... الاوضاع بين رحمة واسراء مبقتش زى الاول اسراء مبقتش تروح لرحمة ولا حتى رحمة بتحاول تقنعها تزورها
رحمة زارت اسراء مرة واحدة خلال الشهر دة
وعلاقة رانيا واسراء كويسة جدااا
وعلاقة رانيا ورحمة عادية
راني وعمر زى ما هما بيعاكس بنات ويقابل ف بنات بس من جواة مبيحبش غير رانيا
اسراء تأقلمت ع انها هتدخل الصنايع واستسلمت للامر الواقع بس طلبت من بباها ميقولش لحد
بس هيهااااات محمد ميعرفش يسكت وتقريبا عرف كل الناس لانو شايف نفسو صح وان مفيهاش حاجة ان الناس تعرف ...
******************
& بعد مرور شهر يوم 30/8 &
رحاب . خدى علقى الفستان بقى
اسراء . انا مضيقة اووى
كنت عوزاة زى ما ف خيالى
رحاب . والله حلو مش شوفتى كل اللى ف الاتيلية قالولك اية
كلهم كانو منبهرين بشكلو عليكى
اسراء . ههه طبعا طبعا هو انا اى حد ولا اية لو مكنش هيبقى حلو عليا هيبقى حلو ع مين ( وطلعتلها لسانها ودخلت اوضتها )
رحاب . ( فكرانى مش حاسة بالكسرة اللى ف عينك يا اسراء ربنا يفرحك وتبقى احسن من اى حد وكل اللى شمتانين فيكى ربنا يسكفهم حظك قليل زى امك )
الاء . مااامااا
رحاب . اية خضتينى وانتى عاملة زى عفريت العلبة كدة
الاء . منا عمالة اكلمك وانتى سرحانة
رحاب . طيب عاوزة اية
الاء . خلاص مش عاوزة منك حاجة كنت جاية اوريكى فستانى بس
رحاب . منا شوفتو ف الاتيلية يابنتى
الاء . خلاص مش عاوزة منك حاجة هاروح لاسراء
(( اسراء اصلا بتحب الخياطة والتفصيل جدااا وشاطرة فيهم ))
رحاب . طيب تعالى عاوزة اية يا ابتلائى
الاء . تضيقيلى الفستان شوية
رحاب . مهو مظبوط اهو وبعدين محنا لسة جايين من الاتيلية
الاء . مهو هناك مكنش واسع
عقبال ما جيت هنا بقيس لقيتو وسع عليا شوية
رحاب . ههههههههههههههههه يعنى مسافة ما جينا خسيتى ههههههه
الاء . اة انتى بتضحكى ع اية بقى الله اصلا مش عاوزة منك حاجة
يا اسرااااء يا اسرااااااء يا اسراااااء
اسراء . اية ف اية
الاء . ظبطيلى الفستان
اسراء . اظبط فية اية محنا لسة جايين
رحاب . هههههه اصلها بتقولك هناك كان مظبوط مسافة ما جت هنا وسع
خست ف الطريق
الاء . اة انتى مش مصدقانى لية
اسراء بتكتم الضحك . طب ورينى كدة
الاء. اهو شوفى وقوللها بقى
اسراء . اة يا ماما بصى واسع من عند البطن شوية
ادخلى اقلعية وهاتى اضيقهولك
الاء . شوفتى بقى شووووفتى علشان تضحكى حلو
اسراء . طب بس بسرعة بقى علشان رانيا جاية
رحاب . فين الوسع دة الفستان مظبوط
اسراء . ياستى بخدها ع قد عقلها هيا مش هتفهم انو اضيق ولا لأ مش تبقى تكسفيها شوفتى فرحت زى الهبلة حست انها عملت انجاز
رحاب . البت دى هتطلع غلبانة اوى
اسراء . اة مش فاهمة اى حاجة ف اى حاجة
الاء . اهو خدى اعمليهولى بقى
عقبال ما ألمع الصندل بتاعى
اسراء . ماشى
