أنت لعنتي

البارت 40

مرحبا 💕💕

(( انت لعنتي ))

بقلم الكاتبه HAGR/ UM tota✍⚘

أتمنى لكم قراءة ممتعه حبايبي ❤

/////////////////////////////

لارا🎀

خلص واجه شال الاكل واني على كعدتي مبسطه وكاعده بلكاع وي الفستان يخبل طالع قلل الاضاءه واجه كعد يمي بقى يتغزل ويسوي سحب طرحه من شعري وتقرب حط راسه بركبتي اول ماراد يبوسني اشتغل طلق بره أحتركت دنيا وراهه الباب تكسر علينه اجانه صوت جوليا تصرخ ومرتضى كام يكوم ويطيح بس يريد يوصل للباب من الخبصه صارت

جوليا/ مرررتضى الحك يسااااااار راح بيهه بسرعه تعااااال حباااااب

مرتضى / ولجج شكو شصاير جوووووا

جوليا / مادري دنيا أحتركت بطلق انزل شوفهم شكو واكف هنا

مرتضى / اي دوخري عن الباب حتى انزل

جوليا / وهاي وخرررت اركض فدوه لحك عليهم

لارا / ولجج جوليا شكو شبي يسار ومنو ذوله الهجمو علينه

جوليا/ جنه العافيه شبي يسار ههههههه

لارا / شنو ولج مو توج صرخين شو هسه ضحكين

جوليا / حبي يسار يكول هاي هدية زواجكم ان شاء الله تعجبج

لارا / بربج صدك تحجون انتم خطيه مرتضى وكف كلبه

جوليا / تعيشوون وتاكلون غيرهه حياتي هههههههههه

لارا / هسه كاتلج ضحك عليمن لا تخليني اجفص بطنج ويسار من كل عقله يسوي هيج مقلب

جوليا / والله يا اختي ردنالج شي مميز بيوم زواجج ومالكينه غير هذا المقلب لأن انتي تموتين على الاكشن واذا خايفه على ابو صوف عادي يكوم منهه ههههههه

لارا / واني لعبالي بس اني خبله والله طلعت عاقله بلنسبه الكم عائله كلهه ضارب فيوزهه الله واكبر عليكم

جوليا / عمت عينج صرتي فقيره لعد منو سوت نفسهه مذبوحه وزين مانجلط مرتضى من وراهه

لارا / ههههههه عابتلكم عود جنت ناويه اسوي شي يضل ذكرى بكل عيد زواج تالي بعد عملتكم هاي اكابله واكعد ابجي لأن احتمال كطع الخلفه رجال

جوليا / أثكلي شويه لولو بعدج بفستانج وتفكرين بلخلفه يممه منجن بنات هلوكت تخوفن مفتشات بلبن

لارا / وانتي أم لبن منين جبتي الحبر العلى ركبتج أنوب مبينه

جوليا / ياااا والله معليه غير هوه شسويله يعني..

لارا / وينلام بيكم جدي من يبعدكم واحد عن ثاني لاوالله مايلام

جوليا / دولي خل انزل لايجي زوجج عيني فشله انتم عرسان لازم نراعي الخصوصيه بينكم شويه