عشك الشيخ فهد
البارت[ 28 ]
للكاتبة _طيبة_
🍃🍃🍃🍃🍃🍃🍃🍃🍃🍃🍃
اني بيوم شفتك كلبي راح وياك
لتكول شعجب وشلون هاويني
هية نظرة عشك خطرت بلحظات
خلت خط وصل ما بينك وبيني
ما مجبور احبك والدروب هواي
بس دربك ضوة ودلاني بسنيني
راح ابقى احبك واليصير يصير
والك شايل صبر آيوب تدريني 🌟
............
سمر .. انته شجابك هنا
محمد .. وهو يتقرب منهة وبعيونة نظرة شك.. الي تكولين علي انته اله اسم وبعدين منو هذا الي تحجين وياه
سمر .. هاا هذا ابن خالي امير
محمد .. وشعندة يحجي وياج
سمر .. بستغراب .. وليش حتة ميحجي وياي
محمد .. تقرب منهة اكثر ..سمر لتخبليني ليش هو شنو بينكم وتحجين ويا
سمر .. محمد شبيك كل عقلك شنو هل تفكير
محمد .. سمر اذا ماكو شي بينكم ليش يحجي وياج
سمر .. محمد ترة ما دا افهم عليك انته شتريد بالضبط
محمد .. متحجين وية اي واحد من الولد ولا تختلطين بيهم ابد لا من بعيد ولا من قريب
سمر .. وليش بالله ؟
محمد .. تنفذين مثل ماكتلج انتي راح تصيرين الي وباسمي
سمر .. محمد لا تعقد الامور يعني هذوله اهلي شلون تريدني ابتعد منهم
امير ابن خالي وبعدين يا ولد تحجي عليهم ؟
محمد .. ممعقد الامور ولا شي ولا اريد ابعدج من اهلج بس ولد خالج لا تختلطين بيهم والولد الباقين قصدي على ولد عمج
سمر .. محمد كل عقلك تشك بولد عمك كل هلكد انتة معقد
محمد .. اني ما شاك بولد عمي واني رابي وياهم ورابين وياي واعرف همة شنو بس اني ماريدج تختلطين بيهم يمج البنات تحجين وياهن تكعدين تكومين ما ادخل بس اياج اياج تختلطين يم الولد
سمر .. محمد هاي احنة خطوبة بعدنة ما مخطوبين وهيج تتحكم بية لو نتزوج يمكن باب الغرفة متخليني اطلع منة الا بوشية شهل التملك العندك
محمد .. يمكن كولشي توقعي وبالنسبة الج اي احب امتلكج
سمر .. صدوك تحجي شهل تخلف اذا تبقة هيج راح ارفض الزواج اني ما اكدر اكمل وياك واعيش حياتي بهل شكل اريد انسان مثقف مو شكوكي
محمد .. تقرب منهة ولزم ايدهة وحجة بعصبية .. اذا تكدرين ارفضي بس ماراح تخلصين مني انتي الي مو الغيري عبالج اذا رفضتي ما اتزوجج ههه انتي غلطانة انهي عليج ويمكن اتزوجج قبل حتة لا يتزوجون احمد وفجر وانتي بكيفج اذا بعدج مصرة على هذا الرفض
