أحببتك بلا أمل

🌲 الفصل الثلاثون 🌲

رواية «احببتك بلا أمل»💖
             ‏البارت«الثلاثون»💖

فاضل اربع ايام علي امتحان ماليكا في مادة زين... وهي مش عارفه تركز في المزاكرة كل ماتحاول تركز تسرح في زين وكل كلمه في الكتاب بتفكرها ب زين وتفتكر كلامه وشرحه وصوته ... وكل ما تحاول تركز وتسمع ريكوردات الشرح تسرح في صوته وتفتكر كل لحظه كانت معاه فيها .. وكل تعبيرات وشه وهو بيشرح وتنسي المزاكرة .

كان الموقف صعب بالنسبة ليها جداا .... إلي هي كانت في النص بين زين وبين مستقبلها وانها تقرر تختار مابنهم... يا اما تختار مستقبلها وتنسي زين وتركز في مستقبلها ...يا اما تنسي مستقبلها وتختار زين... بس الاختيار كان صعب من ناحيه هي مش عارفه تنسي زين وتركز في مستقبلها ومن ناحيه تانيه زين بعيد عنها اصلاا .

ف هي كانت حاسه بإحساس صعب ... حاسه ان كل حاجه بتروح منها ولا عارفه تنسي زين و تزاكر عشان مستقبلها ولا عارفه تبقي مع زين .

"قمة الوجع ان يوحشك شخص انت بتحاول تنساه"💔

وعدا يومين وماليكا في نفس الحيرة .. وكانت لسه مافتحتش كتاب في مادة زين... وكانت مادة زين مادة صعبه مش سهله ...

( اكيد طبعا ممكن حد يقول .. أن زين ممكن ينجحي في المادة بتاعته .... بس دة مستحيل يحصل ... زين في شغله جد وحازم جداااا ودة ضدد مبدء زين )

وفي اليوم الثالث.... ماليكا اختارت مستقبلها وقررت انها مش هتسمع ريكوردات الشرح بتاعت زين وانها هتزاكر من اي كتاب أو ملخصات بعيدة عن شرح زين ... عشان تعرف تركز... وخلت احمد هو إلي يشرحلها .... عشان ماعتش في وقت علي الامتحان..

وبالفعل ماليكا خلت احمد يزكرلها .

وفي يوم ليله الامتحان......

احمد زاكر لها وعملها ملخصات وفضلت تزاكر منها ... وفي المساء الساعه 8 تقريبا... زين بعت ريكورد على الجروب إلي كانت عملاه ليلي ..

ريكورد في اهم الاجزاء واهم الأسئلة ... ودة صعب اكتر الموقف على ماليكا واجبارها تسمع صوته... كأن القدر بيجبرها تسمع صوته وتفكر فيه ... كل ماتحاول تعرف تنسي شويه وتركز تلقي حاجه بتقربها لي وتخليها تفكر فيه .

ماليكا فتحت الريكورد كان 10 دقائق تقريبا .... في البداية اول ما سمعت الريكرود سرحت في صوت زين... صوته كان وحشها اوي وكان كتير بتمنع نفسها وعقلها عنه ... وبعد ما سمعت الريكرود كذا مرة... بدأت تركز وحست بالامان لما سمعت صوت زين .

وقالت هزاكر شويه والم المادة وبعد كده اسمع الريكورد  ....وخلصت مزاكره الفجر تقريبا .. وقامت صلت الفجر ... وبعدها ماليكا حطت الهاند فيري  وفضلت تسمع الريكورد بتاع زين ... لغايت لما حفظت كل كلمه زين قالها حفظته حرفيا .. وفي كل مره تسمعه تقول معااه وكانهم بيكملوا بعض في الكلام ... لغايت لما النهار طلع ..... وقامت تجهز نفسها وريكورد زين شغال ... وحطت الهاند فيري تحت الطرحه . ... وطلعت الصاله لي مامتها...