مرحبا 💕💕
(( انت لعنتي جزء ثاني ))
بقلم الكاتبه هاجر المياحي✍🏻🌹
اتمنى لكم قراءه ممتعه حبايبي❤️
/////////////////////////
جوليانا🎀
دخل يركض للمطعم واني وره كوه امشي الكل جانو مجمعين وطابكين طاولتين سوه حتى لونا جايبه تؤم وياهه ماهر راح طياره ليسار سحبه من قميصه وركعه كله رجع لوره
رحت اركض وكفت بنصهم ماهر مجان منتبه عليه واكفه بنص لان اهلهم كولهم التموا عليهم دفر الكرسي راد يلزم يسار نضرب بيه وبطني بتحديد من صدك صرخت بوجع لان ضربه كولش قويه جانت يعني الكرسي من وكع بلكاع نكسرت الرجل مالته وانتو تخيلو شمره مالته شكد جانت قويه على اثر عيطتي كولهم نصدمو بحالي من شافو وضعي وشون وكعت بلكاع من الألم
لارا/ لججج جوليا شبيج شصار
جوليا/ لجج بطني لارا حمووووووووت
ماهر / شو وخرو عنهه سوو مجال
ازبيلا/ هيااا سوف ناخذها الىً المستشفى كي نتلافا المصائب
انور/ ماهر شبيك صافن عليهه البنيه جاي تتلوه من الألم شو كوم عنهه
ماهر رفع إصبعه بتحذير وحجه وياهم بغضب/ اذااااا صار عليهه شي قسما بالله ماارحمكم شطلببببببت منكم بس تحمونهم ماردت اكثررررررر ليش هيج لك يسااااااااار ليييييش
يسار/ وروح ابوي المايوم حلفت بي جذب حلفتني وتخربطت علينه بس لان ردنه نكلك خفنا عليهه لايصير بيهه شي ماتوقعنه يصير شي
ماهر/ وصااااااااار دشوفهه شلون تنزف لو لا سوولي مجال خل اخذهه وخرررررو يالله
اسمع صوتهم والخبصه مالتهم بس الوجع ينهش بيه ومايرحم لهذا ماهتميت الهم بعد اشوف أطفالي يبجون ويباوعون عليه تندمت اني شجابني مو رافضه طلعه شنو التغير شؤون قنعوني لو مجايه جان احسن
شالني ماهر وركض بيه لسياره يحجي وياي واني مغمضه عيوني من الوجع هوه عباله فقدت الوعي ماعرف منو اجه ويانه لان مفتحت عيني
صدكون اذا أكلكم عشت اكثر لحظات متناقضه بحياتي من جهه اريد احظنه واطلع كل حسره وجع وغربه عشتهن بدونه ومن جهه ماطايقه اسمع صوته ودي اعذبه واشوفه متلوع وماابدرد كلبه ابد
وهذا صار شكد توسل بيه ورادني احجي بس حتى عيوني مافتحتهن مجرد مغمضه حيل ولازمه بطني من الألم لدرجه فقدت تركيز ويا مجاي اسمعه شيكول لحد مأدنك وهمس بأذني
ماهر / كافي تعاقبيني على شي مالي ذنب بي جكليتي كومي بسلامه وافهمج كلشي وعد وخليهه وين ماتوصل خل توصل ....
اخر جمله سمعتهه منه كبل لاتوكف سياره وننزل وهمه بقى شايلني ويركض بيه من دخلت دكتوره تفحصني هنا فتحت عيوني اباوع عليه ضل صافن عليه وعرف جنت كاعده بس مفتحت عيوني من جنت بحظنه
أنت تقرأ
أنت لعنتي
حركة (أكشن)ليت الحياة تبقى كما كانت في الحكايات التي ترويها لي والدتي تلك الاحلام الورديه لما لم تعد موجوده في واقعنا لم علينا ان نصارع تلك الوحوش لنحيا بسلام هل ماتت الانسانيه لم تعد لديه القدره على تحمل كل ذلك الكره والجبروت والتسلط أقسم لك اني...
