عشك الشيخ فهد
البارت[ 33 ]
للكاتبة _طيبة_
هلو متابعيني شلونك اسفة صار فترة منزلت بس النت جان ضعيف كولش ومينشر البارت كولش حابة اشكر متابعتكم للقصة وارائكم بيهه وكلش افرح من اشوف اشعارات التصويت والمتابعة والتعليقات الي دا تجيني
وحابة اكوللكم رمضان كريم ينعاد عليكم بالصحة والسلامة يارب
قراءة ممتعة ..
.......................
زهراء.. مجنت متوقعة اشوفة صح بعدني احبة بس اكره ضعفي كدامة ما اعرف شلون هيج حجيت وياه بس طريقة كلامي جان هو الرد الوحيد اله واني مغلطت هو ما يريدني واني دا احاول انساه بكل الطرق الهي روحي بأي شي بس حتة ما يخطر على بالي
.........
سمر
بعد ما دخلت زهراء باوعت على حيدر ضاج من كلام زهراء كلي خل يجن منتضرهن بالسيارة هزيت راسي وهو طلع بره عاد اشوية واجن يسئلن علي كلتلهن ينتضرجن بالسيارة سلمت عليهم وراحن دخلت صحت البنات البيت هوة والعالم دا تروح وهنة كاعدات اجن واخذنالنة فرة عدلنة البيت بسرعة الناس راحت بقينة بس الاهل يعني بيت عمي ابو نزار وعماتي جناينهن راحن بس هنة بقن واخت بيبي هم يمنة صبينة عشة النة تعشينة ورة العشة صعدت ابدل ملابسي لان ضجت منهن لبست دشداشة مخصرة من الصدر ونزلت وية نزلتي دخل جدو وبابا وياهم ايسر
الشيخ .. هلة بوية الله يساعدجن
اشتياق .. هلة يابة شلونك
الشيخ .. الحمد لله بخير انتن شلونجن صارلجن شكد ما جايات هيج تبطن وما تجنة مو من عوايدجن
خوله .. والله يابة اني فد مرة بالفراش وبيوم خطوبة احمد جان عندي موعدة يم الدكتورة
الشيخ .. سلامتج بوية ماتشوفين شر
اشتياق .. واني ردت اجي بس ايسر ويسار منو يضل يمهم
ابو ياسر .. خليهم وحدهم مو صغار همة
اشتياق .. خوية انتة ما شايفهم هذا الاكل ما ياكلون الا تخلي كدامهم
الشيخ ..جان اجو وياج
اشتياق .. ذاك يسار مقبل يجي يكول طريق طويل عاد هاي المرة كتله ضل وحدك شني حتة عرس ما اروح من وراك
ابو ياسر .. زوجي ليش هيج ماكله همة
اشتياق .. ما يرضة يريد ايسر يزوج يالله
ابو ياسر .. وهو يباوع على ايسر .. جا خالي انتة ما تزوج حتة ذاك يعرس
ايسر .. الله كريم خالي وهو يسار لازمهة لزمة حتة ميزوج
الشيخ .. بوية سمر اريدلنة جاي بلا صغرة عليج
سمر .. تدلل جدو .. رحت للمطبخ لكيت زهراء هناك كاعدة
