Sakuna sa bawat Saknong

Ang misteryo sa ilalim ng kama ko.

Ako ay gumagawa ng aking takdang aralin

sa kama kong maituturing na tanging sariling akin

abutin man ng madaling araw sigurado ako'y papatulugin

ng kama kong komportable siguradong di ako lalamigin

Isang sandaling malapit na maghatinggabi

lahat ay payapang natutulog ako nama'y humihikbi

hirap na hirap na sa mga proyekto, at ako'y nagmamadali

ihahabol kinabukasan ang papel na pumapawi ng ngiti

Ako ay may narinig na isang misteryosong ingay

hinanap ko kung saan galing, di na ako mapalagay

mabigat sa aking dibdib, takot ay namumuhay

kinakabahan ako at nanghihinang parang gulay

Sa ilalim ng kama ko nanggagaling ang misteryo

hindi ko alam gagawin ko, at nagtalukbong nalang ng todo

maya maya'y sa ilalim narinig kong umuungol ang aking aso :)

Salamat Oh Diyos ko, tumakbo ang nerbyos ko

Itinuloy ko ang paggawa sa aking mga proyekto

Napatawa ako ng pangyayari, akala ko multo

Ngunit isang katotohanan ang gumibal sa aking buto

matagal na nga palang patay ang aking mahal na aso