السلام عليكم بنات
طبعا عندي عتب وياكم على كمية تهجم الحصلته على بارت البارحه وهمات تورطت وي اصحاب القصه لان اكو تجاوزات تخصهم بس مااعرف ليش دتنخذف تعليقات
المهم بنات خلونه نحجي بصراحه تفاعل كولش قليل المشاهدات دتوصل للالف بس تعليقات متتعده السبعين زين ليش والله مداستاهل منكم هذا الاسلوب والإحباط خاصه انتو متابعين الااساسيين لان بلشت بالاصل واتباد وبيكم كدرت اوصل لهذا نجاح
اني كلتلكم قبل اني كاتبه قابله للاانتقاد واتقبل منكم كولشي بلعكس انتقادكم يشجعني اتقدم لكدام مو ارجع لوره بس خل يكون بحدود بدون تجاوز راجائا
أما بلنسبه لتنزيل اني كولتلكم انو انزل يومين بيوم استراحه لان اني هم عندي اطفال وبيت ومسؤليات مو دائما متفرغه ورغم هيج دااكتب بارت طويل هم لان ديوصل اربع ألاف كلمه وانتم معدكم غير كلمة قصير بدل هيج حاولو تتفاعلون وي المشاهد او الحدث المهم انتو تكولون القفله قويه ليش بس مجاي تنطوهه حقهه
والله بنات وداعت جهالي بسبب قصة لم يكن ذنبي وتنزيل مستمر وأحداث قويه صار عندي تلف بالاعصاب الله لايراويكم الخدر أليصير بيدي ورغم هيج انفذ طلبكم وانزل بارت طويل خلوني اكمل القصه لاتعطل ايدي وتبقون على نص 😂😂😂
نجي لجولي بنات هيه دتحجي عراقي وي الكل بس ماهر ويسار لسبب خاص بيهه فرجائا لحد يجاوز عليهه البنيه نولدت بسوريا وعاشت بسوريا ودتحجي وي الكل عراقي بس ماهر ويسار فقط
الي يكول القصه مبيهه حب ولاأكشن لحد الان اي الاحداث دتمشي بتسلسل ومااكدر اعبر حدث مهم واساسا اني مداكتب تفاصيل ممله لافقط الاحداث المشوقه والي وراهه شي مهم ايضا
بنات القصه غامضه ولابطال ايضا يحيطهم الغموض وبعد احداثهه هواي وطويله هم لذلك يرادلهه صبر وطولة بال وان شاء الله من خلال سرد القصه راح تنكشف جميع الاسرار
اعتقد وضحت الكم كولشي وكتلكم غموض واثاره وتشويق مغامره اكشن هاي احداث القصه
وبلنسبه لهاديس اعتقد شرحت هواي عنه ونزلتلكم فديو مفصل عن حياته والي يسأل شنو ربط بينهم راح تعرفون من خلال الاحداث
اما الغش صار بلبث والي هوه
١/ والدة ماهر مازالت على قيد الحياة وأيضا ليست عربيه روسيه
٢/ والد جوليا انسان اناني راح تعرفون شيصير بعدين
٣/جو ليا ليش متحجي وي امهه انو هيه عرفت حقيقتهه ترى ماهر محذرهه من هذا شي وايضا راح تعرفون بعدين
اعرف طولت عليكم بس هذا المنشور للي معدهم فيس ولاتابعو البث او اشتراكهم مجاني هذا ملخص عن الايف
اتمنى ترفعون القصه اكثر من هيج وتتفاعلون هم اكثر من هيج وان شاء الله مااقصر وياكم بلبارتات
اتمنى متاخذون الكلام على الكل شكر خاص الكم على متابعتكم وتوقعاتكم متابعيني الاعزاء ♥️
مع احترامي للكل هذا مجرد شرح عن اي ستفسار يخصكم ⚘⚘
حال جوليانا 👇👇
HAGR/UMtota ✍⚘⚘
أنت تقرأ
أنت لعنتي
Aksiليت الحياة تبقى كما كانت في الحكايات التي ترويها لي والدتي تلك الاحلام الورديه لما لم تعد موجوده في واقعنا لم علينا ان نصارع تلك الوحوش لنحيا بسلام هل ماتت الانسانيه لم تعد لديه القدره على تحمل كل ذلك الكره والجبروت والتسلط أقسم لك اني...
