🔥جنون عاشق🔥

💥جنون  عاشق 🔥
🔥للكاتبه فافي بنوته 🔥
الحلقه 6

هناااا الكل ساااااكت ويسمع يبي يتأكد من الخبرر
عمر يخبط:شنووو تي شنن تقووولوو اختي مش متجوزه كيف تقولو حااامل اختي صغيرة مازاال
الدكتورة:حني دكاترة ونعرفو اختك حاامل وف بداية حملها قاعده والبقيه ل عمركم
نعيمه طاحت اغمى عليهااا
وفتحي ومالك وبراهيم تبروو من اختهم 
بس عمر كاين عاايش معاهم وكانو خوتته قريبين من قلبه هواا يلي اهتم بوراق الجنازه والدفينه💔
امه خوته لاصقين ف امهم يلي كل ماتنوض تعيط
وأدوووخ. ماركبوش خيمه ولا أي شي داروها خفيف عشان ناس متشكش في القصه س.
كان يلي يحوسو ف العزي عمر وسوسن بس يلي يحوسوو وسوسن قريب هبلت ع اختها💔
ركب عمر لي حوشه لقااه فاضي ويشوف ف مروة ف كل مكااان كسر المزهرية وقلب طاوله:لييييبش ليييييش يااااااااربي ليش يااااسندس نزلتي رراااسنااا ف الوطااااء ليش مااشفتيش ل خووتك ليش درتي العااااار  قعد يبرم ف الحوش وهوواا يعيط حااارقاااته اخته 💔وهواا حاس ب الأنهيااار
_______________________________________
محمد:بنمشي انااا بااهي
اصيل :وين ع خيرر
محمد:صاحبي عمر يلي معاي اخته توفت
اصيل:له له ان لله وأن اليه راجعوون تماام امشي
محمد:هي سلاام
طلع اصيل من المحل وخلا واحد من يلي معاه يشد في المحل روح من المحل فرحان شاف حبيبته اليوم و جو سمح خش الحوش لقي امه و خوه الكبير و خواته مكسدين يهدرزو و جوهم مليح قال في باله مدام ملتمين خلي بنفتح معاهم الموضوع عائشه:اصيل جيت سلم ولدي
انور: شرف الافندي وين كنت ذايح
عائشه :خيرك مع خوك ديما نازل فيه
اصيل : تي خيركم انتم جوكم كان سمح لين خشيت 🥴
سلم علي خواته و صغارهم  و قعمز يهدرز
اصيل :مدام ملتمين نبي نكلمكم في موضوع
اخته زهرة :خير ان شاءالله
ليلي :،انتي نوضي ارفعي صغارك مكترين الدوشه
زهرة:😒😒
عائشه :هيا اسكتن يابنات خلي نسمعو خوكن خير ياولدي ان شاءالله
اصيل : لا خير يا امي متخفيش هههه
اني نبي نخطب😍 و في بنيه نبيكم تخطبوهلي
خوات اصيل بدو يزغرتو😍
عائشه:😍😍 اسكتن توا ايجونا الجيران الحمدالله ياربي بنتهني عليك ياولدي قبل انموت
اصيل :بعيد السو يا امي🥺
انور : مني يالي تبي تاخدها🙄 ليهم خمس سنين يجرو في جرتك بيش تزوج حوشك بتسكن فيه الغوله
اصيل : نصيبي هدا وين جي 😍
عائشه :باهي من هيا من العيله و لا برانيه و من اهلها و قداش عمرها
اصيل:توا نقولك ياامي لكن قبل كل شي نبيك تعرفي حاجه البنت كانت متزوجه مطلقه يعني
العيله انصدمت و الفرحه ختفت من وجوهم
ليلي :شن اتقول انت  بعقلك تتكلم و لا اتبصر
إبتسام:شكله مداير مقلب😂 توا نخطبلك بنت سلفي اتهبل🥺
اصيل :لا جديات نتكلم
خواته:😐😐
اصيل :شن رايك يا امي
عائشه :والله ماني عارفه ياولدي قلت بنات توا بتاخد وحده مطلقه
اصيل :نبيها اني و نعرف اهلها ناس باهين
عائشه : دير رايك يا ولدي شن بنقولك
زهرة:راي شنو يا امي بيجيب وحده مطلقه و هو عزري شن بيقولو الناس حشمتنا
انور: مهبول و لا كيف شن المطلقه يالي تبي اتجيبها
اصيل :
مدخلكش انت ناخد في راي امي
انور: شن هادي مدخلنيش خوك الكبير و عند راي معاك و نعرف مصلحتك المطلقه هادي مش خاشه حوازتنا و اني خشمي في النفس
اصيل: الحوزة ليا فيها زي ماليك بالك تحسابها باسمك
عائشه :صلو ع نبي خيركم خوت بتتقاطعو علي بنت اصيل خلاص اسكت و دور بنت تانيه و نخطبهالك من عيوني
اصيل :نبيها هيا يا امي
انور: تبي تربايه انت
عائشه :خيركم خوت انتم بتجلطوني و لا شني
ابتسام:خليه يعاركه و يفهمه مصلحته انتي يا امي خليك علي جنب
زهرة :حي كان يسمعن باقي خواتي بالعار يالي بديره خونا
اصيل :عار شني تي خيركم شن درت اني
انور :درق وجهك الزفت و الكلام هدا معاش نبي نسمعه مرة تانيه
اصيل: بناخدها و اعلي مابخيلك اركبه
عائشه :خيرك يا اصيل اترد علي خوك الكبير ياالي تعب عليك و رباك بعد بوك هكي و الكلام هدا معاش نبي نسمعه في الحوش و لا والله نغصب عليك
اصيل طلع حامق و سكر الباب بالقوة البنات بدو يحشو في راس امهم طول الليل
_____________♕_______♕_____________♕
عمر بعد ماكمل حوسة العزي جو خوته فوق من نفسهم عشاان يطيرو الشبهااا
محمد:تبي شيي
عمر:لااسلاامتك كفيت ووفيت
محمد:تم امالا تبي شي كلمني
عمر:تم هي
محمد حط يده ع كتفه: ابنيلها حوش واطلع من هناااا  متقولش مش وقته كلام هدا ولا تقولي كيف تتكلم هكي واختي مالهاش يوم متوفيه بس ح تتعب معاا امك
عمر:من بيقعد معاهااا مانقدرش نخليها بروحي
فتحي قدم:انا بنقعد مع اهلي وبنجيب لعويلة وبنسكن ف حووشك اصلا معااش بنسيب اهلي وانت كان تبي اسكن ف حوشي
عمر سكت وهوو يفكر:حوشك مش كامل
فتحي:كمله انت هوا دارين ومطبخ وحماام وانت كمل الباقي وجيب مررتك ونتبادلو ف الوطاء كان تبي
عمر هز ب راسه ب معنى تماام
محمد:ان شاءالله خير هي سلام استلمه يافتحي
فتحي:تم تم
_______________________________________
مروة شاده نقال وتبرم ف داار:يااارب يااارب ان شاءالله مايصير شي ان شاءالله مستوره
ترررن
مروة:علااش علااش مااانرديش شن صار ف سندس
سوسن:ماتت
مروة ضحكت:تكدبي انتي
سوسن:هدا الحق طلع حمل عقودي
مروة طااح النقال من  يدهاااا:لالالالالا ياااارب لييش لييش💔.
حطت رااسها ع الحيط:زعماا شن صاير فيك يااعمر💔
عمر حط رااسه ع سرير وهوا مضاايق قريب يمووت
ملقااش روحه إلا يتصل ب مروه
مروه شافت للتليفون قلبهادق مع بعضه ردت طول :الووو
عمر غمض عيوونه:مضاايق
مروة:عضم الله اجرك
عمر:كسرت ضهري ياامروة نزلت رووسنااا💔
مروه:ادعيلها ب الرحمه بس
عمر:اااخ بس اااخ لو نشد الحقير والله والله ل نردمه وهوا حي
مروة:ادعي ب رحمه ياعمر وانت رااجل عااقل
عمر:استحشتك استحشت حضنك انحبببك يااعمري
مروه سكتت:هي سلاام
عمر:لا متس
سكرت مروه وطااحت تبكي ع صلوون:كدداااب كداااب لو تحبني مااادرتش هكي تسيبني وتمشي بلا اي كلمه
_______________________________________

اميرة نقالها رن اصيل يتصل😍 فرحت اميرة :الوو
اصيل :ااااه
أميره:خيرك🥺
أصيل :مخنوق
أميره :سلامتك شن فيه
أصيل:جيت للبحر نبي نتنفس تعبان يا اميره
اميره: خيرك بس نحسابك تفرح بشوفتي
أصيل: والله فرحت هلبا و حسيتك قريبه مني لكن صارت مشكله في الحوش
أميره :احكيلي اصيل شن صار ان شاءالله خير
أصيل: والله ماني عارف مخاطريش نتكلم توا نبيك معاي بس
أميره : معاك اني🥺🥺
أصيل : أنحبك و انموت عليك
أميره: شغلت بالي احكيلي🥺
أصيل :بالله عليك ياحبي فوتيه اني نبي نسمع منك كلمه بس و متقوليش منعرفش و منبيش
اميره :شني
أصيل :نبي نسمع كلمة نحبك نعرفك اتحبني نبي نسمعها🥺
أميره:🥺🥺
اصيل :واله محتاج نسمعها
منك يا حبي
أميره : انحبك🥺
أصيل : اااااه و اني انحبك و انموت عليك و انحبببببببك
قعدو مع بعض لقريب الصبح انحبك و اتحبني🥺
بس اميرة قلبها قابضها وكأنها حاسه ب شي بس ماحبتش تضغط عليه
___________________________________
اميرة نقالها رن اصيل يتصل😍 فرحت اميرة :الوو
اصيل :ااااه
أميره:خيرك🥺
أصيل :مخنوق
أميره :سلامتك شن فيه
أصيل:جيت للبحر نبي نتنفس تعبان يا اميره
اميره: خيرك بس نحسابك تفرح بشوفتي
أصيل: والله فرحت هلبا و حسيتك قريبه مني لكن صارت مشكله في الحوش
أميره :احكيلي اصيل شن صار ان شاءالله خير
أصيل: والله ماني عارف مخاطريش نتكلم توا نبيك معاي بس
أميره : معاك اني🥺🥺
أصيل : أنحبك و انموت عليك
أميره: شغلت بالي احكيلي🥺
أصيل :بالله عليك ياحبي فوتيه اني نبي نسمع منك كلمه بس و متقوليش منعرفش و منبيش
اميره :شني
أصيل :نبي نسمع كلمة نحبك نعرفك اتحبني نبي نسمعها🥺
أميره:🥺🥺
اصيل :واله محتاج نسمعها
منك يا حبي
أميره : انحبك🥺
أصيل : اااااه و اني انحبك و انموت عليك و انحبببببببك
قعدو مع بعض لقريب الصبح انحبك و اتحبني🥺

يتبع 🔥للكاتبه  فافي بنوته🔥