حبايب قلبى ، اولا حابة اشكر كل اللى قرأ ليا رواية كلية الشرطة و انه استحمل كمية الأخطاء اللغوية و النحوية و صعوبة السرد ، بجد شكرا ليكم بس حابة اوضح كام نقطة ❤️ الرواية دى كانت أول رواية ليا فطبيعى يكون عندى أخطاء و أخطاء كتير كمان ، ده غير انى مكنش عندى كمية المعلومات الكافية زي دلوقتى ، هى مجرد فكرة خيالية جاتلى عبرت بيها بالأسلوب اللى شوفتوه ، احنا عارفين ان فى مصر مفيش كلية شرطة للبنات ده غير أن صعب اوى تبقا دى تصرفات أطفال بس صدقونى دلوقتى فى أطفال أصعب من اللي كتبتهم بس ما علينا😂😂😂 ناس كتير كلمتنى و قالتلى امسح الرواية عشان حرام تتكتب فى ملف كاتبة زيى خصوصاً بعد ما طورت من نفسى جدا فى طريقة السرد و ربط الأحداث ده غير انى ظبطت النحو و اللغة العربية الفصحى اللى تابع بقيت اعمالى هيشوف ده كويس ❤️ انا حبيت اكتب الكلام ده عشان اقولكم اني فخورة بالرواية دى مهما كان حجم اخطائى فيها و فخورة انها رغم كل العيوب اللى فيها متشافة و عليها تفاعل حلو و انا مش همسحها يا جماعة ❤️❤️
دمتم سالمين 💜
أنت تقرأ
كلية الشرطة 🔥 بقلم / لوكى مصطفى
Actionغادر و تركها لكنها استطاعت ان تتغلب على جرحها و أصبحت شخصية يهابها الجميع ، عاد إليها ولكن هل سيكون فات الأوان؟
