كاتبه:سجينه الوحده
اخر شيء نذكره كنت نسوق بسرعه وفي شاحنه كبيره جايه قدامي وبعدها معش نذكر شيء يعني انا درت حادث بس من يلي جابني هنا قاطع صوت افكاري
الدكتور:الحمدلله ع سلامتك
انا:بصعوبه الله يسلمك
الدكتور:فضل من ربي انك مازلت عايش
درلي فحوصات وتحاليل وبعد كمل وكان دكتور متوقع ان يكون عندي شلل او فقد في ذاكره بس
الدكتور:الحمدلله حالتك تمام صراحه يلي كيف حالته صعب ينوض من جديد وكان ناض ممكن هذا يأثر ع الخلايا ويكون فاقد من حواسه شيء بس الحمدلله فضل من ربي انك نضت
انا: بس نحس في صعوبه في الحركه
دكتور:طبيعي لان لك شهرين ماتحركش جسمك ماتخفش اعضاء جسمك كلهن سليمه بس مسأله وقت وترد تتحرك كيف قبل واحسن
انا: انصدمت ماتوقعتش ان ليا شهرين رااقد مش حاس بشيء كنت متوقع ان ليا يوم يومين مش اكثر
انا:معقوله ليا شهرين راقد مش حاس بشيء
الدكتور: لك شهرين في عنايه ضربه جتلك ع رااس سببلك نزيف داااخلي خلاك تخش في غيبوبه وفضل من الله انك رديت وعيت
انا: كنت وقتها مذكر الحادثبس يلي صار قبل الحادثمش مذكره
انا:وين هلي
الدكتور: توا حنتصلو بيهم ونبشروهم انك نضت
انا:تمام مشكور
الدكتور:ولو هذا وااجبي نستأذن توا
انا:خوذ رااحتك
طلع الدكتور وبعدها بشوي جوني ممرضين وحولوني للغرفه عاديه
وطلعو قعدت برووحي نتأمل في سقف لين انفتح الباب........
في يوم كنت قاعد مكسد ع تلفون جاني اشعار اضافه قروب ع وااتس خشيت عليه لقيته قروب شباب وبنات قعدت نهدرز معاهم وماعدلتش واااجد عليه وصكرت فون
وطلعت في العشيه معا اصحابي للستراحه
نحن 5 شباب من الابتدائي معا بعض
منذر:ملل بكل كساد كل يوم نفس روتين
ايهاب:وبعدك العطله قريب تم
حمد:تبيلنا سفره هياجه نفرغو طاقه سلبيه يلي فينا
انور:حتي نا معاكم تبينا سفره
منذر:معناها كلكم مواافقين
ايهاب:محمد انت شن راايك
محمد:ديرو جوكم
منذر:يعني مواافق
محمد:اهاااا...كنت سارح وقتها بس درت رووحي معاهم
ايهاب:معناها كل حد يخبر هله ويقوللهم
حمد:تم
محمد:نستأذن انا
انور:مزال بدري وين
محمد:عندي مشوار بنوصل هلي
كلهم:تمام خوذ رااحتك
منذر:كان فضيت تعال نحن مزال قاعدين هنا
محمد:يصير خير
صبيت وطلعت من الاستراحه
منذر:مش حاسين ان محمد لاه فتره متغير معش كيف قبل
ايهاب:اهاا صح قبل كان هو يلي يخطط ويحب يلمنا وديما هو يلي يحكي اكثر منا
حمد:حتي انا لاحظت فيه ان تغير
انور:بس شن يلي غيره خلاه هكي مهموم وسارح ديما
منذر:مرات عنده مشاكل معا هله
ايهاب:ما اعتقدش لان لاه فتره طويله ع الحاله هذ مش قصه هل
حمد:قولتكم قصه البنت يلي صبت معاه يومها هي وصاحبتها
انور:بنات هذينا انا مذكرهم شايفهم من قبل
منذر:بنت هذيك يلي خطمت تلا المدرسه مش يلي صبت معا محمد الاخرى
ايهاب:اها اذكرتها هذي يلي جت محمد يومها وهي سبب مشكلته معا شاب يلي تعارك معاه
حمد:زعمك يحبها
منذر:الله اعلم
انور:صكرو ع القصه يجي يوم ونعرفو
انا بعد طلعت منهم مشيت في حوش وصلت هلي لحوش جدي بس مانزلتش ماكنش عندي نيه نجامل حد قعدت ندور في البلاد لين لليل تكيت ع هلي وروحت بيهم للحوش وقعدت في مربوعه
جتني اختي الصغيره
اختي:مادي
محمد:عيونه
اختي:ماما قالت انت عشيت ولا
محمد:لا ومانبيش
اختي:ليش تبيش
محمد:هكي شبعان
اختي:كيف شعبان وانت عشيتش
محمد:اها شعبان انا 😂
اختي: مباه توا نقول لماما مادي يبي يقعد صغيرون يبيش يكبر
محمد:باه قوليلها😂
طلعت وانا كسدت ع تلفزيون وبعدها فتحت نت لقيت عرم اشعارات من قروب الواااتس هدرزت معاهم شويه ورقدت
ومرو الايام لا جديد لين جاء يوم.........
أنت تقرأ
ناذره حياتي (رواية ليبيه)
Mystery / Thrillerهذي اول رواية نكتبها ان شاءالله تعجبكم احداث روايتي تحكي ع اشخاص نفس الاعمار كل حد عاش فيهم قصه فاشله ودمراااته بس هل حتكون نهايتهم حزينه ولا سعيده حتعرفو في نهايه بقلم: سجينه الوحده
