ما ذنبي أنا 💔😭 (( مكتملة ))

الـحـلــ( 8 )ــقـة

#ما_ذنـبي_أنـا 💔😭

     للـكاتـب    
                الأزهر سالم
                               " المصراتي "

لا أحلل نشر كتباتي دون كتابة أسمي عليها 😊..

الـحـلــ( 8 )ــقـة 

مروان . الوووو
ريم . بالله تعالى ساعدني اهلي حايقتلوني 😭😭
مروان . شنوووو 😳
ريم . ايه بالله عليك تعالى بسرعة انت الوحيد يلي تقدر تساعدني معنديش حد غيرك 😭😭
مروان . تمام بس هدي روحك 😐
ريم . تي كيف تبيني نهدي روحي اهلي حيقتلوني 😭😭
مروان . اففففلف وانتي شنو دايرة 😒
ريم . يحسابوني هاربة مع واحد وهلبا قصص تانية 😭😭
مروان . باهي امشي افهمي منهم يمكن فاهمة غلط 🤷🏻‍♂️
ريم . الحق عليا اني يلي وثقت فيك وكلمتك 🥺
مروان . عندك 15 دقيقة لو مطلعتيش مش حنساعدك بسرعة وتي روحك 😤
ريم . شكراااا شكرااااا 😁😍
سكر مروان من ريم وقعد يفكر في العملة يلي حيديرها خدي مفتاح السيارة وطلع
اما ريم فمشت تجري خدت شنطة وحطت فيها اشوية حوايج وشوية فلوس كانت مجمعتهم ولبست عبايتها ومشت وقفت مقابل الشباك وتستنى

نايا في المطبخ توتي في فطور لي ريم وتفكر
نايا . زعما كلام خليل حق تو يقتلوها . لالا انشاء الله لا . كلة من مرتة اللفه تعبيلا في راسة . حسبي الله ونعم الوكيل
فطنت ع روحها لقت القهوة تتبزع من البكرج
نايا . اففففففف 🤦🏻‍♀️
خدت الفوطة وبدت تمسح في الغاز

ريم مقعمزة بحدا الشباك وتفكر في حياتها يلي تغيرت 180 درجة ونقلبت فوقاني تحتاني
ريم . زعما الخطوة يلي حنخطيها توى صح ولا حتزيد اضرني توكلت عليك ياربي 🤲🏼
سمعت تلفونها يرن 📞
خداتة وردت
ريم . الووووو 😊
مروان . وينك اني قاعد قدام الجامع 😒
ريم . تمام دقائق ونكون بحداك 🤞🏼
مروان . بسرعة
سكرت ريم التلفون وهيا بطير من الفرحة حدفت رقم مروان وردت تلفون اختها في مكانة خدت الشراشيف يلي ربطتهم في بعض وربطت مقدمتهم في رجل السرير وبدت تنزل
( من الشباك طبعاً🙂)
شبحت لي حوشهم لي اخر مرة 💔 ومشت تجري لي مروان 🤍
ركبت السيارة وعلى طول حضنت مروان ❤️❤️
ريم . شكرا شكرا والله عارفتك جدع وقد كلمتك تي انت نقذتني من الموت 😍
مروان . نحي يديك وقعمزي بلا حركات تافها 😒
ريم . بااااه 🤦🏻‍♀️ . اي حقا وين بنمشو توى
مروان وهو يسوق . عندنا حوش صغير في المزرعة بنرفعك ليه لين نلقو حل لي مشكلتك 😒
ريم . به حتى هادا حل كويس 🙃

نايا وتت فطور ريم ورفعتهولها للدار
نايا . ميمي 😊
لايوجد رد
نايا بدت تدق ع الباب
✊🏻 ✊🏻 ✊🏻
نايا . ريمووو افتحي الباب جبتلك لفطور
برضو لا يوجد رد
حطت السفرة ع الطاولة يلي جنب الدار ومشت لي العيلة تحت في الصالة
نايا . بابااااااا يا باباااااا 😱
ربيع . تي خيرك شنو في 😠
نايا . اندق ع ريم ليا اكثر من ربع ساعة بس مفيش رد ولا اي صوت 😭
غزل شبحت لي ولدها خليل
غزل . قتلتها اكيد انت يلي قتلتها 😭😭
ربيع . تي خيركم اسكتو اكيد راقدة
ومشو كلهم للدار
غزل . بنيتي ريم افتحي متخوفيناش عليك 😭😭
ربيع . افتحي يابنتي مش حيقربك حد بما انه اني عايش 😎
برضو مفيش اي رد
قعد خليل يخبط في الباب لعند كسرة وخشوو
خليل . اهي دارتها وهربت قلتلكم اني المفروض نقتلوها انتم مسمعتوش كلامي ارتحتوو توااا 😡
غزل تشبح لي خليل وتبكي . بنيتي هربت كله منك انت خوفتها والله ثم والله لو يصيرلها حاجة ماني مسامحتك لادنيا ولا اخرة 😭😭
ربيع . اطلع برا يا مغطوب اطلع اقلب وجهك من قدامي الله لا تربحك قتلت اختك 😡
طلع خليل من الحوش وهو متكنطي تلاقى مع سليم شبحلة شبحة حقد وكمل طريقة
سليم . تي خيرة صداعكم واصل لبره شنو في
نايا . ريم هربت 😭😭
سليم . شنوووو 😠
طلع يجري برا الحوش يدور عليها

ميس و نور سمعو بالخبر وكل العيلة جو للحوش وكلهم بدو يحطو في الإشاعات ع مزاجهم
1 سمعتي ريم بنت غزل 😒
2 خيرها 🤨
1 تي قالو هربت مع واحد 😕
2 لاحول ولا قوة الا بالله 😳
وغيرهااااا هلبا كلام وإشاعات طلعووو
( حسبي الله فيهم )

#المصراتي
اني من خلال منبري هادا حبيت نوصل لكلام هادا لي الناس يلي تحب ادير ايشاعات وهدم في حياش الناس .......😡
( تو بالله  في شنو تحسو بس ياما ناس انتحرت بسبب إشاعة وياما حياش تهدمت بسبب الإشاعة ويما عيلات تفرقت وغيرهم هلباااا قصص صاروو حسبي الله فيكم غير شنو تستفادو بس 🖤 )

نرجعووو لروايتنا 💕

وصلوو مروان وريم لي حوش المزرعة 🏚

ريم . محلاااااه 😍 بس شكلة ليكم فترة مش خاشيلة
مروان . ابه منجوشي الا في الصيف
ريم . واضح
مروان خدي ريم من يدها وقعد يدهور بيها في الحوش خشو للمطبخ
ريم . معندكمش شي يتاكل 🙃
مروان . بري افتحي الثلاجة يمكن تلاقي شي 😅
مشت فتحتها لقتها فاضية 😂😂
ريم . تي الثلاجة فاضية اففف جيعانة هلبا 😩
مروان . تمام امالة انتي بري دوري دورة ع الحوش واني بنطلع بنجيب فطور من بره
ريم . تمام 👍🏼
طلع مروان مشي بيجيب ماكلة وكم حاجة من برا اما ريم فقعدت تضم في الحوش 💞

روح خليل للحوش تلاقى مع نسرين
نسرين . شنو قتلتوها العاهرة 😄
خليل خش للحوش ومردش عليها
نسرين . باهي والله لفتكيتو منها خير ماتقعد وتزيد تنزل راسكم في الأرض بعارها وحشمتها 😏
خليل . هربت 😔
نسرين . شنووووووو 😳
خليل . هادا يلي صار
نسرين . نهاركم اغبر تي كيف هكي تخلوها تهرب 😡
خليل . بالله عليك راسي يوجع فيا متزيدينيش بنخش نرقد العصر نوضيني 🥱
نسرين . تي وين بترقد تعرف مدايرتلك كيكة اللوتس يلي تحبها تلحس صوابعك وراها 😍
خليل . لالا منبيش والله ماعندي نيه
نسرين . تي غير يندرو عليك انت اهلك اساسا ولا معبرينك معقولة بتقعد هكي ع خاطرهم واني يلي من الصبح واقفة في المطبخ على خاطرك ومدايرتلك الكيكة يلي تحبها وفي النهاية تقولي منبيش 😞
وبدت تنزل في دموع التماسيح 🐊
خليل . تمام اماله نسقي الطاولة وتكمي الجو بنخش للحمام
( اكرمكم الله ) ونجي 😍
نسرين . من عيوني يا عيوني 😍😍
مشي خليل للحمام ( اكرمكم الله ) اما نسرين قعدت مقعمزة ع الكنبة
نسرين . ههههههههههاااااي تي والله لما نشردكم واحد ورا التاني يا عيلة راجلي والأيام بيناتنا 😈

كملت ريم ضمان الحوش وبخراتة خدت منشف ومشت للحمام ( اكرمكم الله ) حتى تدوش
وصل مروان درس السيارة وخش للحوش لقاه مرتب ومبخر
مروان . باهي طلع منها فايدة الدرية هادي 😏
مشي للمطبخ حط لكياس ع الطاولة وفاجأ ملقاش ريم في الحوش
مروان . وينها هادي
مشي لدار حتى يستريح
كملت ريم الدوش وتفكرت انها نست دبشها بره
ريم . اففففففف شنو العمله هادي بس 🤦🏻‍♀️
ريم . انشاء الله ميكونش روح بس 😫
طلعت من الحمام ( اكرمكم الله ) وهيا تتسلس وخشت للدار
تلاقت مع مروان بيطلع منها 😱
مروان . 😳
ريم . 🤭

#يتبع
تنزيل الحلقات حتكون على حسب التفاعل 😜
لاتنسوا .....
#لايك
       #تعليق
             #المشاركة