أصحاب عديمة الشبه 🧡 بقلم الكاتبه/منة الله مبروك 🖤🥀

part 2

منة باستغراب. هو انت
احمد.اه شوفتى بقااا
منة.طب يلا يابا اسرح مش ناقصه
احمد.طيب يا انسه ايه مش محتاجين اى مساعدة
منة.هو انت يابنى دماغك دى محطوط فيها اى جذمه قديمه ما قلنا غور ،،،وانتى ياختى انتى وهى ادخلوا الزفته
احمد. بقولك اي يا انسه آيه متيجى اروحك احسن الحته دى مقطوعه وانا خايف عليكى
منة.اى البنى ادم الملزق ده ما تمشى من هنا ع رجلك بدل ما اروحك من غيرها
احمد.انسه آيه قولتى ايه
اميرة. شكلك عاوز تروح ع نقاله
احمد.ها يا انسه آيه يلا بينا
آيه.اول مره اشوف واحد غبى هما مش اقالوا اتكل ع الله ما تغور يا سئيل
منة واميرة. ايه ياعم المهزاء مش ناوى تورينا عرض اكتافك
احمد.انتو بنات انتوا دانتوا شبه الاسطوات المكانيكيه دانتوا عار عالبنات ،،مش عارف اللى هيتجوزكوا هيبقى كانه متجوز واحد صاحبه
منة.لما راجل يتقدملى هبعتهولك ياقمر عشان يستتك
احمد.مبقاش الرائد احمد البغاشى ان معرفتكيش مقامك
اميرة.طيب يلا يانونو اسرح من هنا
منة.ومتنساش تقول لمامتك تبقى تسخنلك الرضعه بليل قبل ما تنام وهمة منه بتصليح سيارتها ثم توجهوا للبيت
〰️〰️〰️〰️〰️〰️
فى منزل منة
منة. انتوا ياقوم ياللى هنا مساء الخير اى ده مفيش حد بيرد
هدى. تعالى يامنه انا فى الاوضه بتاعتى
منة.وهمة بالذهاب للغرفه
هدى.تعالى ياقمر عملتى اى فى الكليه.
منة.وحكت لهم ماحدث
هدى.حصل خير هقول لباباكى عشان يروح يشوف العربيه
منة.ياريت يا دودو
هدى.طيب هاتاكلى ولا اكلتى بره
منة.لا مليش نفس هنام عشان ورايه بكره حاجات مهمه جدااا للبحث والبعثه اللى مش عارفه هطلعها دى ولا اى
هدى.انشاء الله خير يا منوش متقلقيش يلا قومى غيرى هدومك ونامى منة.طيب تصبح ع خير يا دودو
هدى.وانتى من اهل الخير يا منوش...وهمت منة بالذهاب لغرفتها وتبديل ملابسها لبيجامه وردى وعملت شعرها ديل حصان وتوجهت للسرير وذهبت فى نوم عميق .
فى بيت ايه〰️〰️〰️
مصطفى اخو ايه.آيه بقولك اى
آيه. عاوزة ياصاصا
مصطفى. بالله عليكى اعمليلى اى اكل جعان
آيه. والله يسطا ماقادرة اتحرك هموت وانام غير ان ورايه حاجات مهمه للغايه الصبح بدرى
مصطفى.طب هجبلك الفستان اللى كنتى عاوزاه
آيه.اتفقنا يابروووو
مصطفى. مصلحنجيه حقيرة
آيه.حصل يابروووو وضحكوا هما الاتنين ثم توجهت ايه للمطبخ واعدت الطعام لمصطفى وتوجهت لغرفتها وذهبت للنوم
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
اميرة.انتو يا ناس ياللى فى البيت
اسمااء اخت اميرة. عاوزة اى ياكلب البحر
اميرة.عاوزة انام جعانه نوم وورايه حاجات مهمه بكره وصحيان بدرى
علاء اخو اميرة. شرفتى يا ست المهمة
اميرة. طول عمرى بشرف اى حد
اسمااء.ياعم الواثق انت
اميرة. تربيتك يابو الصحاب
اسماء. لا طمرت. وضحكوا
علاء.خلصتوا تطبيل
اميرة. اطلعوا بره الاوضه بتاعتى كملوا رغى بره
علاء.نطلع بره فين ياهبابه انتى دى الاوضه بتاعتى
اميرة. اوبس والله مش واخده بالى وهمت بالانصراف لغرفتها
.،،،،،،،،،،،،،،
ثم استيقظت اميرة ع صوت رنين هاتفها
اميرة. الووو
يقين. السلام عليكم، عامله ايه ياميرو
اميرة. وعليكم السلام. الحمد لله وانتى اخبارك
يقين. الحمد لله ،بقولك
اميرة .يارب دايما، قولى
يقين.هتعملى اى انتى والبنات فى موضوع البعثه
اميرة. والله ياباشا ماعارفه احنا عاوزين نعرف مين دكتور عدى ولا رعد اللى هيروحوا معانا
يقين .اش ومريم هيطلعوا اهلهم وافقوا ،دكتور عدى هو اللى هيروح
اميرة. والله فرحتينى وطمنتينى
يقين.يعنى كده هتطلعوا.
اميرة. ان شاء الله هنطلع بس برضوا هنرتب ونقولك انتى والبنات
يقين. مستنيه الرد
اميرة،. اكيد هبلغك
يقين. هتعوزى حاجه
اميرة. سلامتك
ثم قامت اميرة بالاتصال بمنة وايه فاستيقظت منة ع صوت الفون
منة. ايه ياحيوانه عاوزة ايه
اميرة. كنت لسه بكلم يقين وقد سمعت ايه ما قالته اميرة
ثم قالت هى ومنة بصوت واحد البعثه صح
اميرة. اه ودكتور عدى هو اللى هيطلع
ثم قالت ايه ومنه بصوت واحد. بجد الحمد لله
اميرة. اه بجد هتعملوا ايه
منة.انا هطلع
آيه. وانا كمان واهاكد عليكوا برضوا
اميرة.كده كده كلنا هنروح سوا يا هنقعد سوااا يعنى فى الامان يا ايه
منة، اكيد طبعاا
آيه. اشطا
منة. طيب يلا كل واحده تشوف هتلبس اى وتجهز ثم اغلقت المكالمه. ثم ذهبت كل واحده للوضوء واداء فريضتها وهمت بالوقوف امام دولبها منة،البس اى ثم سحب بنطلوا جينز (بوى فريند)وشيميز بنفسجى وطرحه من نفس اللون وجاكيت جينز وكوتش ابيض وشنطه بيضاااء عنند ايه اختارت نفس بنطلون منة وعليه شيميز كشميرى وطرحه من نفس اللون وجاكيت جينز وكوتش رصاصى وشنطه من نفس اللون عند اميرة سحبت بنطلون من نفس النوع وشيميز زيتى وطرحه من نفس اللون وجاكيت جينز وكوتش
اسود وشنطه من نفس اللون 〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
منة.صباح الخير يادودو
هدى .صباح الخير يامنوش اى النشاط ده
منة.ورايه حاجات مهمه وكتير وورق البعثه وكده لازم الحق اليوم من اوله
هدى.ربنا يعينك ياقمر ويصلح حالك
منة.يارب يا دودو عاوزة حاجة
هدى.سلامتك فى رعايه الله
منة. بااى
،وهمت بالنزول الى الجراش وركبت العربيه وخرجت كانت ايه مستنياها، منة، اركبى يا ايه
ايه.اى ده انتى لبستيه انا فكرتك هتنسى
منة.معقولة انسى يوم زى ده
ايه.طيب الحمد لله انك لسه فاكرة
منة.وده يوم يتنسى برضوا
ايه.احلى يوم واحلى بنت والله
منة. تسلمى ياصاحبى.
وصلوا عند اميرة
ايه ومنة فى صوت واحد.شاطرة يا اميرة انك فاكرة
اميرة. بقالنا ٦سنين فى بدايه كل سنه بنشترى طقم عشان نلبسوا فى اليوم ده وهنسى
منة.اصيله والله يسطا
اميرة. تربيتك يا زميكس
ايه. اه ياواطيه يا اميرة
منة واميرة. استهدى بالله يا قمر احنا بنهزر انما انتى اللى مر بيه عيب عليكى.
ايه.ماشى والله لاوريكوا،،كلوا بعقلى حلاوة كلوا
منة.احمم.طيب اتعدلوا عشان اطلع بالعربيه
اميرة وايه .اتعدلوا
ومنة اتحركت بالعربيه.
استوب طبعاا فضولكوا هيموتكوا وتعرفوا ايه هو اليوم ده طيب اليوم ده يوم ما منه اتعرفت ع اميرة وايه وبقيت البيست التالت ليهم وبقوا اكتر من الاخوات
(فلااااااش بااااااك)
المستر. بقولك اى يا منه انتى منين منة. من القاهرة
المستر. وايه جابك القليوبيه
منة.شغل بابا
المستر.نورتى القليوبيه يا منة
منة.شكرا يا مستر
بعد الدرس منة خرجت ،ونادت ع ايه واميرة لو سمحتوا متعرفوش اروح المكان(............)ازاى
ايه. ده عند بيتى تعالى معايه وانا اوديكى ومشيت منة مع ايه واميرة وقعدوا يدردشوا مع بعض لحد ما وصلوا واتفقوا يرحوا مع بعض الدروس كلها لحد ما منة تحفظ الأماكن وكل يوم منة تقرب منهم عن اليوم اللى قبلوا لحد ما بقوا اصحاب وبقوا يحتفلوا باليوم ده مع بعض كل سنه بانوا بيعدى سنه وهما اصحاب مع بعض وبيحبوا بعض ومهما حصل بينهم مش بيتفرقوا ابداا❤🧡
......باااااااك......
منة..يااه احسن يوم بحياتى
اميرة وايه واحنا كمان
منة ربنا يديمنا لبعض طول العمر
ايه واميرة. يارب
منة. يلا وصلنا ،نزلوا ومنة ركنت العربيه ثم توجهوا لدخول المستشفى وكل واحده قامت باداء عملها ثم توجهوا لدكتور محمد.
البنات .صباح الخير يا دوك
د:محمد .صباح النور يا بناتى
اميرة.احنا خلاص اتفقنا احنا اللى هنروح البعثه مع يقين وعائشه ومريم.
د:محمد.بجد دانا فرحان بشكل محدش يتخيلوا يلا ربنا يوفقكوا يارب
منة. يارب ويخليك لينا ديما فى ضهرنا ومشجعنا ع قررتنا اى كانت
د/محمد.يارب ويحفظكوا ليه انتوا عارفين انا بعزكوا جدااا زى بنتى بالظبط
البنات.ربنا يخليهالك يادوك
د/محمد.يارب
آيه. نلحق نمشى بقااا عشان نجهز
د/محمد.ربنا يعينكوا يارب اتفضلوا وخلوا بالكوا ع نفسكوا
منة.يارب تسلم حاضر هنخلى بالنا ع نفسنا وانت كمان
د/محمد.حاضر. بااى مع السلامه
اميرة. مع السلامه، وهموا بالانصراف توجهوا لركوب العربيه من ثم الى مول لإحضار ما يخص السفر وكتب من اجل البعثه وبعد الانتهاء من شراء الأشياء توجهوا الى مطعم وطلبوا اكل وقعدوا كلوا وبعدين ذهبوا لكافيه طلبوا قهوة اكسبريسوا وقعدوا يهزروا ويضحكوا
اميرة.عاجبكوا المرمطه دى هااا
ايه. اه والله كان مالنا بس ومال ده كلوا
منة.اقعدوا اندبوا بقاااا مش قد التعليم بتتعلموا ليه هااا
اميرة،بس ياماما(بصوت محمد رمضان)
ايه.منة عندك كلمة تبل ريق الواحد اشطا معندكيش اسكتى
منة.محاط بشله متخلفه(بصوت اسكار اللى فى الاسد سيمبا )
اميرة. يخربيت برودك الواحد زهقان من نفسوا مش عارف يلاقيها منين ولا منين وانتى بتضحكى
ايه.والله العظيم مش عارفه هقعد ٦ شهور بعيد عن اهلى ازاى
اميرة.اه والله
منة.ياجماعه يحلها ربنا ا نشاء الله مش هنحس بيها مش هى دى البعثه يا اميرة حلم العمر اى يا ايه مش دى كلام السنين اللى فاتت تعبنا وسهرنا هااا نسيتوا مش خلاص هنسافر انجلتر علشان ننفذ العلاج عملى عشان يفيد المرضى هااا انتوا نسيتوا ولا نفضتوا للموضوع اى يا اميرة مش فكرة العلاج دى جت عشان علاج مامتك بقولكوا اى انتوا هتفوقوا ولا افوقكوا انا حاكم انتوا بتستهبلوا كده اسمع واحده فيكوا بتقول الكلام ده تانى يا اميرة انتى ولا ايه
ايه .معلش يا منة احنا من الضغوط والله مش قصدنا
اميرة. اه والله قلبك ابيض بقااا
منة.خلاص مش زعلانه
ايه.طيب يلا نروح عشان نلحق نجهز
اميرة. ع رايك اهو الواحد يعرف ينام شويه قبل الطيارة
منة.يلا وتوجهوا للعربيه وشغلوا قران وقعدوا فى شويه هدوووء لحد ما وصلوا لبيت اميرة.
منة.متتاخريش الساعه ٦ تكونى جاهزة عشان الطيارة هتطلع ٩
اميرة.اشطا
ايه ومنة مشيوا لحد ما وصلوا ايه نزلت وطلعت ومنة دخلت العربيه الجراش وطلعتت....
منة.يا ماما
هدى.اى عملتى ايه فى البعثه
منة.هنمشى انهاردة السااعه ٦ عشان الطيارة هتتحرك ٩ بليل
هدى.بسرعه كده
منة. هنعمل اى بقااا يا دودو
هدى. ربنا يسعدك ياقلبى وتحققى النجاح اللى بتحلمى بيه انتى واصحابك
منة،احلى دعوة من احلى دودو فى الدنيا ،،،هدخل انام اناااا عشان الحق اصحى الم حاجاتى واتحرك
هدى. تصبحى ع خير يا قمر ،،
منة. وانتى من اهل الخير دخلت لتنام وايه واميرة حصل معاهم نفس الموقف باختلاف بعض الكلمات. منه صحيت الساعه ٥ وجهزت بقيت حاجاتها وخرجت من غرفتها متجها لاهلها
باباها.هتمشى دلوقت خلاص يابنتى
منة. اه يابابا يدوب الحق
باباها. ربنا يجعلك فى كل خطوة سلامه يابنتى
ودعت منه امها وابوها واخواتها ونزلت ركبت عربيتها واستنيت ايه لحد ما نزلت وخدتها ومشيوا وراحوا لاميرة وخدوهااا واتجهوا للمطار وهما فى الطريق شغلوا كاسيت ع قران برضوا واخذوا يدعوا بعض الأدعية
وصلوا المطار وسلموا ع يقين واش وروميه(مريم) وبعد الكثير من التحيات والسلامات كانت المفاجأة
يترى حصل اى
#يتبع "اصحاب عديمة الشبه "
بقلم الكاتبه ^منة الله مبروك^

By menna Mabrouk 👀♥️