بشرى سارة

الفصل الواحد والعشرين

بسم الله الرحمن الرحيم
وبه نستعين

كل سنة وانتم طيبين مقدما بحلول شهر رمضان الكريم ينعاد عليكم يارب بالخير واليمن والبركات

الحلقة 21 والاخير ة. (بشرى سارة)
وزرعتلك المايكات اللى عرفت منها ميعاد العملية ده غير البلاوى التانية اللى بتعملوها فى المستشفى
ولسه اللى هتسمعوه منى جوا هيفاجئكم اكتر

شبراوى بغضب ..قلتلك خالى بالك منه كنت حاسس ان احنا مش هنروح فى داهية غير على ايد ابنك العبيط ده
مازن باستنكار ..عمر مش عبيط ابدا .
بالعكس ده عبقرى و كل مرة كنا بنقيس فيها نسبة زكائه كان بيبهرنا والدليل على كده انه برغم كل اللى عملتوه فيه والسنين الطوال من العلاج الغلط قدر يستعيد نفسه تانى رغم ان الحادثة حصلتله وهو طفل صغير

..وكيل النائب العام
اتفضلوا اقعدوا ..احكى اللى تعرفوا يا استاذ عمر

عمر...كنت طفل عمرى 13 سنة ومتعود العب واستخبى فى ركن صغير فى الرووف ببيت جدى وقتها شوفت والدى المصون وهو بيضرب امى على راسها وبعد كده رماها من فوق ال روف . جريت عشان الحق امى كنت فاكر بعقلى الصغير انى ممكن الحقها .  جرى ورايا وشدنى من ايدى ولما عافرت معاه وقعت من على سور السلم على دماغى
. وفضلت فترة بعدها فى المستشفى فى شبه غيبوبة
مازن.. اكمل انا
وقتها كان د.شبراوى طلع تقرير ان المرحومة كانت بتتعالج عنده من مرض السير اثناء النوم فطبيعى انها ممكن ترمى نفسها من غير ما تحس واتقفلت القضية على كده
بس لما عمر كان بيفوق من الغيبوبة اللى كان بيفضل فيها باليومين والتلاتة كان بيجيله تشنجات ومكنش بيقول غير جملة واحدة بابا قتل ماما رماها من فوق الرووف
..وطبعا صلاح بيه متصورش ان ممكن هلاكه يبقى على ايدين ابنه الطفل الصغير اللى ممكن يضيع كل حاجة بناها فى لحظة
بس كالعادة د شبراوى كان عنده الحل
..و نصحه انه يخليه عنده فى المستشفى و يسيبه يتصرف معاه بمعرفته بدل ما يوديه فى داهية و فضل يدى
لعمر علاج غلط علاج بيوصل لمركز الذاكرة دايركت ويلعب فيه. ده غير جلسات الكهربا الكتير اللى كانت  بدمره خلايا دماغه

وضع شبراوى يده على رقبته وكانه يختنق

وكيل النائب العام ..ايه رايكم فى الكلام ده؟
صلاح ..حضرتك ده كلام مفيش عليه اى دليل
..شبراوى...كدب كل الكلام ده كدب ...انا مش هتكلم غير ادام المحامى بتاعى .انا مش قليل فى البلد وبكره اندمكم كلكم على اللى بتعملوه ده

اخرج لهم النائب بعض الاوراق من مكتبه
..طب وايه رايك فى الورق ده يا دكتور هتقول عليه كذب بردو..
.. بلع صلاح ريقه برعب ...انت جبتوا الورق ده منين ده انا قلبت عليه الدنيا
عمر....امى كانت مخبياه فى حشوة الدبدوب الكبير اللى فى اوضة الالعاب وانا وهى بس اللى كنا عارفين مكانه بس هى خلتنى ادتها وعد انى ممسش الورق ده او اطلعه غير لما ابقى قوى وكبير كفاية عشان ااقدر ااقف قصادك و اواجهك
النائب العام..ممكن تقولنا الورق ده فى ايه يا استاذ عمر ؟