( هفكركو باللى حصل الحلقة الى فاتت علشان ممكن تكونو نسيتو )
.. اسراء راحت مدرستها ورانيا ورحمة وايات راحو مدرستهم
ايات عرفت ان اسراء دخلت صنايع وفرحت فيها
اسراء ورحمة العلاقة بينهم مبقتش زى الاول لان رحمة زعلت لما اسراء رفضت اخوها ورانيا بتحاول تصلح بينهم
كريم وشادى بقو قريبين من بعض
كريم عرف من عمر ان اسراء هتاخد دروسها ف البيت ومعرفش انها دخلت صنايع واضايق
اسراء طبعا عرفت ان اسلام ابن خلتها بيحبها وهيا رفضت لانها بتحبو زى اخوها
واسلام طلب من مامتو وبباة يفتحو اهل اسراء تانى ...
رحاب . ألو
ام اسلام . الو اذيك يارحاب
رحاب . الحمدلله اذيك انتى
ام اسلام . الحمدلله
رحاب . اسلام وابو اسلام عاملين اية
ام اسلام . بيسلمو عليكى
رحاب . سلميلى عليهم والله الواد اسلام واحشنى
ام اسلام . وانتى والله هبقى اخلية يعدى عليكى
رحاب . ماشى هستناة
ام اسلام . بقولك اية عاوزة افاتحك ف حاجة كدة
رحاب . خير
ام اسلام . اسلام عاوز رأى اسراء وعوزكو تكلموها
رحاب . هو بصراحة انا مكنتش عاوزة اقولك بس
ام اسلام . بس اية
رحاب . اصل هيا عرفت
ام اسلام . بجد عرفت ازاى
رحاب . فهمت من تلميح الكلام
ام اسلام . اكيد فرحت
رحاب . ( اومال مش فرحت ) أ اصل
ام اسلام بقلق . اصل اية
رحاب . اصل هيا قلتلى هو زى اخويا بس انا مكنتش عاوزة اقول هيا صغيرة ومش فاهمة حاجة فقولت رأيها هيتغير
ام اسلام . زى اخوها ازاى يعنى
رحاب . اة والله قالتلى كدة بس انا مختش ع كلامها بقى
ام اسلام . طب يعنى اقولو لا
رحاب . لالا متكسريش قلب الواد
هيا لسة صغيرة ومش فاهمة حاجة بكرة لما تفهم كدة رأيها هيتغير دة اسلام عسل
ام اسلام . ماشى يعنى اقولو اية
رحاب . قوليلو انى قولتلك لسة بدرى وكدة
ام اسلام . ماشى هقولو
ابو اسلام . قلتلك اية
ام اسلام . مش عارفة
ابو اسلام . مش عارفة اية يا ولية
ام اسلام . قلتلى البت بتقول زى اخويا بس قلتلى هيا لسة صغيرة وتفكيرها صغير لما تكبر شوية هتفكر صح
قلتلى مقولش حاجة لاسلام واقولو انها لسة صفيرة ومش هيفتحوها دلوقتى
ابو اسلام . اة عندها حق خلاص قوليلو ان ابوها قال لسة بدرى
ام اسلام . ماشى
*************
ام رحمة . بعد كدة من نفسك متروحيش
رحمة . منا كلمتك قولتيلى ماشى.
ام رحمة . منتى بتكلمينى من عند رانيا وبتحرجينى
رحمة . ماااشى خلاص
طارق . واية يعنى لما تروح
ام رحمة . بس يا اهبل انت
ال تروح ال مش دى اللى رفضتك
طارق . عادى مه
ام رحمة . اسكت اسكت مش دى اللى رفضتك بلا وكسة عليك
طارق . خلاص خلاص
