أحببتك بلا أمل

🌲 الفصل الرابع عشر 🌲

روايه ( احببتك بلا أمل)⁦♥️⁩
                     ‏البارت الرابع عشر⁦♥️⁩

في الصباح استيقظت ماليكا وقامت تجهز نفسها عشان تروح الكليه  .. طلعت  في الصاله مالقتش مامتها  قالت .. ممكن تكون لسه نايمه .. فراحت تكمل لبس وبعد ماخلصت لقت مامتها صحت.

ماليكا: صباح الخير يا ست الكل

هدي: صباح النور يا حبيبتي .. إنتي هتنزلي من غير فطار

ماليكا: خلاص يا حبيبتي شربت كوبايه لبن ..

هدي: طب استني اجهز الفطار وتفطري

ماليكا: معلش يا ماما مش هعرف هتاخر على الكليه

هدي: ماشي يا حبيبتي خلي بالك من نفسك

ماليكا: حاضر يا ماما .... وباست مامتها وخرجت .

                         ⁦❤️⁩⁦❤️⁩⁦❤️⁩⁦❤️⁩⁦❤️⁩
في فيلا النصار.

زين كان صاحي من بدري وكان في صاله الجيم... وبعد ماخلص دخل اخد شور ولبس ونزل تحت .
لقي داده سميحه.

دادة سميحه: صباح الخير يا زين بيه

زين: صباح النور يا داده امال امي وليلي فين.

داده سميحه: كريمه هانم في الجنينه وليلي هانم لسه ماصحيتش .

زين: طب معلش يا داده اطلعي صحي ليلي عشان عندها محاضره دلوقتي وتاخرت .

دادة سميحه: حاضر يا زين بيه

& زين خرج في الجنينه. لقي مامته قاعده وسرحانه ..

زين:  اي الجميل سرحان في اي صباح الخير يا امي⁦♥️⁩ ... وقام باس ايديها.

كريمه: صباح النور يا حبيبي

زين: اي مالك شكلك تعبانه

كريمه : لا بس كنت محتاجه اشم هواه واقعد في الجنينه شويه انت عارف اني برتاح في المكان ده

زين: عارف يا امي بس عايزك تاخدي الدوا بتاعك بنتظام .وبلاش دلع

كريمه: حاضر يا حبيبي ربنا يخليك ليا

زين: ويخليكي ليا يا امي

& في الطابق إلي فوق .......

داده سميحه خبطت الباب على ليلي وبعد كده دخلت وصحتها .

داده سميحه: صباح الخير يا ليلي يا بنتي

ليلي: صباح النور يا داده

دادة سميحه: زين بيه وكريمه هانم تحت ومنتظرينك 

ليلي: حاضر يا داده

وخرجت داده سميحه وقامت ليلي عشان تجهز ..

& في الجنينه.......

كريمه: زين يا ابني عايزه اسالك سوال ومش عيزاك تضايق

زين: اتفضلي يا امي