*خيال واصبح حقيقة*
في الصباح ...
كرم :- يارا حبيبي يلا قومى
يارا بنعاس:- انت مين
كرم بزهول :- يارا انتى كويسه انا كرم في اى
يارا :- طب خلينى انام بس بعد كدا قول انت مين
كرم :- يابنت قومى كفاية نوم
يارا بتزمر:- يوووه صحيت اى
كرم بابتسامه:- يلا حبيبي لسه ورانا طياره يلا
يارا:- هنروح فين
كرم :- مفاجاء
يارا :- لا مليش دعوه عايزه اعرف هنروح فين
كرم برومانسية:- هنروح المالديف حد قالى انك نفسك تروحيها انتى وحبيبك
يارا بفرحه:- اه عارفه انا الاحد ده انت لسه قاعد قوم يلا نجهز يلا
بيروح كرم ويارا المالديف بيكون كرم واخد جزيرة ليهم لوحدهم عشان يارا تكون براحتها ومحدش يزعجهم
على يخت في البحر
كرم بتساؤل:- مبسوطه
يارا:- اوى اوى بجد .. كفاية أن انت جنبي ومعايا
بيعدى شهر وبيرجع كرم ويارا
مريم باشتياق:- وحشانى اوى يا بت
يارا بفرحه:- انتى كمان وحشانى اوى ... البت شهد فين
مريم بغمزه :- عند اهلها وهاتجي بليل ... اى ياعم الجواز بيحلى اوى كده شهر ترجعي وشك منور
يارا بفرحه:- انا مفيش حاجه في نفسي معملتهاش عايزنى اكون عامله ازاى ...
مريم بابتسامه:- ربنا يسعدك ياقلبي ... الدكتور اتصل بيكي كتير وانتى مكنتيش بتردى
يارا:- كلمنى قبل ما اجي وقالى اول ما توصلى تعالى بس صراحه تعبانه وعايزه انام ..
قبل ما تكمل كلامها بتحس بوجع في بطنها
مريم بقلق :- انتى كويسه
يارا :- معرفش بطنى مالها .. انا هطلع ارتاح و هروح للدكتور بليل
بتقوم يارا عشان تطلع الاوضة بس مش بتقدر وبتقع ....
بتلحقها مريم قبل ما دماغها تلمس الأرض :- كرم كررم
بيجي كرم على صوت مريم :- في اى ... اي إلى حصلها
مريم بقلق:- بطنها تعبتها وقالت هقوم ارتاح راحت وقعت
كرم بيشيل يارا :- طب اتصلى بالدكتور
بعد ساعه
الدكتور بتوبيخ :- ازاى الاهمال ده ازاى متاخديش بالك من حاجه زى دى ...
حمل يا يارا انتى لوحدك مش قادره على المرض اى ذنب الطفل ده
يارا بدموع :- انا معرفش ازاى مخدتش بالى مجاش في دماغي حاجه زى دى
كرم :- ممكن ينزل يا دكتور ولا هيكون في خطر عليها
يارا بعصبية :- انا مش هنزل البيبي يا كرم
كرم بصرامه:- هينزل يا يارا يعنى هينزل
الدكتور:- هو مفيش حل غير أنه ينزل بدل ما يموتك ولو اتولد هيكون احتمال كبير عنده نفس المرض ...
هترضي ابنك او بيتك يعيشه نفس حالتك دى
كرم :- الدكتور معاه حق انتى استحملتى هما ملهمش ذنب يستحمله غلطنا احنا
يارا مش بترد بتكمل في دموعها
بيمشي الدكتور وبتسبب مريم يارا وكرم مع بعض
كرم بهدوء:- يارا فكرى فيها بعقل مفيش حل غير أن البيبي ينزل ...
عشان مصلحتك وعشان نكمل في العلاج وعشان هو كمان ميتاذيش بسبب حد فينا...
ووعد اول ما ترجعي زى الاول كل سنه نجيب بيبي اى رايك
سكوت غريب من يارا مع رعشه في جسمها
كرم بقلق:- يارا انتى كويسه
بتزيد رعشة يارا بتكون رعشه هستيرية بتمسك يارا دماغها بتبداء بالصريخ
بيحاول كرم يهديها بس بتفضل على نفس حالتها ..
بتطلع مريم على صوت يارا بتشوف حالتها كده ..
ترجع تكلم الدكتور تانى
كرم بيحضنها يحاول يهديها :- خلاص خلاص بلاش ينزل خلي البيبي محدش هيآذى بس أهدى أهدى
على ما بيرجع الدكتور بتكون يارا صوتها اتخنق واختفا
الدكتور :- دى قاطعه النفس ....
أنت تقرأ
خيال واصبح حقيقة(مكتملة)✔️
Romanceهو تركى وهى مصرية هل يكون الحب بينهم جائز او انها مجرد فرااغ........
