه.
سلمي: معجبه مغرمه أنا بقا مش عاوزه الا هو.
حور: دا انت رخمه. وبعدين هو حد جميل ووووو.... وبصت قدامها بصدمه كدا.
سلمي: اي يبت انتِ علقتي.
حور: يختااي بصي كدا.
سلمي: ضحكت. الله اكبر دا بيجي ع السيره بقا.
حور: الحقي دا جاي علينا انا همشي.
سلمي: اقفي يامجنونه مايمكن هيعدي من جنبنا وخلاص.
جه وقف قدامهم فعلا.
أسر : السلام عليكم.
حور وسلمي: وعليكم السلام.
سلمي: نعم حضرتك محتاج حاجه
أسر: كنت عاوزه أسال عن أقرب دكتور أمراض نفسيه هنا.
حور ل سلمي بصوت واطي: الحقي دا طلع مجنون.
سلمي: كانت كاتمه الضحك وضربتها ف ايديها عشان تسكت.
أسر بصلها وضحك: وقالها اه مجنون بيكي.
حور: اتصدمت ها.
أسر: متتصدميش اووي كدا أنا بهزر.
سلمي ف سرها: دا انت طلعت رخم ماتقولها بحبك ونخلص بقا.
حور: تهزر ولا متهزرش انا مالي بيك اصلا وبعدين مش عارفين دكاتره المجانين فين إسال حد مجنون زيك . وسابته ومشيت.