أحببتك بلا أمل

🌲 الفصل الثاني 🌲

روايه ( احببتك بلا أمل)
الفصل الثاني
في بيت ماليكا.
وصلت خالت ماليكا واحمد ابن خالتها
هدي: أهلا وسهلا اتفضلوا ازيك يا أختي وحشاااااني وقامت هدي باست اختها ..
زينب: خالت ماليكا.. وأنتي كمان وحشااااني اوي إنتي عامله ايه اخبار صحتك أي
هدي: الحمدلله يا أختي والله تعبانه بقالي يومين بس الحمدالله بقيت كويسه لما شفتك
نظرت هدي ل احمد إلي كان بيبص في كل حته في الشقه عشان يشوف ماليكا
هدي: ازيك يا احمد يا حبيبي وحشاني كدة ماتجيش تسال على خالتك
احمد: الحمدلله يا خالتي معلش والله غصب عني إنتي عارفه مشاكل الشغل
( احمد شاب عندة 29 سنه قمحاوي عيونه بني غامق شعرة اسود عندة غمازة جسمه عادي )
هدي: ولا يهمك يا حبيبي المهم انك تكون كويس
زينب: آمال فين حبيبت خالته .مش عايزه تشفني وله اي
هدي: لأ طبعا ازاي بس هي بتلبس دي كانت فرحانه لما عرفت انك جايه.
هدي بصوت عالي .. ماليكاااااا تعالي سلامي على خالتك وابن خالتك
ماليكا في الاوضه بتاعتها مش عايزه تخرج عشان احمد قاعد برة
ماليكا: في سرها ... ياااادي القرف لازم تحرجني كدة وأنا مش عايزه اخرج طول ما الرخم دة برة هيفضل يستزرف ...
.حاااضر يا ماما جايه اهو.
ماليكا: صبرني يارب
خرجت ماليكا وسلمت على خالتها وقعدت جمبها
احمد: أي ماسلمتيش عليه لي هو أنا لدرجاتي هوا مش شيفاني
ماليكا: في سرها .ابو غتتك رخم ... لا طبعا إزاي ازيك يا احمد
احمد : أنا كويس طول ماانتي كويسه
ماليكا: بتجز على سننها .... دايمااا يارب
جرس الباب رن قامت ماليكا تفتح وقفها احمد قالا
خليكي إنتي أنا هفتح ... ماليكا لا ارتاح أنت
ماليكا: في سرها ... صبرني يارب
فتحت الباب باباها كان جه من الشغل .... ماليكا بابا حبيبي وحشتني
محمد: والد ماليكا .. وأنتي كمان يا حبيبتي .. أي دة مين عندنا
ماليكا: دي خالته والزفت احمد اقصد احمد
محمد: عيب تقولي على ابن خالتك كدة و وسعي كدة
ماليكا: بتضرب رجليها في الارض ... اعمل أي هو إلي رخم
فقامت هدي وماليكا بتجهيز اطباق الاكل على السفرة
في المطبخ هدي وماليكا
هدي : خدي يا ماليكا الطبق دة لي ابن خالتك ... فكانت هدي بتحاول تقربهم من بعض
ماليكا: في سرها طبقه طااااايب يا سي احمد اما وريتك .... بس كدة من عيوني يا ماما خدي دول حطيهم على السفرة وأنا
جايه وراكي هجيب المعالق
خرجت هدي وظلت ماليكا في المطبخ فقامت بوضع نقط في طبق احمد والنقط دي بتخلي الشخص يدخل الحمام كتير
ماليكا: هههههه عشان تبطل رخامه وتحل عني يا سي احمد
خرجت ماليكا ووضعت طبق الاكل بتاع احمد قدامه ووضعت المعالق
احمد: تسلميلي يارب
ماليكا: بجز على سننها .... شكراا
بعد انتهاء الغداء قعدوا يتفرجوا على التلفزيون وبابا ماليكا دخل ينام شويه تعبان من الشغل
احمد: ممكن ادخل الحمام يا خالتي
ً يا حبيبي البيت بيتك اتفضل
هدي: طبعا
ماليكا: في سرها بينهاا اشتغلت هههههههه وبتحاول تكتم ضحكتها

في شركة النصار...
زين: موجهه كلامه ل ادهم ... علي فكرة أنت جاي معايا البيت الحاجة عزماك على الغداء .
أدهم:ماشي مقدرش ارفض كلام الحاجة دي حبيبتي
زين: مش عارف هي بتحبك على أي يا جدع دة أنا صحبك ومش طيقك ههههههههههه
ادهم: ههههههههههه دة أنا عسل والبنات عليه كدة
زين: ههههههههههه طب ياله يا اخويا

في فيلا النصار..
وصل زين وادهم الفيلا . وكانت كريمه والدة زين موجودة تحت بتكلم دادة سميحه
زين: مساء الخير يا امي.. وقام بايس اديها
كريمه: مساء النور يا حبيبي كويس انك جيت
ونظرت ل ادهم.. ادهم حبيبي وحشاني كنت هزعل لو ماجتش
ادهم: كوكي حبيبتي ماقدرش ازعلك أنا جيت عشان خطرك والله . وقام بايس اديها.
كريمه بتحب ادهم وبتعتبرة زي زين وهي إلي مربياه
كريمه: طب يالا يا زين اطلع غير هدومك يكون دادة سميحه جهزت الغداء ... ووجهت كلامها ل ادهم وتعالي يا ادهم اقعد
معايا انت وحشااني
زين: هو طالع السلم... ايوة مااهو ابنك وأنا لقتيني ادام باب جامع
كريمه وادهم ههههههههههه
ليلي كانت في الاوضه بتاعتها بتكلم صحبتها على الواتس . فسمعت صوت الباب خبط
ليلي: اتفضل
دادة سميحه: ليلي هانم اتفضلي الغداء جاهز تحت
ليلي: حاضر يا دادة سميحه نزلة اهو.
قامت ليلي ونزلت تحت لقت ادهم قاعد مع مامتها
ليلي: ادهم ازيك عامل اي
ادهم: لولتي عامله ايه وأخبار الجامعه أي
ليلي: الحمدلله اهو ماشيه
زين: غير هدومه نازل على السلم أي دة هي العصابه اتلمت على بعض
ليلي وادهم و كريمه ههههههههههه
دادة سميحه: كريمه هانم الغداء جاهز.
كريمه: ياله يا ولاد على السفرة
زين و ادهم وكريمه وليلي على السفرة بيتغدوا
كريمه: بتوجه كلامها ل ادهم ... أي يا أدهم مش ناوي افرح بيك وتتجوز بقي
ادهم: ههههههههههه مين أنا لا ي كوكي بعد الشر عليا
كريمه: ههههه لي هو الجواز شر دة الجواز استقرار
ادهم: طب ماعندك زين اهو اقنعيه.
زين: بس يا عم طلعني أنا من الحوار دة
كريمه: واللع  يا ادهم اتحيلت عليه كتير وهو دماغه نشفه
ليلي : عارفه يا زين البنات في الكلية هيموتوا عليك وبقولوا فيك اشعار هههههههه
كريمه: طبعا أنا ابني زي القمر والف وحده تتمني بس هو يريحني ويوافق
زين: يا امي أنا قولتلك قبل كدة أنا مش هتجوز بطريقة دي وأنا عمري ماهتجوز وحده عجبها شكلي ولا عشان فلوسي أنا يوم
ما هتجوز وحده تكون عيزاني أنا لشخصي مش عشان أي حاجة تانيه
كريمه: ماانا قولتلك يا زين يا ابني بنت اونكل حازم بنت زي القمر وباباها غني مش محتاجه فلوس ومحترمه ومتربيه
زين: أنا مش هتجوز بطريقة دي يا أمي أنا إلي هتجوزها لازم اكون بحبها ومااعتقدش أن في وحدة تعرف تفتح قلب زين النصار
.
ليلي: والله يا زين أنا معايا بنات في الكلية بتموت فيك وبنات محترمه وأنت عارف أن مش بصاحب اله الناس المحترمه .
زين: أنا عمري ماافكر اتجوز ولا ارتبط بطالبه عندي ودي قواعد وأنا ماشي بيها ف يا جماعه اقفلوا الموضوع ده وياريت يا أمي ماتفتحهوش تاني .
كريمه: حاضر يا ابني ربنا يهديك
ف نظرت ليلي ل ادهم لقيته ب ياكل ومش معاهم خااالص كانه ماكلش بقاله سنه
فخبطت ف رجل زين فبصلها غمزتله وشورت على ادهم كريمه خدت بالها
زين وليلي وكريمه ههههههههههههههه
ادهم بصلهم والاكل في فمه
زين: كمل كمل اجبلك الخروف إلي جوة تكمل بيه ههههههههههه
كريمه: حرام عليك يا زين الواد هفتان
زين وليلي ههههههههههه
فضلوا يهزوا ويحفلوا على ادهم. وبعد ساعه قرر ادهم أنه يروح
ادهم: اطير أنا بقي يا زين عشان بجد مش قادر فصلت وعايز انام
كريمه: ماتبات هنا يا ادهم البيت بيتك يا حبيبي
أدهم: لأ يا كوكي  ماينفعش وكمان في ملفات وحاجات في البيت عايز اخدهم عشان الشركه الصبح
وبعد كدة خرج ادهم ... وطلع كل واحد الاوضه بتاعته .
بس ياترا هتجي إللي تعرف تفتح قلب زين النصار وتخيله يحبها ولا هيفضل قلبه مقفول ؟؟؟!!!

في بيت ماليكا..
فضل كل شويه احمد يدخل الحمام وماليكا هتموت من الضحك .
هدي: مالك يا حبيبي أنت كويس
احمد: مش عارف يا خالتي بطني بتوجعني مش عارف أي إلي كان في الاكل
هدي: لمحت ماليكا بتضحك ففهمت انها حطتت حاجه في طبق احمد .. في وجهت كلامها ل احمد خلاص يا حبيبي أنا هقوم
اعملك حاجه تشربها
وشورت ل ماليكا تيجي معاها
في المطبخ
هدي: أي يا زفته إلي عملته دة في ابن خالتك
ماليكا: هموت ههههههههههه شكله مسخرة
هدي: متعصبه... إنتي بتضحكي انطقي عملتي أي في الواد
ماليكا: ماعملتش حاجه أنا بس حطيت نقط بتاعت الامساك إلي في التلاجه
هدي: ينهارك اسود امشي امشي حسابك معايا بعدين
ماليكا: في سرها ... احسن احسن هه بس شكله مسخرة ههههههههههههه
ماليكا دخلت الاوضه بتاعتها مسكت الفون قالت اما ابعت رساله لي ليلي علي الوتس
( هاي ليلي أنا ماليكا)

ليلي: كانت في الاوضه بتاعتها وفاتحه الوتس بتكلم صحبها ف جلها رساله من رقم غريب فتحتها لقتها ماليكا.. .. دي ماليكا
ف سجلت رقمها وبعتتلها رساله
( ماليكا ازيك ... تمام يا حبيبتي سجلت رقمك)

ماليكا: شافت الرسالة بتاعت ليلي ف ابتسمت وردت عليها ( الحمدلله يا قمر ... هشوفك بكرة في الكلية مش كدة)

ليلي: شافت الرسالة بتاعت ماليكا و ردت عليها ( لاسف أنا مش هنزل بكرة بجد تعبانه ومش هقدر انزل بس هنزل بعد بكرة
وانشاء الله هشوفك اكيد)

ماليكا: شافت الرسالة بتاعت ليلي وردت عليها
( ألف سلامة عليكي يا حبيبتي ... انشاء الله المهم تبقي كويس)

ليلي: شافت الرسالة بتاعت ماليكا وردت عليها
( الله يسلمك يا قلبي )

ماليكا: شافت الرسالة وبعتتلها قلب و قفلت الفون ودخلت تنام .. عشان عندها محاضره بكرة الساعه 8.
ياترا  القدر مخبيلك أي يا ماليكا ؟؟
   
♥♥♥♥♥♥♥♥

___________________

بقلم:Nourhan Nabil ✍️

هلا والله 😂
ازيكم يا أحلي متابعين في الدنيا
طبعا بالنسبه للمواعيد فهي مش محدده بس برده اكيييد هنزل كل يوم زي الرواية اللي فاتت
توضيح بسيييط
الرواية دي  بقلم نورهان نبيل بس أنا اللي بنشرها لأن نورهان عندها ظروف
التشابه اللي في أسماء الأبطال انا مكنتش  اعرفه بدليل ان الرواية مكتوبه قبل وجع عاشقة بكتيييير اوووي بس هفضل أحب روايتك يا نوري
اللي كان بيسأل في أي روايات لينا سوا مع بعض تانيه ول لا
أيوا في عمل مشترك بينا بس هنقول عليه بعدين وهننشره امته إن شاء الله

متنسوش
فولوووووو
كووومنتتت
وفووووت
💖💖💖🌹