🔥جنون عاشق🔥

🔥جنون عاشق🔥
الحلقه 10والأخيرة
🔥للكاتبة فافي بنوته🔥

اميرة كانت ح توافق ع شاب بيش تنسى اصيل لانها انجرحت هلباااا بس قبل ماتعلن انها موافقه جتها رساله من اصيل(حبي بكرةحبيبك جاي بيخطبك انا وخالي جايين متسأليش كيف مهم انا وياك بنكونو لي بعض)
ـــــــــــــــــــــــــــــــــــــــــــــــــــــــــــــــ
عمر: ايوااا
رواد الووو تفضل، ياعمر
عمر استغرب: عمرر؟؟؟
رواد: اي عارفك خوو سندس عطتني قبل سند س رقمم
عمر: كانك رااجل تعال وجه ل وجه بس
رواد: انا مش راجل وغلطت ف اختك وطالب السمااح وصكر ف وجه
عمر: اززززح يااااارب يشوفهااا ف بناته
ركب سياااره وهواا طايرتله جت بين عيونه مروة تصل بيها
مروة:نعم
عمر:نعم؟؟
مروة:ع اساس اول مرة انقولها
عمر:اااخ
مروة عرفاته مضايق حبت تغيرله جوه:بيبي
عمر:بيبي عينك قولي حبيبي
مروه:حبيبي عمريي يانبضي انت ياهوايه ياقلبي ياوتيني
عمر:ااه منك انحببك الززح انا ليك وانتي ليااا
مروه:انا ملك ل عموره بس
عمر:ومريوا ملكي
مروة:استحشتك وستحشت بوسااتك😍
عمر:خلي مشااعر راكحاات الزح لعند مانوصل فيك سااهل
مروة تضحك:مااانيش
عمر:ااااخ منك
وكملووو هدرزتهم😍🔥
ـــــــــــــــــــــــــــــــــــــــــــــــــــــــــــــــ
فات اليوووم كله عااادي ع ابطاالنااا جي اليووم التالي ف العشية

وصال:بنتك قالت ماتبيش
علي تنهد:حصل خير
وصال:يخطبو مية ويقسم واحد
جهاد:باتي ف واحدين جايينك
علي:منوو
جهاد:مش عارف اول مرة انشوفهم
ناض علي ورحب ب اصيل وخاله
ودخلهم المربوعه وخاله خش ف الموضوع طول وكاالعاده علي عطي الراي ل أميرة
وصال:غريبه شاب يلي جاي بيخطبك
اميرة:نصيب😍
وصال:وين اهله
اميرة':مش عارفه شن عرفني
وصال:قريب ترقصي انتي
اميرة:😂غير مركزه هلباا بس انتي
وصال:هاباا منك
ـــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــ
فاتو تلاته شهوور
وجا اليوم
يلي اصيل وامير ح يتلااقو مع بعض وللأبد اخيرا ❤
ويوم يلي عمر قريب مات عشان خلى فرج يوافق يردله مروة حبيبت قلبه ❤

كان العرس كبير وصحااب اصيل قايمين القدر
اصيل:خيرك انحسك مريض
محمد: هبووط كنت ف مشفى
اصيل: من شنووو
محمد:من ليم
اصيل:😂😂😂وووه
محمد:بطل براده تراا وانت اليوم بتصيع
اصيل ناض من يلاه لأنه لو قعد ح ينفلق ضحك قدام ناس
ـــــــــــــــــــــــــــــــــــــــــــــــــــــــ
واقفه ب الفيلو يلي اختارلها حبيبها
ومكياجها ترابي كانت اتجنن ب معنى الكلمه
ريان تبكي:راجل طرف
اميرة::ههه نحسابك بتقولي بنستااحشك
خشت وصال:هي طلعوهاا خلااص خوها يراجي
اميرة ششافت ل امها
وصال شدت ادموعها وطلعت من دار طوول
اطلعوو اميرة وطبعاا ايمن يلي رفعها دار العار بيش يرفعها♥
واخيرا رفعها لي حبيب قلبها وحيااتها يلي حبو بعضم حب جنوني
ــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــ
طبعا خوات اصيل قريب ينكلبن وف العرس مش مزينات كأنه عزي ويعبن ف راس امهم  ومش قايمين العرس ابدا
_ـــــــــــــــــــــــــــــــــــــــــــــــــــــــــــــــ
عمر:نورتيني يااقلبي انتي خشي
خشت مروه وهياا فرحانه بطيرر
عمر حضنها:ااااه استحشتك الززززح انحبك مووووت
مروة:كان تحبني مالزيتني
عمر زاد حضنها٨:اسفين باااه حبي
مروة:ساامحتك حوول
عمر:انششم ف حنه ووووه علياااا من مكيااجك وحنتك حولي العبايه خلي نشووف زين
مروة:بلاش سخاافه
عمر حول العبايه:وانتي جاينه هنا عشان شنو😂
مروة:بااارد
عمر:وربي وربي انحبكك موووت استحشتك ززح
مروه:🥺🥺وحتى اناااا انا اكتر انحببك 
عمر رفعها وخش بيها للدار:تو تعرفي من يلي يحب اكتر

وخشو دار وسكرو ف وجهي😒🙂
ـــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــ
واخيرا اليوم اصيل واقف قداام حبيبته.
اصيل:مش مصدق ابدا
اميرة:نحس ف روحي ف حلم
اصيل حط يده ع وجها:نحببكك وربي انتي ملكي وبس
اميرة بكت
اصيل:خليه ل بعدين ياعمري دمووع
اميرة ضحكت:سخييف
اصيل:نحبببك
اميرة:نموووووت فييك
صلو مع بعضهم.
شدها اصيل وصبااها':طاالعه اميرة وأنتي اميرة تهببلي
قدم اصيل باسها ع راسهااا وخدهااا وباسها من فهماا♥
ووووووووووووو
ـــــــــــــــــــــــــــــــــــــــــــــــــــــــــــــــ
طبعااا سوسن انخطبت ل صاحب فتحي وحلياا مخطووبه وعرسهاا قريب ❤
_ ـــــــــــــــــــــــــــــــــــــــــــــــــــــــــــــــ
نصيحه
مافيش عيب انها هدي مطلقه او ارمله
ربي مقالش ان المطلقه معاش تنفع  ب العكس ربي ف الدين وصى عليها ووصى ع النسااء
ربي لو اراد ان يجمع بين قلبين يجمع بينهم لو كان بينهم مداد سموواات والأرض
ـــــــــــــــــــــــــــــــــــــــــــــــــــــــــــــــ
نصيحه
مهما كانت عزوزك معاااك دريها زي امك.ف نهاية هياا ح تعرق روحها غاالطه بس حتى انتي متغلطيش لأنها بمتابة امك وديري يلي يرضيهااا. وحاولي تتجنبي كلامها سلبي زي مادارت مروة
ـــــــــــــــــــــــــــــــــــــــــــــــــــــــــــــــ
حبيتي شاب متبعتيلاش صورك او تبعتيله صور مش لائقه لأنه مش كل دكر رااجل يلي يبيك يعرف باب حوشك 🚪فكري ف اهلك وسمعت خوتك وباتك
شوي لي شيب باتك ولحية خووتك
ـــــــــــــــــــــــــــــــــــــــــــــــــــــــــــــــ
بفلوسك تجيب ارخص بنت.
وبرجولتك تجيب اشرف بنت.

وهادي نهاية.
مع الكاتبه 🔥فافي بنوته🔥

نوروني بتعليقاتكم🔥