لا اله الا انت سبحانك انى كنت من الظالمين
... ف بيت اسراء ...
رحاب . ها وعملتى اية
اسراء . ولا حاجة روحت مع مستر حسن وبعد شوية ودانى الورشة علشان اول يوم وتانى يوم ف الاسبوع عليا ورشة ولقيت معايا ف الفصل بنتين كدة كانو معايا ف درس بس مكنوش صحابى خالص وكنت متخانقة معاهم قبل كدة اصلا وكانو خايبين جدااا
رحاب . وضيقوكى
اسراء . لا بالعكس دة جم سلمو عليا واستغربو انى دخلت صنايع فقولتلهم انى دخلتها علشان اية وكدة
واعدنا مع بعض بقى لاخر اليوم
رحاب . ومعرفتيش حد تانى
اسراء . لا كلهم بيعنلونى بطريقة غريبة
اللى تقولي ياقطة واللى تقول اية البومبوناية دي واللى تقولى سعاد حسنى معرفش اية دة
ناقص يقلولى تعالى ناخد معاكى صورة
رحاب . ههههههههههههه
والورشة دى بقى بتاخدو فيها اية
اسراء . معرفش بس طلبو مننا حاجات كتبتها ف الورقة دى خلى بابا يجبهالى والعنوان اللى بيتباع فية الحاجات ف الورقة
رحاب . كاوية وقصدير ومكثفات ومقاومات
اية الحاجات دى
اسراء . مش عارفة اصلا اعدين يرغو ولا حد بيعبرنا
رحاب . علشان بس اول يوم لما بابا ييجى هخلي يجبلك الحاجات دى
اسراء . ماشى بس مستر هانى دة عسل خالص
رحاب . مش استاذ حسن وصاة عليكى
اسراء . اة علشان معايا ف القسم بس المدرسة دى كبيرة اووووى وفيها اقسام كتييير جدآ
رحاب . بكرة تحفظيها علشان بس لسة جديدة عليكى
قومى نامى بقى قبل ما صحابك ييجو
اسراء . حاضر
( ياترى هعمل اية مع العيال دى بس ياربى دة متخلفين وبيبصولى بطريقة غريبة لية كدة واية العيال اللى شبة الرقاصين دول استغفر الله العظيم يارب ولا المدرسات دول اية دةةةةةة ف التراوة وبيعملونا كأننا شغالين عندهم اوووف ياربى بقى اية اللى انا فية دة ولا أمانى الرغاية دى يخربيتها كلت ودانى اعدة تحكيلى قصة حياتها من يوم ما اتولدت وكمية الولاد اللى بتجرى وراها محسسانى انها ملكة جمال العشوائيات بس هعمل اية منا معرفش غيرها هيا وبنت خالها دى امرى لله يارب صبرنى بقى اهم 3 سنين نفسى اغمض وافتح يارب القيهم خلصو )
******************
اسلام . ايوة يعنى انا مش فاهم مش عاوز تفتح الموضوع تانى لية
ابو اسلام . يابنى كلام ابوها واضح قال ان هو وامها موافقين ومستنى رأيها
اسلام . ما يسألوها انا اصلا عارف انها هتوافق يعنى
ابو اسلام . ابوها قال بعد 3 يفتحوها ف الموضوع مش عاوز يشغلها من دلوقتى
اسلام . طب كلمى انتى خلتى ياماما
ام اسلام . انت متسربع كدة لية يابنى ما لسة بدرى البت لسة صغيرة
اسلام . عاوز اتأكد من ردها بس مش اكتر
ام اسلام . طيب أنا هكلم رحاب حاااضر
اسلام . ربنا يخليكى ليا ياست الكل
ام اسلام . ويخليك ليا ياحبيبى ويفرحنى بيك هو انا ليا غيرك
ابو اسلام . وانا اية كيس جوافة هوا ف البيت يختى
ام اسلام . هههههه ويخليك ليا يا ابو اسلام يارب
