مساء الخير متابعيني الحلوين 😘😘😘
((البارت الخامس والعشرين ))
•••••••••••••••••••••••••••••••••••••••••••••••••••••••••••••••••••••••••••••••••
سحر ،، ورحنة صلينة بعدين اجوي الكل سلموا ودخلوا صبينة الغدة التمينة على السفرة اباوع على مكان فهد مكانة خالي كملنة اكل نظفنة المطبخ وجدو
ورة ما كمل الجاي طلعوا هوة وبابا وياسر والبقية كلمن الغرفتة اني رحت يم بيبي شوية كعدت يمهة اسولف وياهة. احب سوالفهة هي راحت للحمام
ودك تلفونهة باوعت المتصل فهد
سحر ،، الوو
فهد ،، الو حجية شلونج
سحر ،، هاي اني سحر بيبي بالحمام
فهد ،، صار ساعة ادك وتاليتج هسة يالله تفتحين وين جنتي بشنو فاتحة حلكج
سحر ،، تغيرت نبرة صوتة وهوة يحجي كتلة .... شنو يعني واذا تأخرت عليك يالله جاوبت يروح نصك
فهد ،، سحر ضبي السان لا اجيج
سحر ،، لا والله خوفتني شيجيبك هوة انتة مو بغداد
فهد ،، اصبريلي من ارجع اني الج الا اكسر راسج اليابس
سحر ،، الله كريم منا لمن ترجع .... كملت حجي وسديتة مغرور شكد شايف روحة
شوية واجت بيبي كعدت وكالت
الجدة ،، ويامن جنتي تحجين
سحر ،، وية حفيدج دك عليج العنتين يريد يسمع صوتج
الجدة ،، ياهو
سحر ،، فهد
الجدة ،، اي وشكال
سحر ،، يعني شيكول مثلا رزل وسديتة بوجهة ... دكت على صدرهة وكالت
الجدة ،،دهر صابج ولج شلون تسدينة بوجهة
سحر ،، لا والله ترديني احجي ويا وهوة كاعد يرزل شهل الاسلوب العندة
الجدة ،، خايبة بس كضي السانج احنة بخير
سحر ،، واني شمسوية
الجدة ،، لا خطية فقيرة تعاي خابريليا
سحر ،، دكيت علي بقة يدك وماجاوب كالتلي
الجدة ،، يااا خايبة ليش ما يجاوب
سحر ،، عسى لاجاوب انشاء الله😒
الجدة ،، سدي حلكج ورجعي دكيلي علي خلي اشوفة وينة
سحر ،، دكيت علي بقة يدك شوية وفتح انطيته البيبي وبقيت واكفة يمهة
الجدة،، الوو
فهد ،،الوو هلة حجية شلونج
الجدة ،، بخير دامك بخير يابعد كلبي
فهد ،، دومج انشاء الله الاهل شلونهم
الجدة ،، والله زينين كولهم يسلمون عليك
فهد ،، الله يسلمهم .. جا الشيخ وينة ادك علي وما يرد
الجدة ،، والله يمة ورة الغدة راح هوة وعمك ولد عمك للكعدة الكلتوا عليهة
فهد ،، ها خوش
الجدة ،، يمة حيدر يمك
فهد ،، اي هذا يمي كاعد على التلفون
الجدة ،، سلملي علي يمة
فهد ،، يوصل .. باوعتلة وكلت الحجية تسلم عليك
حيدر ،، كللهة لا تحجي وياي اني زعلان منهة
فهد ،، كلتلهة .. سمعتي حجية يكول زعلان منج
الجدة ،، ياا وعلى شني يزعل .. اشوو انطينيا
فهد ،، تعال الحجية تريدك
حيدر ،، كللهة ميريدج
فهد ،، سمعتي حجية ما حاجة اكلج
الجدة ،، انطي الة خلي يسمعني
فهد ،، فتحت سبيكر وكتلهة ... احجي حجية يسمعج
الجدة ،، ولك حويدر ترة اجيك وعلى شني زعلان مو طلعت منا كلشي مابيك
حيدر ،، اي بس انتي ليش تفرقين تدكين على فهد واني لا ليش بالله مو من
مقامج خاف مو ابن ابنج احجي لا تضلين ساكتة
الجدة ،، خايب سد حلكك هوة صوج هاي الجنهة عامود واكفتلي هية
دكت على فهد
سحر ،، جنت واكفة واسمع حجيهة وحجيهم لان الغرفة هدوء وهمة صوتهم عالي بس من حجت علية كلتلهة .... واني شكو ليش مو انتي كلتيلي دكيلي
على فهد ودكيت.. اخذت الموبايل منهة وفتحت سبيكر وكتلة ... حيدر لا تصدك
ترة تريد بس تصالحهة وهية كالتلي دكيلي على فهد لو كايلتلي دكلي على حيدر جان دكيت بس دير بالك تصدك هاي بيبيتك مصلحجية
