خيال واصبح حقيقة(مكتملة)✔️

#الحلقة_ التاسعة_ عشر

*خيال واصبح حقيقه*

يارا :- كنتى فين يا مريم
مريم بهدوء :-انتى صحيتى ليه
يارا:- عادى يعنى
مريم :-امم طب نامى انا مش جيلى نوم نزلت اتمشيت شوية

يارا :- طب متعرفيش الموبايل بتاعي فين
مريم بتوتر :- معرفش والله انا مشفتهوش
يارا بضحك:- خلاص مالك يابت هو انا بقولك انتى سرقتى الفون انا بقولك شوفتى ولا لا

مريم :- طب دورى عليه بره
يارا:- خلاص لقيته اهو ..تفتكرى اتصل بكرم ولا اتقل شوية

مريم:- لالا سيبي كرم دلوقت اكيد نايم شوية كدا كلمى ولا اقولك اتقلى عليه لحد بكره

يارا:- انا وقعت ومحدش مسمي عليا الواد وحشنى اوى

مريم بضيق:- انتى من امته وانتى واقعه كدا انتى شوفتى احلى من كرم وكلهم يتمنولك الرضا اشمعنا ده

يارا:- يا مريم هى بالحلاوه يعنى لو بالحلاوه كان زمانى  متجوزه و معايا عيال مانا شوفت احلى من كرم بكتير بس انا بحبه يابقره

مريم :- ربنا يسعدك ياقلبي الواد يتحب بصراحه

يارا :- عارفه عارفه يلا ننام بقا بدل نوم الكلاب بتاعنا ده

مريم :- اوك يلا بينا

بعد مرور أسبوع

يارا :- وبعدين بقا تفتكرى طفش

مريم :- يوووه بقا مايغور ف داهيه انتى شاغله نفسك بي ليه انتى تستاهلى حد احسن منه مليون مره

يارا :- هو اى إلى تستاهل حد احسن ممكن يكون تعبان مثلا او عنده شغل ماهو مش فاضي عشاني يعنى

مريم :- بقولك اى يلا نرجع مصر وسيبك من الهبل ده

يارا بزعيق :- لا يا مريم مش هنرجع غير لما اطمن عليه عايزه ترجعي انتى براحتك

شهد :- في اى ياجماعه مش كدا أهدى يا يارا وانتى يامريم  مالك  واخده كل حاجه على اعصابك كدا ولا كانك امها وهى طفله تقولى ده غلط وده عيب هى كبيره بما في الكفايه وعارفه مصلحتها فين

مريم :- تصدقي انا غلطانه اولعه  ف بعض

بتسبهم مريم وتمشي

يارا :- لا بجد مش فاهمه حاجه هو في اى من امته مريم بتعمل الحركات دى

شهد :- معلش يا يارا مهما كان هى خايفه عليكى متزعليش منها

يارا :- عادى مش فارقه بقولك اى انا رايحه لدكتور قاسم انهارده تيجي معايا

شهد بفزع :-ليه مالك انتى كويسه في حاجه تعباكى

يارا :- لا بصراحه مش تمام الصداع ده هيموتنى

شهد بتوتر :- طب طب بصي استنى لما نرجع مصر اكشفي هناك
يارا باستغراب:- انتى عبيطه يابت بقولك مش قادره خلاص تقولى استنى  دماغي ب.....

ليقطع كلامها رنين الهاتف

يارا بصدمه:- اوبا ده كرم ارد ولالا يالهووووى اعمل اى

شهد :-اهدى شوية لما يرن تانى

يارا بفرحه:-لالا هرد مش قادره اتقل

بتفضل الرنه قبل ما يارا ترد

يارا :- فضلنا نرغى لغاية ما قفل جتك نيله ياشيخه

شهد:- وانا مالى يا لمبي

يارا :-هشش بيرن تانى اسكتى ساكته  احم احم ....الو

كرم :- انتى فين
يارا برخامه:- وانت مالك
كرم :- نعم
يارا:- اسبوع مش سأل فيا ويوم ماتيجي تكلمنى تقولى انتى فين  انت مالك انا فين

كرم بتنهيد:- غصب عنى كان عندى شغل ومعرفتش اكلمك

بتروح شهد تقعد جنب يارا وتسمع هو بيقولها اى يارا :- اوك تمام وانت عايز منى اى دلوقت

كرم:- هشوفك انهارده بليل ف نفس المكان إلى شوفتك في المره الى فاتت الساعه 9 باي

يارا بصدمه :- الحيوان قفل ف وشي السكه وقال عايز يشوفنى بليل طب والله مانا رايحه

بعد مرور عدت ساعات

شهد :-انتى رايحه فين

يارا:- بلبس عشان نازله لكرم

شهد بتريقه وتقلد صوت يارا:- طب والله العظيم  مانا رايحه الحيوان قفل ف وشي السكه .. وبعدين مش قولتى هروح للدكتور

يارا :- ما خلاص يا خفيفه مالك في اى ..وبعدين مش لازم اروح للدكتور انهارده خليها بكره

مريم بتيجي من بره:- انتى رايحه فين

شهد :-كرم كلمها وعايز يشوفها انهارده

مريم:- مفيش نزول يا يارا ادخلى غيري هدومك

بتبصلها يارا  باستغراب وترد بزعيق:- لا والله انتى كدا انتى بتسوقي فيها بقا فاكره نفسك والى امرى بجد ومش هتخلنى انزل ناقص تسحبي منى المصروف كمان

مريم لسه هترد بتكمل يارا كلامها:- انا مش عايزه اسمع حاجه انا هنزل يعنى هنزل والى عندك اعملى سلام

بتنزل يارا

مريم:- عجبك القرف إلى هى بتعمله ده ممكن كرم دلوقتى يقولها أنه مش بيحبها وهى زى الهبله هتموت عليه

شهد:- لا لا اكيد إلى بتقولى ده مش هيحصل حتى لو كرم مش بيحبها مش هيقولها بالطريقه دى وهو عارف انها تعبانه

مريم :-ربنا يسترها

وصلت يارا عند المكان إلى في كرم بس مفيش هناك حد

يارا:- هو اى إلى حصل ف المكان اى فين النور

ليٱتي شخص ويضع كف يدي بطريقه مخيفه  على فم يارا

خلص البارت على كدا 🌚