مساء الخير حبايبي لعيونكم اليوم البارت طويل ولخاطركم لان
مقصرتوا من طلبت منكم تصويت اتمنى تبقون على هذا ابداعكم بالتصويت
والله اذا زاد التصويت هذا البارت خلال يومين انزللكم باليوم بارتين اؤكي
(( البارت السادس عشر )) 😊💜
•••••••••••••••••••••••••••••••••••••••••••••••••••••••••••••••••••••••••••••••••
سحر ،، شفتة مركز وياية بلكلام ويباوع علية كتلهة ... ها لا هيج ولاشي
عفتة وردت اطلع لزمني من ايدي وجرني علي 😓
فهد ،، مركز بعيونهة ... وين رايحة
سحر ،، هااا رايحة زهراء تريدني 😰
فهد ،، قربت منهة وحجيت يم اذنهة شنو السؤال
سحر ،، بس تقرب يم اذني احس ماعت روحي ... لا هيج ولا شي
فهد ،، سحر احجي الصدك شنو تردين تحجين
سحر ،، وخرت مني وكتلة ... كتلك ماكو شي هيج زلة لسان
فهد ،، امشي اطلعي برة 😠
سحر ،، عفتة وطلعت من الغرفة واني افكر بالي صار اني شعلية واذا حبنة
اني شكو شدخلني بالموضوع والله يالله بعد مالي علاقة بي رحت يم زهراء
زهراء ،، وين جنتي كتلج علكيهن وتعاي
سحر ،، هاا اي بس شوية كوة علكتهن لان ما انوش
زهراء ،، خوش
سحر ،، هسة خلي اساعدج اني اقرصهن
زهراء ،، يالله
سحر ،، زهراء انتي مو كلتي تحبين حيدر
زهراء ،، اششش باوعت خاف اكو احد موجود ورانة ... نصي صوتجة
سحر ،، اؤكي بس جاوبي
زهراء ،، اي
سحر ،، لحد الان اني ما متعرفة عليهم
زهراء ،، يعني شلون
سحر ،، اريد اعرف طبعهم وحتة اعرف هذا حيدر يحبج لا
زهراء ،، واذا طلع ميحبني
سحر ،، ويطبة مرض واذا ماحبج شنو وكفت الدنيا علي لو خلصوا الزلم هاا
زهراء ،، هم صح كلامج بس غير احبة
سحر ،، حبج عگرب انشاء الله كولي الميريدني ماريدة
زهراء ،، امرج
سحر ،، امشي ننزل لان متت من الحر
زهراء،، ههه يالله ... نزلنة جوة لكيناهن ملتمات يم بيبي وتسولف وياهن على حياتهة قبل رحت كعدت يمهن
سحر ،، عفتهن ورحت للمطبخ اشرب مي لان كولش عطشانة شربت كلاصين
مال مي ورحت كعدت على الكرسي الي يم الميز افكر قاطع سلسلة
افكاري صوت فهد باوعت علي مبدل لابس دشداشة والغترة وعطرة واصل لسابع جار كتلة
سحر ،، والله العظيم اذا صار عندي سُكر مصروف العلاج كولة عليك
فهد ،، ليش شكالولج مفتح بنك الج 😕
سحر ،، لاوالله انتة كول شوية مفززني وتريد ميصير بية سكر
فهد ،، اني شلي غرض انتي صافنة وامج صار ساعة تصيح عليج
سحر ،، عذر اقبح من فعل 😒
فهد ،، عفتهة ومشيت رحت لجدي بالمضيف
فهد ،، السلام عليكم
الكل ،، وعليكم السلام
فهد ،، رحت كعدت يم جدي ها شيخ امرني
الجد ،، ما يأمر عليك ضالم بس يابة اليوم اجاني ابن الشيخ حمد وكالي
عدهم طلابة ويردونة نوكف وياهم ورايديك انتة موجود حتة تحلهة
فهد ،، حاضر شيخ
الجد ،، خوش بوية اذا هيج العصر نروح الهم بس گبل هذا خلنة
نمر على عمك ابو حيدر
فهد ،، ليش شيخ بي شي
الجد ،، لا بس ظهرة يوجعة وهو عندة انزلاق خلنة نروح انزورة
فهد ،، حاظر شيخ شوكت متريد نروح
الجد ،، ورة الغدة حتة الحجية هم تروح ويانة
فهد ،، حاضر
