#ما_ذنـبي_أنـا 💔😭
للـكاتـب
الأزهر سالم
" المصراتي "
لا أحلل نشر كتباتي دون كتابة أسمي عليها 😊..
الـحـلــ( 13 )ــقـة
🔥 والأخيرة 🔥
ريم كانت مقعمزة في دارها وتتفرج على فيلم تركي دق عليها الباب ✊🏻✊🏻
ريم . تفضل
خليل فتح الباب وخش مشي على طول حضن اختة وبدي يبكي وريم تبكي معاه 😭😭
خليل . بالله عليك سامحيني عارف انك مظلومة واني بدال مانوقف معاك ونسادك زدت ظلمتك بالله عليك سامحيني 😭😭
ريم . لا متقولش هكي يا خليل انت خوي وسندي مستحيل نزعل منك ولا ندعي عليك وبعدين اني علاش بنسامحك منقالك انه اني زعلانة منك او مضايقة اصلاً 😁
خليل زاد حس بتأنيب الضمير اكثر من قبل توقها تعيط عليه اودير اي ردة فعل بس هيا سمحاتة على طول 💔
زاد حضنها اكثر من قبل
ريم . ووووووك عليا يااااااسر كسرتلي ظلوعي 😂
خشت عليهم نايا
نايا . هيا نوض انت وياها تعالو البرا في الجنان مدايرين تقعميزة حلوة ونستنوو فيكم 🥰
خليل&ريم . هي جايين وراك 😊
مشت نايا ومشو وراها ريم وخليل للجنان وقعدو العيلة يبصرو ويضحكو مع بعض
يارا بنت خليل خدت طوبو لمية وقعدت تصب على عمتها نايا 😂
نايا . دبشي يا خراااا 😡
العيلة . 🤣🤣🤣🤣🤣🤣
نايا . اي اضحكو تشوفو فيا مهرج قدامكم 😒😒
ومشت تجري ورا يارا شدتها وقعدت تضغضغ فيها
غزل . ربي يحفظ هاللمة الحلوة والله اعيينة من الحزن يلي انصب على عيلتنا تقول عين وحسدتنا 😔
ربيع . اللهم امين 🤲🏼🤲🏼
نايا خدت طوبو المية وبدت تبخ على ريم
ريم . تي لا يا كلبة
وناضت تجري وراها زلقو وطاحو على بعض ❤️
نايا . اخخخخخ ظهري ووووك مرزنك 😂😭
ريم . اييييييي رجلي يا خرااا 😭😂
مروان درس سيارتة قدام الحوش وخش
مروان . السلام عليكم
افراد العائلة . وعليكم السلام
رهف . نحطلك تتغذا
مروان . صحيتي 😊
وتلفت لي امه . نبيك في موضوع 🙂
نوال . قووووول انشاءالله خير 😱
مروان . خير خير بالله يا رهوفة نوضي حطي شاهي على النار
رهف فهمت عليه وناضت
نوال . قووووول
مروان وهو متحشم . نبيك تخطبيلي
نوال . هادي الساعة المباركة الحمد الله ياربي لوووووووووولي 😄😍🔥
رهف جت تجري . خيركم شنو في
مروان . المهم غدوا في العشية وتو روحكم بنمشو للجماعة
ومشي لي داره
نوال . بإذن الله واتين من تو 😂😂
رهف . تي غير شنو في واني كيف لطرش في الزفة 😒
نوال . خوك واخيراً قرر انه يتزوج
رهف . احلفي 🤭
نوال . خزي يا حقيرة من امتى نبصر معاك 😒😠
رهف . اسفة طلعت بدون قصد تي غير منو هادي
نوال . والله مانعرف قال غدوا نمشو ونتعرفو ع الجماعة
فات اليوم بدون اي احداث تذكر
ثاني يوم الضهر 🏞
سليم . امي يا امي
غزل . نعم
سليم . بري قولي لي ريم توتي روحها ولد صاحبي جايب امالية بعد العصر
غزل . وخيرك هادا وين قلت
سليم . امس بنقوللكم نسيت
غزل . امشي اجري جيب شكلاطة و عصير و بكلاوة واكيد حيقعدو للعشي فاجيب معاك مشروب و
قطع عليها سليم
سليم . تي علاش هادا كله هما جايين نص ساعة بيشوفو البنت وانشاء الله خير
غزل . اماله جيب معاك شكلاطة وعصير
سليم . تمام
وطلع مشي في السيارة اما غزل فمشت لي ريم في دارها ❤️🔥
غزل . ريمووو
ريم . نعم يا ماما
غزل . هيا نوضي سلم بنيتي جايينك خطابة من طرف خوك سليم
ريم . كيف وامتى ووين 😳
غزل . خيرك العفووو
ريم . منبيش منيش متزوجة 🥺
غزل . احني مش حنغصبوك انتي وتي روحك وطلعيلهم ولو متبيش بعدين قولي لا وننهو الموضوع كله هيا سلم بنيتي 😊❤️
ريم . به 🙂
غزل . وانتي يا نايا نوضي عاونيني انظمو الحوش
مشوا نايا وغزل حتى يضمو الحوش اما ريم فمشت تجري خشت للحمام ( اكرمكم الله ) حتى ادوش
أنت تقرأ
ما ذنبي أنا 💔😭 (( مكتملة ))
Ngẫu nhiênرواية باللهجة الليبية 🇱🇾 تحكي ع أشوي من الواقع اليبي 💕 روايتي تحكي ع بنت اتهمت ظلم ونخطفت وشرفها طاح في الوطاء 😱 بس أثناء هروبها حتلتقي بالبطل ولي ثاني مرة ❤️ بس حتنقلب حياتها 180 درجة او أكثر 💗 تابعو الرواية لمتابعة المزيد 🥰
