🔥جنون عاشق🔥
المقدمه
🔥للكاتبه فافي بنوته🔥
______________________________________
كان اميره تحووس واضم ف الحوش
رياان:ميروو ماما قالتلك وتي رووحك ل سووق
اميره قعمزت بتعب ع سرير:اففف معنديش جهد بكلل للمشي
ريان:غير وتي رووحك ع اقل تنفسي هواء ربي شوي وانتي مدكوكه بين 4حطاان
وصال:هياا يأميره هيااا وتي رووحك بسرعه تو خوك يمشي
اميره ناضت لبسة عبايتها والوشاح وطلعت طوول🔥طبعا هياا جميله وجدابه متستحقش مكيااج❤
كان منضرها ملفت
-----------------------------------------
مروه رعشت من عياااط عزوزها
نعيمه ب صوت عالي:وين وين توا نازله خيره الحووش هكي مش نضيف ومطبخ محوس ماعين مس غسولات شن كنه البايره هدي
نزلت مروه بنتها:يااعمتي بس بناتك قاعدات ونا مكنتش فاضيه
نعيمه:معندكش علاقه ب بناتي انتي ضمي ومن فم ساااكت هياا
مروه تنهدت:حاضر عمتي حاضر
خشت الدار وسكرتها ب القوه
عمر خش وجايب معاه حجاات:اهلا ب مرتي الحلوه
مروه بدلع :اهلين يااحبيبي
عمر عض ع فمه:تعالي ادلعيلي فوق😉
مروه ضحكت :نقدرش حبيبي بنحوس ع الحوش وبعدها نرقالك
عمر قدم شدها من خصرها:انحبك مووت
مروه :باه حول تو اتشوفك امك
عمر حط وجها ع وجه:بوسيني تو انحول
مروه بسرعه بسااته ع خده
عمر شافلها من فوق لا لوطه:شنو هدا؟
مروه:بوسه اخويه 😂خلاص باعد امك مراات تطلع
عمر حول يده:تو نوريك غير تركبي بس
مروه خدت بنتها وطلعت لساانها وهربت
عمر ضحك عليهاا وركب فووق
خشت مروه للمطبخ انصدمت ماعين الفطور مع الماعين الغداء تنهدت بقووه وحطت بنتها ع الكرسي وبدت تغسل وهياا تفكر انها تحاافض ع راجلها مهما كان❤🔥
___________________________________
خشت اميره للسوق وكان تلقى تروح لأنها تعبت بجد ف الحوش
وصال :شن رايك ف بدله هدي
اميره عيونها ع المكيااج
وصال"مكيااج فكني منه تعالي شوفي معاي ملابس بس
اميره :ماما قفطان يلي معلق فووق يهبل
وصال:معليش ياوليدي شوي ترا
كانت اميره عاطيه بضهرهاا
قدم الشاب:تفضلي
وصال:ترا نزل قفطان هدا شويااا
نزل الشااب القفطان
ترررن تررن
وصال اطلع ف تليفونها:خودي منه قفطان ياأميره
تلفتت اميره بتاخد القفطاان .
انصدم شاب من جمالهاا ❤وقعد يشبح فيها
اميره خدت منه القفطاان :شكرا
شاب قاعد ساارح فيها ويبتسم
وصال كملت المكالمه:شنو عجبك اميره
اميره:اي كويس
شاب تباعد من عليهمم وهوا حاط عينه ع أميره طبعاا اميره لاحضت شي هدا بس مدورتاش .
كان طول الوقت الشااب حاط عينه ع اميرة وجسمها كان عاجباته بشكل غريب
مشت وصال تخلص فيه اما اميره قعدت ف مكانها
جت لاحضات وعين اميره طاحت ع عين شاب
شاب ابتسملها
اميره نزلت عينها وطلعت هياا امها طول بس مننكرش حتى اميره عاجبها الشاب❤🔥
يتبع
للكاتبه🔥فافي بنوته🔥
_______________________________________
هناا ح تبدى القصه والقصه احداتها واقعيه ❤
من القصه انشوفو ونتعلموو.. وهادي مقدمه قصيره ع القصه ❤🔥وحطولي تعليقااتكم ع القصه
أنت تقرأ
🔥جنون عاشق🔥
Mystery / Thrillerالكاتبه فافي بنوته لوأراد الله ان يجمع بين قلبين جمع بينهم لو كان بينهم مداد السموات والارض🔥❤
