..... ف المستشفى .....
سيف . الدكتور طلع اهووو
كلهم جريو علية
والدة على . طمنى يابنى ف اييية
الدكتور . هو استاذ على اتعرض لصدمة او حصلت حاجة ضيقتو
والدة على . والله يابنى ما اعرف هو دخل من الباب سألتو ع مراتو كانو عند الدكتور وقع كدة
محمد . يعنى هو مالو يا دكتور
الدكتور . للأسف جتلو الازمة القلبية تانى وعندو ضيق تنفس
انا قولتلو انو احتمال كبير نحتاج عملية
وبكرر كﻻمى تانى ﻻزم هيبقى فية تدخل جراحى
والدة على . ياحبيبى يابنى انا اول مرة اسمع عن العملية دى
طب والنبى يا دكتور شوفلى مراتو وطمنى عليها بقلها كتير جوة هيا كمان
الدكتور . حاضر يا حاجة واهدى ان شاء الله يقول بالسﻻمة
وندة ع الممرضة .
لو سمحتى ادخلى شوفى الحالة اللى مع دكتور ..جوة وطمنى الحاجة
الممرضة . حاضر يا دكتور
... وبعد ربع ساعة طلعت ....
والدة على . اتأخرتى كدة لية يابنتى طمنينى
الممرضة . انا مقدرش افيدك ياحاجة الدمتور طلعلك اهو
والدة على . طب بس هيا كويسة
الله يخليكى طمنينى .. وراحت مدياها فلوس ..
الممرصة خدت الفلوس
الممرضة . والله ياحاجة ما ع فلوس بس انا معرفش حاجة
... طلع الدكتور ...
محمد . طمنا يادكتور
الدكتور . للأسف المدام حالتها متأخرة جداومحتاجة عملية ف اسرع وقت قبل ما المرض ينتشر ف كل جسمها
والدة على . ع ع عملية
واغم عليها
محمد . يا جماااعة حد يلحقنا فوقى يا حاجة يا سيييبف
******************
.. ف بيت محمد ..
رحاب . اهدى يارانيا ان شاء الله ياحبيبتى مفيش حاجة ع الاقل علشان اخواتك الصغيرين دول
اسراء . اصﻻ يا ماما بقو كويسين انا كلمت بابا وقالى
رانيا .المنظر كان صعب عليا اوى فجأة الاتننين كانو ع الارض حسيت انى هبقى ف الدنيا لوحدى مين هيخلى بالو مننا انا خايفة اووى
رحاب . خدتها ف حضنها . متخافيش ياحبيبتى ربنا يقومهم بألف سﻻمة يﻻ علشان تتعشو بقى وقامت تعمل العشا
رانيا . مش جيلى نفس
اسراء . دة عند ام ينى اللى بترقص وتغنى عرفاها
رانيا . هههه بس مش تضحكينى مش نقصاكى
اسراء . ايوة كدة اضحكى وبعدين منا طمنتك
رانيا . مش مصدقاكى
اسراء . يعنى انا هكدب عليكى وبعدين منتى كنتى جنبى وسامعة
رانيا . طيب الحمدلله
اسراء . هقوم اشوف ماما واجى قومى غيرى بقى
رانيا . هلبس اية من هدومك ييجى ع قدى يا قزمة انتى
اسراء خدفتا بالمخدة . شحات ونزهى صحيح مجبتيش لية من بتكو
وفين كتبك مش هتذاكرى
رانيا . اذاكر اية صلى ع النبى امى وابويا ف المستشفى واذاكر انا مكتئبة دلوقتى وبعدين وهما كويسين مبذكرش هذاكر وهما عيانين
احنا نعد نرغى سوا انهرضة للصبح
اسراء . وربنا ما عندك دم
رانيا . الله اعيط مش نافع افك مش نافع وانتى قولتيلى انهم فاقو وبقو كويسين
اسراء . طيب قومى شوفيلك اى بجامة بلنطلون هتجيلك برمودة
..ودخلت اسراء لمامتها ..
رحاب . هو بابا قلك اية
اسراء . قالى مفقوش والوضع ميطمنش خالص بس قلى مقولش لرانيا حاجة
رحاب . يا ساتر يارب ربنا يقومهم للعيال الغﻻبة دى
اسراء . ياارب
يﻻ بسرعة بقى احسن رانيا لما بتجوع ممكن تاكل اخواتها
.. ورجعت لرانيا ..
رانيا . سوسو يا سوسو
اسراء . امممم عاوزة اية مش مرتحالك
معملتش الواجب . فلوس معييش . رصيد معييش
رانيا . واجب اية دة وقتوووو
قوليلى بس محمد بييجى البﻻيستيشن امتى
اسراء . مش وقت واجب بس وقت سى محمد مش بقولك معندكيش دم
معرفش هو انا ماسكة جدول موعيدو ومببصش جوة اصﻻ
رانيا . طب تعالى نطلع الشباك طيب
اسراء . ﻻ مبطلعش شبابيك انا
رانيا . والنبى والنبى بقى
اسراء . اوووف طيب بس خلينا مداريين ورا الستارة كدة
رانيا . طيب
.. وطلعو ..
رانيا . بت يا اسراء ميين المز اللى عينو ع الشباك دة
دة بينو بيدور عليكى وﻻ اية
اسراء . رانيا انتى دماغك فاضية كدة لية كل اللى ف دماغك حب حب حب احنا لسة صغيرين يابنتى ع كدة
رانيا . اتكلمى ع نفسك يا قزمة
وتعالى بس سوفى والنبى قوليلة حكايتو اية العسل دة
اسراء . عسل اسود ع دماغك يا بعيدة ورينى عشان اريحك
رانيا . اهوو بصى اللى وقف ف الوش وباصص
اسراء . ههههههه دة محمود عايشين ف السعودية ونازل مصر اجازة ف كلية طب
رانيا . اة دنتى عاملة علية تحريات بقى
اسراء . تحريات اية اتنيلى دة محمد اللى قالى كنت عاوزة اسمع اغنية مشغلها ع تليفون معاة سألتو بتاع مين دة قالى بقى انو بتاع محمود دة وانتى عارفة محمد بيموت ف الرغى حكالى تاريخ حياة الواد
*(محمد دة صاحب البﻻيستيشن وبحكم ان البﻻيستيشن والسوبر ماركت ف وش بعض فليهم مع بعض كﻻم شوية )*
رانيا . ههههههه ماشى بس شكلو معجب
رحاب . يﻻ يابنات الاكل
اسراء . وقفنا ع الفاضى اهو سى محمد مجاش
رانيا . ﻻ مش ع الفاضى كفاية انى شوفت المعجب الولهان
اسراء . هههههه مخك ف الترااوة هناخد نتيجة الامتحان بكرة
رانيا . احممم يعينى عليك ياللى ف بالى مكتبتش كلمتين ع بعض نقول اية بقى الحب حلو اةةة حلو اوووى اووووى
اسراء . وطى صوتك الوحش دة
قصدك ع مين
رانيا . هيكون مين ياسوو الحبيب
اسراء . ﻻ منا اللى بيحبونى كتير تقصدى مين فيهم بقى ههههه
رانيا . يعنى مش عارفة
اسراء . ﻻ مش عارفة
رانيا . هيييح كرررريم
.. اسراء ابتسمت غصب عنها ووشها احمر ..
اسراء . بطلى هبل بقى
رانيا . هههههههه الهبل كلو باين ع وشك اهو والنبى لما بتيجى سيرة محمد مش بحمر كدة
اسراء . طب اخرسى بقى شوية
رانيا . امممم بشرط هتحكيلى كل حااااجة انهرررضة يأما هفضحك وهشردك وهقول للعيال كلها وكمان هقول ﻻمك هه بقى
رحاب . هتقوليلى اية يا رانيا
افتنيلى ياحبيبتى افتنى
اسراء . عجبك كدة اتصرفى
رانيا . اة يا طنط منا ﻻزم اقولك
بصى اسراء كل يوم بتغش منى الواجب
اسراء . ههههههه انا بردو
رحاب . ههههههه طب تعالو كلو
.. وف سرها .. بﻻ وكسة تغش منك اية دنتى جبتى المرض ﻻبوكى وامك ربنا يهديكى يا رانيا
.. واعدو كلهم ياكلو وبعدين رانيا واسراء راحو ع سرير و احمد ونورهان ع سرير واﻻء ف اوضة مامتها..
