جمعتنا صدفه

البارت الخامس

كل واحده منهم روحت بيتها.
جده حور: هنسافر اسكندريه عشان باباكي عاوز يشوفك.
حور: طب مايجي هو ياتيتا.
جده حور: انتِ عندك اجازه بكرا وبعده بس هو مش فاضي ف عشان كدا هنروح نقضي اليومين دول ف اسكندريه ونغير جو بالمره.
حور: خلاص ماشي ياتيتا. هنام شويه وبعدين صحيني.
جده حور: ماشي ياحبيبتي.
عند سلمي.
ابو سلمي: عمك جاي عندنا انهارده.
سلمي: اعمل اي يعني يجي ينور يابابا. انا طالعه انام
ابو سلمي: وجاي هو ومراته وياسين.
سلمي: اي دا بجد ياسين جاي. طب انا هطلع اغير هما جايين امتا يابابا.
ابو سلمي: بخباثه. مش كنتي هتنامي يابنتي اطلعي نامي واستريحي.
سلمي: لا خلاص انا مش جايلي نوم اصلا.
ابو سلمي: ضحك.ع راحتك يابنتي.
سلمي طلعت وغيرت ولبست فستان أزرق نفس لون عيونها وسابت شعرها وحطت روج خفيف لانها كانت جميله من غير حاجه ونزلت كانوا هما جم.
ام ياسين: بسم الله ماشاء الله كبرتي وبقيتي زي القمر ياسلمي.
سلمي: الله يخليكي ياطنط.
ياسين فضل باصصلها هو بيحبها من وهما صغيرين بس عمره ما اعترفلها.
قعدوا واتغدوا مع بعض وشربوا عصير. ومامت سلمي اخدت مرات عمها وطلعوا يتكلموا شويه وابوها وعمها راحوا يلعبوا طاوله.
ياسين: كل واحد خد التاني وراح ف مكان قومي بينا يا بنتي نطلع الجنينه.
سلمي: يلا.
طلعوا الجنينه وقعدوا يتكلموا شويه وسألها ع دراستها.
ياسين: لا والله ماهقدر اكتم اكتر من كدا.
سلمي: مش فاهمه تكتم اي.
ياسين: انا بحبك بحبك جدا كمان من واحنا صغيرين وانا بحبك معرفتش دا غير لما كبرنا شويه وخلاص مش قادر اخبي اكتر من كدا.
سلمي: بتحبني انا.
ياسين: مالك مستغربه ليه انا فكرتك انتِ كمان بتبادليني نفس الشعور.
سلمي: ماهو انا كمان بحبك ياغبي والبعيد مش حاسس.
ياسين: الله يخربيت لماضتك. طب تعالي معايا ومسك ايديها ومشي.
سلمي: انت موديني ع فين.
ياسين: امشي وانتِ ساكته.
خدها وراح عند ابوه وعمه.
ياسين: بابا. عمي انا هتجوز سلمي.
سلمي: ميييين
ياسين: مين اي مش لسه قايلك اني بحبك يابنتي.
سلمي: مقولتليش انك هتتجوزني.
ياسين: اومال هفضل احب فيكي من غير ما اتجوزك. يلا ياعمي وافق بقا.
ابو سلمي: ضحك احنا موافقين من زمان بس مستنينكوا تاخدوا الخطوه دي من زمان.
ام سلمي ومرات عمها: اخيراً لووووولووولوولووولوولي. مبروك يا ولاد ربنا يتمملكوا ع خير يارب.
سلمي: اي دا بالسرعه دي استنوا مش تاخدوا رأيي.
ياسين: رأيك مش مهم وبعدين انتِ هتموتي وتتجوزيني اصلا.
سلمي: اوه ع الغرور مش اووي كدا ياخويا. بس ماشي موافقه.
كانوا فرحانين ان اخيراً بقوا لبعض.
ابو سلمي: الخطوبه الخميس الجاي.
قضوا باقي اليوم ف سعاده ويزغرطوا وشغلوا اغاني.
عند حور.
أسر رن عليها كانت نايمه لسه.
حور: اي يا أسر.
أسر: صباح الخير انتِ نايمه لحد دلوقتي ليه.
حور: جيت من الجامعه نمت.
أسر: طب قومي البسي وهعدي عليكي ننزل نتغدا ونتمشي شويه.
حور: اوكيه هقوم البس اهو.
قامت لبست فستان طويل لونه احمر وعليه هيلز أبيض.
ونزلت لقيته واقف كان لابس تشيرت  أسود ع بنطلون أسود وكوتش أبيض.
أسر: اي ياعم الأحمر القمر دا.
حور: ضحكت.
ركبوا عربيه أسر.
شغل أغنيه وحكايتك اي يلي زي الملاك وتملي شاغل قلوب وياك شاغل قلوب الناس وياك.......
وكان بيبصلها ويضحك.
وصلوا مطعم بيتزا ايطالي وطلبوا.
أسر: مالك هاديه كدا ليه.
حور: لا عادي مفيش حاجه.
أسر: مالك ياحور احكيلي.
حور: هروح اقعد عند بابا يومين ف اسكندريه.
أسر: زعل انها هتبعد بس مبينش. طب زعلانه ليه اووي كدا.
حور: مبحبش اروح هناك مش بحب مراته.
أسر: طب متزعليش دا هما يومين متقعديش هناك ع طول اخرجي ع البحر متقعديش معاهم طول الوقت عشان متضايقيش.
حور: يلا عادي بقا انسي خليني اتبسط انهارده.
أسر: بحب اشوفك مبسوطه دايما ف خليكي مبسوطه ع طول مش انهارده بس.
حور: ابتسمت. حاضر.
اكلوا البيتزا وأسر حاسب.
أسر: مسك ايديها. يلا.
حور: انت مستعجل ع اي انا مش عاوزه اروح دلوقتي.
أسر: احنا مش هنروح اصلا.
حور: اومال هنروح فين.
أسر: يلا بس.
خرجوا من المطعم.
حور: انت مش هتاخد العربيه.
أسر: لا هنتمشي.
حور: بحب اتمشي اووي.
فضلوا يتكلموا كتير لحد اما راحوا عند الكورنيش وقعدوا هناك.
أسر: عشان المايه بتريح الأعصاب جيبتك هنا.
حور: انا بحب اي مكان فيه مايه اووي. الجو جميل.
أسر: عشان انت جميل.
حور: ضحكت.
أسر: غنالها. ضلي اضحكي ضلي اضحكي عيونك ما خلقت للبكا.
حور: صوتك حلو ع فكره.
أسر: انتِ احلي.
حور: ابتسمت.
أسر: ثواني جاي اهو.
حور: رايح فين متسيبنيش لوحدي.
أسر: عمري ما اسيبك لوحدك ابداً خليكي مكانك انا هاجي بسرعه ومش هتغيبي عن عيني
حور: ماشي متتأخرش.
أسر: ماشي.
أسر جه وكان جايبلها بلالين حمرا وبيضا كتير اووي.
حور: فرحت بيها اووي. الله جميله اووي يا أسر.  اخدتها لقيت بلونه فيهم مكتوب عليها بحبك. بصيتله بسرعه
أسر: أيوا بحبك كنت معجب بيكي بس لما خرجنا اول مره عرفت اني بحبك جدا بحب اشوفك مبسوطه مجرد ما بشوفك بتضحكي بضحك وبكون مبسوط لما اشوفك فرحانه انتِ خطفتيني من أول مره شوفتك فيها.
حور: وانا كمان بحبك اووي كنت خايفه متكونش بتحبني.
أسر: حضنها ولف بيها وقال بصوت عالي بحبااااك ولا حبيت قبلك ولا هحب بعدك دخلتي قلبي وقفلتي واخدتي مفتاحه ومش عاوز غيرك انا  لقيت روحي وحياتي معاكي وعاوز افضل معاكي للأبد.
حور: دا انا عمر ماحد خطفني كدا انا بحبك اووي وهفضل معاك دايما.
أسر: باس ايديها ربنا يخليكي ليا ياحور قلبي.
حور: ويخليك ليا يا أسر قلبي.
قعدوا يتكلموا ويهزروا شويه وكانوا مبسوطين جدا بوجودهم مع بعض. قاموا عشان يروحوا لأن الوقت كان اتأخر.
ركبوا العربيه. وأسر شغل.
واخيراً جه اليوم ابقي معاك شوف كما سنه بقا بستناك.
وكانوا بيغنوا مع الأغنيه وماسكين ايد بعض
حور: لا سيبيني انا اشغل بقا.
أسر: طب وريني ذوقك يلا.
شغلت ورضيت اعيشلك انت ياحبيبي كفايه ان انت حبيبي كفايه مليش   غير اني اعيش ع الأحلام حبيت ومبصيتش اي ورايا هي دي كل الحكايه.
أسر: طبيعي يبقي ذوقك قمر زيك.
وصلوا البيت.
أسر: هتوحشيني اووي.
حور: وانت كمان هتوحشني جدا.
أسر: كلميني دايما.
حور: حاضر. تصبح ع خير.
أسر: غمزلها. وانتِ من اهلي.
حور: ضحكت. باي.
أسر: باي.