ដំបៅស្នេហ៍ចាស់

Episode05: ស្វាគមន៍!សិស្សច្បង

បន្ត....

+Coffee shop

" Hyung មកដល់កូរ៉េតាំងពីពេលណា? " Tae និយាយទាំងសម្លឹងទៅអ្នកម្ខាងទៀត ដែលដាក់ពែងកាហ្វេចុះយឺតៗ ទេីបចាប់និយាយ

" ទេីបតែមកដល់ប្រហែលជា 2hនេះទេ " សម្លេងរឹងៗ ចេញពីមាត់អ្នកកម្លោះមុខមាំដែលអង្គុយទល់មុខរាងតូចTae។ នាយជាសិស្សច្បងរបស់Taehyung
គឺជាកូនប្រុសទោលរបស់គ្រួសារMin គឺMin Yoongi ដែលគេល្បីថាជាកម្លោះបេះដូងដែកថែប រូបរាងសង្ហារ មាន តែមិនចូលចិត្តឱ្យមនុស្សស្រីណាមកក្បែរ បេីនិយាយពីចរិតលក្ខណៈវិញ មិនចេះលួងមិនចេះទ្រអ្នកណា មានតែឌឺនិងបញ្ឈឺថែម ប៉ុន្តែបើដាក់ចិត្តស្រលាញ់ហើយគឺមិនងាយរាថយ មិនងាយចុះចាញ់នោះទេ ។

" អ៊ីចឹង Hyung មកទីនេះច្បាស់ជាមានកិច្ចការសំខាន់ហើយ " Taeនិយាយសួរនាំតាមទម្លាប់ ព្រោះមកកូរ៉េប៉ុន្មានថ្ងៃដែរហេីយ តែចេះតែភ្លេចCall ទៅលេងសិស្សច្បងរហូត។

កាលរៀននៅបារាំង Taehyung និង Yoongi ស្គាល់គ្នាដោយចៃដន្យ។ព្រោះYoongi ជាសិស្សច្បងរួមវិជ្ជា គឺពួកគេទាំងពីរជានិស្សិតគីមីវិទ្យាដូចគ្នា គ្រាន់តែTae ផ្នែកគីមីវិជ្ជសាស្ត្រ ចំណែកYoongi ផ្នែកគីមីអាហារ ប៉ុន្តែដោយសារទាំងពីរផ្នែកនេះទាក់ទងគ្នាច្រេីនទេីបពួកគេឧស្សាហ៍ជួបគ្នា ណាមួយTae មកទីនេះជាជនជាតិកូរ៉េតែឯង ដូច្នេះហើយការស្គាល់និងរាប់អានជាមួយនឹងជនជាតិរបស់ខ្លួនជាការគួរឱ្យទុកចិត្តបំផុត ។ Taehyungស្រឡាញ់និង ចាត់ទុកYoongi ដូចជាបងប្រុសទី2របស់ខ្លួនអីចឹង ចំណែកYoongi ក៏ដូចគ្នា ទោះសម្តីមិនសូវល្អក៏ពិតមែនតែគេជាមនុស្សកក់ក្តៅ ។

" មិនប្រាកដទេ ម៉ាក់គាត់ថាចង់មករកមិត្តចាស់នៅសេអ៊ូល!ទេីបបងជូនគាត់មក " Yoongi ឆ្លើយរបៀបហីៗតាមទម្លាប់ "ណាមួយក៏ចង់មកមេីលថាទីនេះ ផ្លាស់ប្តូរយ៉ាងម៉េចខ្លះ ព្រោះខានមកចង់កន្លះជីវិតហេីយ " នាយបន្តប្រយោគទាំងញាក់ស្មាធ្វេីព្រងេីយ ។ រាងតូចនឹកហួសចិត្តលួចសេីចតិចៗនិងចរិករបស់សិស្សច្បងខ្លួន និយាយធ្វើមេីលតែខ្លួនគាត់ចាស់ជិតស្លាប់យ៉ាងចឹង។

" បេីចឹងទីនេះយ៉ាងម៉េចដែរ? ប្រហែលជាមិនស្អាតដូច ប៉មទួរអុីហ្វែល និងជេីងភ្នំចំការទំពាំងបាយជូររបស់hyungនៅបារាំង ទេ..."
Taeនេះក៏មិនអន់ដែរដេញជាន់កែងសួរចាក់មាឌមាំរហូត