جمعتنا صدفه

البارت الثامن.

دخلت المستشفى بسرعه وسألت ع الدور اللي هو فيه وطلعت بسرعه لقت حد واقف وفيه شبه منه عرفت ان دا اخوه راحتله.
حور: أسر حصله اي عامل اي طمني الله يخليك.
أحمد: اهدي هو ف العمليات دلوقتي ان شاء الله هيبقي كويس.
حور: والدها اخدها ف حضنه وقعدت تعيط. أسر لو حصله حاجه انا مش هعيش دقيقه واحده.
والدها: بعيد الشر عنك ياحبيبتي متخافيش ان شاء الله هيبقي كويس ادعيله.
حور: يارب يارب يابابا.
والدها: قومي صلي وادعيله.
حور: مسحت دموعها. حاضر.
قامت اتوضت وصليت ودعيتله كتير وقعدت تقرأ قرأن وتدعيله.
اتفتح باب العمليات وطلعت منها الممرضه قامت تجري عليها.
حور: طمنيني بقا كويس صح.
الممرضه: احنا محتاجين نقل دم بسرعه وللأسف فصيلته مش موجوده هنا.
حور: يعني اي مش موجوده اومال دي مستشفي ازاي.
والدها: اهدي ياحور بس.
أحمد: طب هو فصيله دمه اي.
الممرضه: AB وبسرعه حاولوا تتصرفوا عشان التأخير مش ف صالحه.
حور: انا فصيله دمي AB ينفع اتبرعله.
الممرضه: طب تعالي معايا نشوف
راحو كلهم وراها سحبت عينه من حور.
الممرضه: مينفعش تتبرعي لأنك عندك مرض السكر.
حور: مين دي انا معنديش حاجه.
الممرضه: دا اللي ظهرلنا ف النتيجه وعندك من مده قصيره.
حور: طب اومال هنعمل اي هنتصرف ازاي.
والدها: حور انا مراتي نفس الفصيله ومش بتعاني من حاجه
حور: طب رن عليها خليها تيجي بسرعه يابابا
والدها: رن عليها. أنتِ فين.
مرات باباها: ف النادي مع اصحابي.
والدها: طب تعالي ع مستشفي.... بسرعه.
مرات باباها: ليه حصلك حاجه ف اي.
والدها: لا مش انا دا حبيب حور بنتي محتاج تبرع بالدم وفصيلته مش لاقينها وهو زيك ف تعالي بسرعه.
مرات باباها: بقولك قاعده مع اصحابي انا مالي انا بحبيبها مش فاضيه.
والدها: زعق فيها. انا قولت تعالي يعني تعالي اقفل التليفون الاقيكي قدامي عشان متندميش.
مرات باباها: طيب طيب جايه اما نشوف اخرتها معاك انت وبنتك.
حور: قالتلك اي يابابا هتيجي.
والدها: ايوا جايه اهي.
حور: حضنت باباها. شكرا اووي يابابا مش هنسالك وقفتك جنب أسر.
والدها: بتحبيه اووي كدا.
حور: هزت رأسها وهي بتعيط.
والدها: مسحلها دموعها. ان شاء الله هيبقي كويس يا حبيبتي.
حور: ان شاء الله يابابا.
بعد 10 دقايق.
الممرضه: يجماعه ارجوكم التأخير مش ف صالحه فين المتبرع المريض نزف كتير انتو كدا بتضروه.
والدها: بص وراه. اهي المتبرعه جت اهي.
مرات باباها: انت مين قالك اني موافقه اصلا.
والدها: هكتبلك شيك بنص مليون بس اتبرعيله.
مرات باباها: مليون كامل وهتبرع.
والدها: حاضر وكتبلها الشيك وراحت تتبرع.
مرات باباها: اظن مهمتي خلصت كدا.
والدها: هي خلصت فعلا. انتِ طالق بالتلاته.
حور: بصتله بصدمه.
مرات باباها: انت بتقول اي دي جزاتي اني انقذت البيه حبيب بنتك.
والدها: هي دي جزاتك فعلا انا كنت غلطان ومغفل لما دخلتك حياتي واهو انتهيتي اتفضلي روحي لمي هدومك وع ما ارجع ملاقكيش ف الفيلا.
مرات باباها: ماشي يا طارق ماشي.
حور: عملت كدا ليه يابابا.
والدها: انا كنت غلطان لما اتجوزت ع مامتك ياحور واديني صلحت غلطتي.
حور: سكتت.
بعد ساعه ونص. الدكتور خرج من العمليات.
كلهم جريوا عليه.
أحمد: طمنا يادكتور.
الدكتور: الحمدلله العمليه نجحت بس  هيفضل تحت الملاحظه 48 ساعه عشان المضاعفات.
حور: هيبقي كويس صح.
الدكتور: ان شاء الله.
حور: طب ينفع اشوفه.
الدكتور: حد واحد بس اللي يدخل.
حور: بصت لأحمد.
أحمد: خليها تدخل تطمن عليه.
الدكتور: اتفضلي مع الممرضه تعقمك الأول.
راحت مع الممرضه واتعقمت ودخلت عنده.
الممرضه: متتأخريش.
حور: حاضر.
راحت قعدت جنبه ومسكت ايده.
حور: كنت عاوز تسيبني دا انا ما صدقت اني لقيتك كنت هضيع لو حصلك حاجه قوم بقا مش قولتيلي مستنيكي ترجعي عشان نخرج يلا قوم عشان نخرج وناكل بيتزا واحشني اشوفك واشوف عيونك واتكلم معاك وأحكيلك عن يومي انا واثقه انك هتقوم وهتبقي كويس عارفه انك مش هتسيبني عشان انت وعدتني.
الممرضه: يلا بقا كفايه كدا.
حور: حاضر خلاص اهو.
باست ايده. ربنا يقومك ليا بالسلامه يارب.
الممرضه: ان شاء الله هيقوم بالسلامه متقلقيش ربنا كبير
حور: يا رب