*خيال واصبح حقيقة*
الدكتور:- دى قاطعه النفس ... هكلم الإسعاف
مريم:- قاطعه نفس ازاى يا دكتور دى كانت لسه بتصوت
مش بيهتم الدكتور لكلامها وبتيجي الاسعاف تاخد يارا
*بعد 5 ساعات*
ليخرج الدكتور من غرفة العمليات بملامح غير مفهومه
مريم ببكاء :- هى عامله اى دلوقتى يادكتور
الدكتور بأسف:- الجنين نزل .. وهى حالتها متاخره جدا لازم نعمل العملية استئصال الورم اول ما تفوق ...
كرم بغضب بيمسك الدكتور :- يعنى البيبي نزل لوحده داخله المستشفي عندها تشنوجات تطلع فاقدة الجنين ازاى .....
ولما هو في عملية استئصال الورم متعملتش ليه من الاول ولا لازم تتعذب شوية
الدكتور بغضب :- انا مش هاخد اى إجراء قانونى معاك على ايدك دى عشان بس مقدر موقفك ...
الاول كان في امل أنها تكون كويسه بالعلاج بس دلوقتى خلاص واضح أن مفيش امل...
البيبي نزل من الضغط العالى مراتك داخله المستشفي قاطعه النفس يعنى كويس أنها لسه عايشه
بيسيب كرم الدكتور يمشي وبيقعد بعيد عن مريم وشهد إلى شايف في عنيهم نظرة اتهام واضح خصوصآ من مريم
شهد بتتكلم مع مريم:- انا هروح اجيب هدوم ليارا من البيت انت عارفه انها مش بتحب لبس المستشفيات ده
مريم :- طب روحى بس متتاخريش انتى كمان
شهد :- حاضر
بتمشي شهد وبتفضل مريم على نفس نظرة الاتهام لكرم
كرم:- قولى إلى عايزه تقولى من ساعه ما دخلنا المستشفي ...
عايزه تقولى أن انا السبب صح
مريم :- انت واحد من الأسباب يا كرم بس انت السبب الوحيد الى موجود قدامى باقي الأسباب نصيب وقضاء وقدر ....
بس انت انت ازاى واحد بعقلك تفوته حاجه زى الحمل ده يارا نقول نسيت لانها فعلا بقالها فترة مش بتفكر حاجات كتير إنما انت اى عذرك بقي وراح تقول قدامها للدكتور البيبي ينزل ده انت لو قاصد تحرق دمها مش هتعمل كده ...
كرم :- انا عارف انى غلطان بس مش في ايدي حاجه انا مجاش في دماغي أن حاجه زى دى تحصل .....
عارف ومقدر انك زعلانه على صحبتك ...
بس انا إلى بين ايد ربنا دى مش صحبتى دى مراتى والى مات ده ابنى أو بنتى
بيرن موبايل مريم بتكنسل بيرن تانى
كرم:- ردى ممكن يكون حاجه مهمه
مريم :- دى شهد اكيد عندها طلب تافه زايها
بيرن الموبايل تانى:- اى يا شهد عايزه اى ... مين حضرتك ..... انت انت بتقول اى شهد ...طب هى فين مستشفي اى .. طيب طيب
كرم بيلاحظ انهيار مريم:- في اي يامريم
مريم بدموع :- شهد شهد يا كرم
كرم بترقب :- مالها
مريم :- عملت حادثة وهنا ف المستشفي
أنت تقرأ
خيال واصبح حقيقة(مكتملة)✔️
Romanceهو تركى وهى مصرية هل يكون الحب بينهم جائز او انها مجرد فرااغ........
