ناذره حياتي (رواية ليبيه)

part 1

الكاتبه:سجينه الوحده
اسمي محمد انا الكبير في خوتي نحن 3 اولاد و4 بنات ممكن تحملت مسؤليه اكبر من عمري
عشت كيف اي شاب قصتي بدت في ايام مراااهقه
في ثالثه اعدادي تحديدا ايام امتحانات الفتره الثالثه
خشيت للمدرسه يلي بنمتحنو فيها ولفتت نظري بنت وحده اول مره تلفت انتباهي بنت ونشوفلها بالطريقه هذي ماعمريش فكرت في البنات ولا في الحب لين شفت عيونها كانو زي السحر حركاتها كيف الملاك ملامحها طفوليه ابتسامتها يلي تجذب اي حد يشوفها مرو اول ايام عيوني ماقدرتش نشيلهم من عليها وبعدها في يوم كنت مصبي معا اصحابي في ساحه نرااجعو في الحل امتاعنا وبنروحو قعدت تشيرلي وتبحت فيا صرااحه استغربت وانا بعدت من شباب وهي قربت مني وقالتلي بصوت وااطي وهي متحشمه
هي: معليش ممكن تساعني
محمد: كنك وختي شن فيه
هي : الماده يلي عندنا بكرا مش فاهمتها لو فاهمها ممكن تشرحلي
كانت وقتها تحكي وهي ترجف ومتحشمه مني
محمد: اها عادي بس تبي الماده كلها ولا عندك حاجات معينات
هي: لا عندي حاجات معينات
محمد: باهي قولي لي شن يلي مش فاهمته وانا نفهمك
هي:شويه نجيب الكتاب ونجيك تفهمني توا لو فاضي
محمد :تمام
جتني ورتلي شن يلي مش فاهمته وقعدت نشرحلها

خلاص ومن بعدها معش احكيت معاها ولا هي احكت معاي بس عيوني كانو عليها دايما وهي كانت مره مره تبحت فيا في طالب معانا لاحظ ان نبحث فيها
الطالب: معليش ياطالبه ممكن شويه
هي: تفضل في شي!
طالب: طالب هذا تعرفيه
شير عليا را مصورك ودايرلهم فوتوشوب وناشر صورك عند جميع الطلبه
هي: كيف مستحيل
الطالب: اسألي طلبه كلهم وشوفي
هي: مش حنصدقك لين ماتعطيني دليل
وسيباته ومشت
بس قعدت كل ماتشوفني تغير طريقها وتبحت فيا بنضرات كأني داير ذنب كبير
بس وقتها ماكنتش نعرف شن يلي صار
جاء اخر يوم امتحانات سمعت طالب يلي شفته معاها يومها هو وصاحبه يحكو ع كذبه يلي كذبها ع البنت ان انا مصورها وحاكي عليها كلام مش تمام ماتحملتش وقتها
ضربته قدام الكل محد قدر يفكه من يديا لين جو الامن فكوه مني ومشينا للاداره
واحكيتلهم كل شيء وقتها عرفت علاش قعدت معش تبحت فيا و هي عرفت ان انا ماحكيت عليها ولا عندي صورها وعدا اليوم وحياتي مشت عادي بس هي ماطلعتش من بالي كانت صورتها قدامي وين مانمشي طلعت نتيجه والحمد لله نجحت وخشيت للثانويه وانا بنت من اخر يوم امتحانات معش شفتها بس كانت ديما في بالي بعد مده في اولي ثانوي كنت طالع انا واصحابي من مدرسه شفتها قدااام عيوني مخطمه ماصدقتش عيوني كنت نحساب رووحي نتخيل اصحابي يحكولي وانا مش معاهم بكل كنت كأني متخذر شعوري وقتها اول مره نحس بي وهي اول ماشفتني انصدمت في البدايه حسيت من عيونها انها حاسه بنفس شعوري قربت علينا صاحبتها كان اسمها اريام
اريام: معليش ياشاب نبيك شويه
انا استغربت
محمد: تفضلي
اريام: صراحه ان صاحبتي مرام معجبه بيك وكانت تتمني تحكي معاك بس الامتحانات معش قدرت تشوفك وهي صرااحه خايفه
محمد: من صاحبتك مرام هذي
وقتها ماكنتش نعرف ان نفسها يلي واااخذه عقلي كنت نحسابها تحكي ع بنت تانيه
اريام: مرام صاحبتي يلي كانت وااقفه معاي توا وشيرت عليها
محمد: اها باهي ليش ماجتش احكت هي
كنت طاير من فرحه ان بنت يلي وااخذه تفكيري تبادلني بنفس الشعور بس حاولت ان مانبينش فرحتي
اريام: هي تتحشم وااجد وماعمرها بحتت في شاب ولا عجبها شاب وكانت خايفه تحكيلك تصدها وتكسرلها خاطرها ولا يكون عندك وحده تحبها
محمد: في عقلي هو في خاطيها في بالي بس رغم ان استغربت من جراءة اريام بس مادققتش وااجد
صرااحه حتي انا عاجبتني خلاص عطيني رقمها ولا اي شيء نتوااصل معاها
اريام: تمام
عطتني رقمها وكنت بنطير من فرح نضحك كيف مجنون وسارح فيها
وحتي عدت اريام وماشكرتهاش لان من فرحه نسيت الكل
بعدها قعدت نتواصل معاها ونحكو وع طول اعترفتلها بحبي لاها وقعدنا معا بعضنا 6 شهور كانو ايامي معاها كلهن حب كنت مش نحبها بس نموت في ثراب يلي تمشي عليها وماكانوش في مشاكل بيناتنا وفي يوم هلها اكتشوفو انها تحكي معاي وضربوها قالتلهم انا مانعرفش هو مش عارفه وين لقي رقمي يرن عليا ديما ويبعتلي وكان يضايق فيا ايام امتحانات الاعدادي وفي ثانوي قعد ديما يلحق فيا خفت نحكيلكم محد يصدقني هلها صدقوها طبعا الان بنتهم تتصورو شخص تعطيه رووحك يقتلها هي بنفس الطريقه قتلتني وطبعا هلها دارو موضوع وخوتها لقوني برووحي في شارع كانو 5 شباب وانا كنت برووحي ضربوني لين قريب متت من الضرب وبعدها خلوني ملوح في الشارع وعدو وقتها كان قلبي يوجع فيا اكثر من جسمي كان جرحي ذاخلي اكبر واعمق من جرحي يلي برا خشيت في فتره كرهت فيها رووحي كرهت بنات كلهن كرهت هلي كرهت ناس كلهم وكرهت نحكي معا حد يلي كنت قبل مانعرفها انسان مرح بشوش اجتماعي وبعد باعتني كيف قعدت قتلت كل شيء فيا كل شيء
قعدت جسد بدون رووح من ممكن تقولو ان انا كنت صغير ومرااهق بس حبيتها جديات مش مرااهقه وطهقه مرت فتره سنه ونص هك قعدت انسان وااعي مايهموش البنات ابدا لين جاء اليوم يلي تغيرت نضرتي ويلي دق قلبي فيه من جديد............

اصوات ضجه انا وين شن فيه فتحت عيوني بشويش شفت اجهزه معلقين في جسمي كله كنت بنتحرك مش قادر بس شن صارلي شن يلي جابني هنا اخر شيء نذكره كان ...... يتبع
#gege