جمعتنا صدفه

البارت السابع

أسر غير هدومه ونام.
حور خلصت وقعدت مع جدتها شويه وبعدين طلعت تنام.
أسر صحي الساعه 6 صباحاً لبس بنطلون رياضي  أسود وتشيرت قطن اسود وكوتش أبيض وطلع يجري شويه وفطر ونزل الجيم جه ع الساعه 2 العصر بعت لحور كانت قافله دخل أخد دش وغير وطلع لقاها لسه مرديتش رن عليها مرديتش مره رن كمان مره ردت.
حور: بصوت نعاس. صباح الخير يا أسر.
أسر: صباح الخير اي احنا بقينا العصر ياغيبوبه اصحي دا كله نامي.
حور: هو العصر كدا متأخر اومال اصحي امتا.
أسر: المفروض ع الأقل الساعه 8 دا انا صاحي من الساعه 6.
حور: انت عندك صحه انا معنديش الصحه يدوبك يابني والله.
أسر: ضحك. بحب عجوزه والله.
حور: نصيبك بقا.
أسر: طب قومي فوقي كدا وافطري وبعدين هرن عليكي.
حور: لا مش هفطر هجيب مولتو.
أسر: مولتو اي قومي افطري كويس واسمعي الكلام.
حور: حاضر ان شاء الله.
أسر،: متاخدنيش ع قد عقلي ياحور وقومي افطري.
حور: طيب طيب قايمه اهو.
أسر: جدعه ياحبيبتي يلا شويه وهرن عليكي.
حور: ماشي
قامت فطرت وشربت قهوه عشان دماغها كانت مصدعه وقعدت تسمع فيلم الخطايا.
جدتها : صحيتي امتا ياحور.
حور: بقالي شويه ياتيتا.
جدتها: طب فطرتي.
حور: أيوا وشربت قهوه تعالي اقعدي نسمع الفيلم.
جدتها: هروح اصلي واجي.
حور: طب استني هاجي اصلي معاكي.
جدتها: طب روحي اتوضي يلا.
صلوا وطلعوا ف الجنينه شويه.
جدتها: مفيش حاجه جديده.
حور: ف اي.
جدتها: أسر.
حور: اعترفلي بحبه ياتيتا.
جدتها: ياحبيبه تيتا امتا.
حور: قبل مانسافر ب يوم كان أجمل يوم ف حياتي.
جدتها: ربنا يجعل كل أيامك جميله ياحبيبتي.
حور: حضنتها. يارب ياتيتا ويديمك ليا طول العمر يارب.
جدتها: يارب ياحبيبه تيتا. طب اي هيجي يتقدملك امتا
تليفون حور رن.
حور: دا أسر ما شاء الله بيجي ع السيره.
جدتها: طب روحي كلميه.
حور: ماشي نكمل كلامنا لما اخلص.
جدتها سابتها ومشيت.
أسر: وحشتيني.
حور: لحقت.
أسر: بخباثه. شوفتي بقا بحبك ازاي مش زيك.
حور: طب مانا بحبك.
أسر: ضحك. أخيراً وانا كمان بحبك جدا.
حور: طب والله انك رخم.
أسر: بنت عيب تغلطي ف زوجك قره عينك.
حور: قره عين مين ياقمر
أسر: قره عينك وحبيبك يختي.
حور: اه طبعا طبعا.
أسر: شو عندك اعتراض.
حور: لا طبعا وانا اقدر اعترض.
أسر: ايوا كدا.
حور: هتسافر انهارده.
أسر: ان شاء الله.
حور: توصل بالسلامه يارب.
أسر: يارب ياحبيبتي. هترجعي امتا.
حور: بعدك ب يوم بقا ان شاء الله.
أسر: مستنيكي عشان نخرج بقا.
حور: هانت. بقولك هتيجي خطوبه سلمي اكيد.
أسر: مش عارف بس ممكن.
حور: كدا كدا هتتعزم ف تعالي بقا.
أسر: هاجي عشان خاطرك.
حور: حبيبييي.
أسر: قلب حبيبك.  بتعملي اي
حور: ولا حاجه قاعده ف الجنينه بابا ف الشركه ومراته ف النادي وتيتا دخلت جوا وانا قاعده لوحدي.
أسر: لوحدك اومال انا بعمل اي.
حور: وبكلمك يعني
أسر: طب هتعملي اي تاني انهارده.
حور: بابا عازمنا برا ع الغدا ف ساعه كدا وهقوم ألبس وبعدين ارجع  انام بقا. وانت هتعمل اي.
أسر: شويه وهقوم اتغدي و بعدين اخرج مع هايدي شويه وبعدين....
حور: هايدي هايدي مين دي ياخويا.
أسر: ضحك. هايدي دي روحي.
حور: لا والله.
أسر: اه والله بنت اخويا الصغيره.
حور: اه بحسب.
أسر: لا متخافيش مفيش ف حياتي غيرك ولا هيكون فيه غيرك.
حور: وانا مش عاوزه ف حياتي غيرك انا مكتفيه بيك.
أسر: بحبك تاني وتالت.
حور: ابتسمت. وانا كمان بحبك جدا وعمري ماحبيت حد غيرك ولا دخل قلبي غيرك انا قلبي متيم بيك.
أسر: ربنا مايحرمني منك أبدا يا روحي.
حور: ولا يحرمني منك ياحبيبي
انا هقوم اخد دش والبس بقا عشان الحق.
أسر: طب خلي بالك من نفسك.
حور: حاضر. هتعوز حاجه
أسر: سلامتك ياحبيبتي.
قفلت وطلعت أخدت دش وطلعت بنطلون جلد اسود وعليه بلوزه بيضا فضفاضه وكوتش أبيض ورفعت شعرها وحطت ميكب هادي جدا ونزلت تقعد ع المرجيحه ع مايجهزوا واخدت معاها المذكرات بتاعتها وقعدت شغلت اغنيه كلام عينيه ف الغرام احلي من الأغاني وقعدت تكتب عن أيامها الحلوه اللي قضيتها معاه وكتبت عنه وقد اي هي بتحبه واتعلقت بيه اكتر هو حلو اووي ومحلي حياتها وجوده مفرحها صوته بيطمنها الحب جميل اوي مع حد جميل حد يقدرنا حد يفرحنا دايما وحتي لو زعلنا ميهونش عليه زعلنا ويراضينا دايما حد يحتوينا يشوفنا حلوين بكل حالاتنا.
والدها: جاهزه.
حور: ايوا فين الباقي.
والدها: انا وانتِ بس اللي هنتغدي برا عندك مانع.
حور: لا طبعا معنديش.
والدها: طب يلا.
خرجوا وركبوا عربيه والدها وراحوا مطعم قدوره يأكلوا سمك.
حور طلبت جمبري لأنها مكانتش بتحب السمك. خلصوا أكل. ووالدها حاسب وراحوا يقعدوا ع كافيه.
والدها: انا عارف اني قصرت معاكي كتير اووي ياحور ومكنتش بهتم بيكي خالص وفين وفين ع ما بسأل عليكي وبعاملك معامله وحشه متزعليش مني ياحور انا اسف يابنتي انا قصرت ف حقك كتير اووي سامحيني.
حور: لا يابابا متقولش كدا مفيش اب بيعتذر لبنته انا مش زعلانه منك.
والدها: حضنها. مش هيحصل تاني يابنتي مش هسيبك ولا هتجاهلك تاني.
حور: فرحت. ربنا مايحرمنيش منك ابداً يابابا.
والدها: ولا يحرمني منك ياحبيبه بابا.
فضلوا يتكلموا ويهزروا شويه وبعدين قاموا يروحوا.
عند أسر صحي اتغدي وبعدين طلع لبس تشيرت نييتي وبنطلون اسود زي ماهايدي قالتله عشان يكون مطقم معاها  وأخد هايدي وخرجوا
راحوا الملاهي ولعبوا كتير وجابلها عروسه جميله زيها وبعدين راحوا يأكلوا أيس كريم واتمشوا شويه وبعدين روحوا عشان يلحق يجهز شنطته ويقعد معاهم شويه.
أحمد: انبسطي ياديدي
هايدي: هزت راسها ب ايوا. شوف عمو جابلي اي يابابا.
احمد: جميله ياحبيبه بابا
أسر: اومال فين بابا وماما.
احمد: بيصلوا وزمانهم جايين.
أسر: طب انا هطلع اجهز الشنطه وانزل ع مايجوا.
احمد: ماتقعد شويه كمان.
أسر: مانت عارف انه غصب عني ولو قعدت هيكون خطر عليا نقبض عليهم بس وهرجع ع طول.
احمد: ربنا معاك ياحبيب اخوك.
أسر: يارب ياحبيبي
طلع يجهز شنطته وغير هدومه واخد شنطته وبعدين نزل قعد معاهم شويه
عند حور روحت وكانت مبسوطه عشان باباها اتغير معاها غيرت ونزلت عملت فشار وجابت فيلم Me Before You  وقعدت تتفرج عليه.
جدتها جت تقعد معاها: شيفاكي راجعه مبسوطه احكيلي.
حور: جدا ياتيتا مكنتش اتوقع ان بابا هيجي ف يوم ويتغير معايا ويرجع زي الأول تاني بس اهو حصل وإتاسفلي عشان معاملته ليا قبل كدا مبسوطه اووي.
جدتها: ربنا يهديكوا لبعض يابنتي يارب ويسعدكم دايما.
حور: يارب ياتيتا ويخليكي ليا.
عند أسر.
أسر: طب يا جماعه هتعوزوا مني حاجه بقا انا لازم امشي.
والدته: ماتقعد يومين كمان يا أسر عشان خاطري
أسر :غصب عني يا أمي والله هانت اهي وهرجع ان شاء الله.
سلم عليهم.
والده: خلي بالك من نفسك يابني.
أسر: ان شاء الله يابابا.
أحمد: يلا انا هوصله
أسر: طب يلا.
وهما ماشيين حور رنت.
أسر بص للتليفون وبص لأحمد اخوه.
احمد: ضحك رد ولا كأني موجود.
أسر: مش هتحفل اكيد.
أحمد: عيب عليك مش هعمل حاجه
أسر رد عليها.
حور: اي ياحبيبي انت فين كدا.
أسر: ف الطريق اهو
حور: حد معاك ولا اي.
أسر: ايوا احمد اخويا.
أحمد: سليملي عليها.
اسر: بيسلم عليكي.
حور: الله يسلمه.
أسر: بتعملي اي كدا.
حور: بسمع فيلم اجنبي حلو اووي. سمعت صوت ضرب نار. أسر ف اي اي الصوت دا أسر انت مش بترد ليه وصوتها كان عالي البيت كله نزل ع صوتها.
والدها: ف اي ياحور بتزعقي ليه.
حور: بعياط. أسر رد عليا اي الصوت دا.
أحمد: أسر انضرب بالنار انا هاخده ع المستشفي بسرعه.
حور: لا انتو بتهزروا صح. مستشفي اي دي.
أحمد قالها اسم المستشفي. وطلعت تجري ع برا والدها مسك ايديها.
والدها: فهميني ف اي ومين اللي انضرب بالنار دا
حور: هفهمك بعدين بس لازم اروح دلوقتي لأسر عشان خاطري سيبني يابابا.
والدها: طب استني هلبس بسرعه واجي معاكي وانتِ اطلعي البسي حاجه ومتقلقيش مش هيحصل حاجه ان شاء الله.
طلعت لبست هي وباباها بسرعه واخدها وراحوا ع العنوان.