🔥جنون عاشق🔥

🔥جنون عاشق 🔥
الحلقه7
🔥للكاتبة فافي بنوته🔥

أصيل : اااااه و اني انحبك و انموت عليك و انحبببببببك
قعدو مع بعض لقريب الصبح انحبك و اتحبني
-----------------------
------------------------
خش الصبح ع ابطاالناا
عمر مغمضتش عينه من امس كان تفكيرة كله من يلي سبب ف يلي خلى اخته هكي وماتت بسببه💔
ناض فتح روشن شاف لي خوته ف سور وبحداهم جماعه جايين يهدرزو
ابراهيم أشر ل عمر ب معنى انزل.
سكر عمر الروشن وقعمز ع سرير فتح نقاله وأتصل ب مروة كان مستحشها ومحتاجها ف وقت زي هدا
كانت مروة راقده ناضت من صوت نقالها وشافاته عمر فتحت النقال:الوو نعم
عمر:محلااه صوتك وانتي نايضه من نوومك♥
مروة غمضت عيونها:باه
عمر:اسف اسف والله لتعبت بلاك امي تعبتني ف جرتها انا نبيك واستحاله انفرط فيك
مروة دكت وجها ف مخده وبعتالي وخرت تتنفس😂:لو فعلاا ماتبيش اتفرط فيا را مالزيتني قدام خواتك واخرى قتلي خووك يرفعك اسمع ياعمر
عمر:يااقلبي نسممع
مروة:عندك كلام قوله معندكش بنسكر
عمر:انحبك انا تو بنفوت ايام وبنجي بنكلم خوك فرج نبي انردك
مروة:ولو رفضت انردلك
عمر:نقتلك
مروه:باه صبح يافتاح هي باي
عمر:متسكريش بنقولك انا خديت حوش خوي فتحي  وبنكمله ويبي فتره بيش انكمله وبعتالي بنجي انردك
مروة:مش بسهوله هدي كلها تكسرني وبعدها تردني
سكرت طول ف وجه بدون ماتسمع ردت فعله لانها كسرها بجد💔
_________________
________________________
ريان:السلام عليكم
وصال:بسم الله شن جابك ساعه9
ريان ربعت يديها:استحشتكم
وصال:انستي وين صغار
ريان:بحدا ايمن برا
وصال:باه نوضي  اختك راقده
ريان رقصت حواجبها :ماتوصي حريص😂
خشت تجري للدار
ريان :اموووور اموووور
اميرة رفعت راسها من سرير مستغربه:شن جابك تو؟؟؟
ريان:حوش من ه..
قاطعتها اميرة:توا عندك حوووش حوش راجلك
ريان:نوضي نوضي هي هي ديري فطور ووتي حجات غداء
اميرة دكت راسها ف مخده ونعسانه لانها سهرت مع الحب♥😍
ريان تشوفلهااا:هديناااا حركاات عاشقه
شافتلها اميرة وزادت دكت راسها ف مخده🙄
__________________'___________________
محمد قدام الاستراحه يتصل ب اصيل ومايردش
فتح باب الاستراحه ونصدم لقي اصيل راقد فيهااا
محمد:بسمم الله تكلم ياأخي انت جاان او انس
اصيل هوا راقد:جاان جاان
محمد خدي مية ويقرا فيها ويرش ع اصيل😂
اصيل:يبارد بطل
محمد:تكلم من جاابك ياكلب بسم الله
اصيل يضحك:تي بطل يافرخ
محمد قعمز:شن جابك هنا انت قصدي ليش ماقتلي
كنهادا جيتك
اصيل قعمز وحط يديه ع راسه-:كنت مضاايق للنم
محمد:احكي احكي شورة موضووع كبير
اصيل ناض:خلي نمشو للمحل اول
محمد ناض:بسم الله كان يطلع اصيل ف المحل وانت جن متعه ووووه
وطلع جري
اصيل طلع ورااه وهوااا ميتت ضحكك ع هبااال صااحبه😂
________________________________________
اميرة مقعمزه ع مراية بعد ماافطرت بس كاان قلبهاا قابضهاا من ناحية اصيل حست ب شي داسة اصيل
عليهااا كانت خايفه من كلمة مطلقه مع انه المطلقه مايعيبها شي ولا نهي عليها ربي ولا نهي عليها الرسول  ولا لعنها ربي ولا لعنها الرسول.... بس مجتمع الجااهل ديمااا تفكيره جاهلي وهدا من اكبر الاخطاء يلي ارتكبهاا المجتمع 💔
تنهدت اميرة وشافت روحها ف مراية:ربيي رحييم ماينسى حد..
خشت ريان عليها:أموور خيرك مضااايقه
اميرة ابتسمت:لابلعكس مش مضايقه بس مليااش كيف نايضه
ريان:امالا انا تو نركب غدي انتي تريحيي
أميره:تماام
اميرة:لازم نعرف اصيل شن دااس عليااا
شوي وصلها مسج من اصيل وكاتب(صباااح الحب ياحبيبتي يامملكتي)
اميرة فرحت ب رساله هلبااا هلبااات 😍بس مزال ف شي قابض ع قلبها
ردت ب مسج(صبااح العسل)
________________________________________
محمد:شيني يحسوو خواااتك هدينااا مريضااات نفسيااا راااه بدوون زعللل النمم انت بتتجوزها ولا خواتك
اصيل:قولهلهم كلاام هدااا
محمد:وينهم هماا😂
اصيل ضربه ع رقبته:هنيي روووحك
محمد حك رقبته:الحق فياا نسااعد فييك
اصيل:تي ديرلي حللل الننننم
محمد:انت خبرتهااا ع اهلك انهم رافضين
اصيل:لالا
محمد:احكيلها وشووف ردت فعلهاا وبعتاالي ساااهل
اصيل زااد اضااايق:كوون بعووني ياااارب راني تاااعب
محمد ضرب ع كتفه:ربيي رحيمم شوفني انااا هااا مرزقتش ببنت حلال قاعد نمص ف ليم 😂
اصيل ضحك:مبررردك للنم
---------------------------------------------
تررررن
سوسن شافت ل نقال اختها يتصل لقااته رقم غريب ردت:الووو
رواد:شنوو حاامل هدي ياااكداابه ماهووش ولدي اتنزلي ولا انفضح بيككك
سوووسن تبكي:الله لاتسااامحك ياااحقير بسببك اختي توفت بسببك حملت حقل قعودي وماتت قتلت رووح بريئااا ويلك يوووم القيااامه كيف بتقااابل ربي ان شاء الله تشوفها ف بنااتك وخواااتك ياحقير
سكرت النقال وقعدت تبكييي
رواااد اترفيه الكلام قعمز وهوااا مصدوووم قلبه بطييح كان مس متوقع انها بتمووت وجت كلمة سوسن ف راسه(ان شاءالله تشوفهاا ف بنااتك وخواااتك ياحقير)قعد مصدوووم ف مكاانه
وضميرة يأنب فيه لاكن بعد امته بعد مافات الوقت💔ليش ماحن عليهااا وقتت تتوسل ليه يااخدها ليش محن قلبه وقت تقووله اهلي يقتلوووني ليش ليش💔
____________________________________
محمد:اااه محلااه ززح اكاال المطعم
ناض اصيل:انت.ساددك ليممم راه يودرك انا شوي ونجي بنقعمز ف سيارة
محمد:قصدك الحب😍سلملي عليها
اصيل:يسلم عليك عزرائيل
محمد:🥺بسم الله تحرك من مكانك تل
اصيل طلع من محل لانه عارف كان بيقعد معاه بجننه
ركب سياره وجت ف باله اميرة كان مستحشهاا مووووت ♥تصل بيها وهوا عيونه قلووب
أصيل : ايوه
اميره :الووو
اصيل :صباح الورد يا عسل
اميره :صباح النور
اصيل: كيف ينتصل بيك انصبح عليك و نسمع صوتك الحلو
اميره: سلمني اني وصوتي🙈
اصيل :سلمني حتي اني🙄
اميره:😂 كيف حالك اليوم شغلتني عليك امبارح شن صاير معاك
اصيل تعدل و قعمز :والله صارت مشكله في الحوش و سيبته
اميره:😮 مشكله مع مني وسع بالك علاش هكي
اصيل :والله ماعد فيها طرتلي منهم متحكمين فيا و في حياتي مش عيل اني راجل ناخد قراري بروحي
اميره :فهمني شن فيه
أصيل :حكيت مع اهلي علي موضوعنا و درولي مشكله
اميره: علاش حكيت معاهم بس علاش استعجلت هكي
اصيل :شن تبي نقعد انكلم فيك و من ورا اهلك و اهلي و من الاول قتلك نبيك بشرع ربي مش بيش انكسد
اميره:نعرف والله نعرف و نعرفك راجل و قد كلمتك بس مش هكي تتصرف بسرعه و تستعجل المفروض خديت رايي حتي موضوع حساس
اصيل: لا هدا موضوع عادي و اني بنتزوج و بخدمتي و بفلوسي ميجمل عليا حد و انحبك و اتحبني شن مزال اكتر
أميره : مزال انه اهلك مش رح يتقبلو الموضوع بسهوله هكي زي ما انت متخيل
اصيل :مش متخيل اني عايش فيه المجتمع هدا و فاهمه لكن اني مندخل في حد و منبي حد يدخل فيا
اميره: ربي يهديك و خلاص مهما كان هادم اهلك
اصيل : امي علي عيني و راسي اما الباقي يالي مقعمزين يمحشو فيها و يعبولها في راسها عليا يمشو يملحو
اميره: معاش اتقول هكي منبيش انكون سبب مشاكلك معاهم الشي يالي هما داره كنت متوقعته و قتلك من الاول اني بنديرلك مشاكل
اصيل: مش انتي سبب هما بمشو رايهم في حياتي و يبوني انعيش بجوهم
اميره: هدي اعصابك بليز و نوض صلي و خود قهوة و نتكلمو بعدين باهي❤
اصيل :ااااخ من عيوني يا قلبي ❤
سكرت اميره و هيا تخمم في موقفها و كيف دارت مشكله بين اصيل و اهله اميره : يارب اتحنن قلب اهله علينا و منكونش سبب المشاكل بينهم يارب
ناضت وفقت قدام المراية نزلت منها دمعه ومسحتها طوول ابتسمت:لو فينااا نصيب وربي كاتبناا ل بعض حنكونو ل بعض طوول العمر ♥
______________'''_____'''__'''''''__________'''_'__
ريان:ياماما اهل سلفتي جايين بيخطبوو أميرة
وصال تكشكش ف الشاهي:والله يابنيتي يتفضلوو مية مرحبتين بيهم لاكن الراي كله لي اميرة
ريان تحمست:😍تو نحاااول نقنعها توااافق راجل ب معنى الكلمه.
وصال شربت الشاهي:يصير خير
خشت اميرة:سمعتكم رااه
ريان ضحكت:باه شن رايك
اميرة:ياوخيتي بالله لو انعز عليك صكري موضوع
ريان:قصدي بس انتي يعني
قاطعتها وصال:خلاص انهي موضوع ريان بنتي ماتبشي ماتبشي قاعده بين هلها..
ريان:وخيتي ونحبهااا ونبيلهاا كل خير♥
اميرة ناضت :سلمك وخيتي بس فوتي موضوع
وخشت سكرت باب
_________________________
مروة قلقت من اتصالات عمر حطااته ف حضر وعمر قريب جن..
فرج:تبي شي وخيتي
مروة:سلامتك بس نبي شكلاطه😂
فرج ضحك:خزي اختاري سلامتي ولا شكلااطه
مروه:شكلاطه😍وتو نكلم بابا تدعي ع سلامتك😂
فرج:اااخ من يقدره لسااانك بس
مروه:😌😌😌
_______________________
_________________________
فتحي:شنوو
عمر:انت تقدر تسكن حوشي من اليوم ونا بنقعد ف حوشك وبنكمله ونا قاعد فيه
فتحي:تم تم دير راايك سلااام
عمر:سلاام
عمر قعد واااقف وضاايق من مروة متردش عليه
وخدي قرار ويبي يديره اليوووم
__________________________________
محمد:تو انجي انااا باهي
اصيل:وين
محمد:بنتلاقا مع عمر ف الاستراحه بنجيبو شوية جمعاه وانت كمل والحق ع العشااء
اصيل:حتى مغرب ماأدن اين عشاء متعك
محمد؛لالا بنديرو طويسه وهدروزه بعتاالي العشااء يااغبي
اصيل:لالا مش متعشي عندكم بنشووف اهلي شن قررو وبعتالي تو نجي انبااات غادي
محمد:تم
اصيل تنهد من قبله وهوا حاس بردة فعل اهله وخوه بس مش ح يواخر ف قراره💔

يتبع للكاتبه🔥 فافي بنوته🔥
---------------------------------------؛-