هلا بالربع✋😬
كيف الصحه *نشله وگحه* ادري تافهه😂
المهم عود هذا البارت عساس انشره الكم وره الامتحانات بس واجهتني بعضضضضض المشكلااااات😪
اتس اوك اصلاً تعودت ع دفرات الحياة يومية مدفوره من جهه🙂
لذا فرحو اختكم الي ساحلتها الحياة ذهاباً وإياباً بالفوتس والكومنتس🌚
استمتعو💜🧿
يال ما ترد✨☁️
يال عذبتني من البعد ! 😞✋
يال ما بقى من بعدك احد 😢
حــنيتلـــك 💔
سحر بهمس بعد ما راح علي للغرفة/ ا احس ظلمناه!
حسين/ من كل عقلچ؟
سحر تنهدت/ والله! النظرة المشتته بعيونه م چانت مال واحد خبيث! تعرف شأقصد...!
حسين/ ماادري اهم شي علي طلع منها!
سحر/ اي... مااعرف شلون تنازل! مع انو اني مضغطت عليه بالكلام!
حسين/ لو ما مذنب م كان تنازل!
سحر/ هنا الربط! هو لو مذنب فعلاً م كان راح يتنازل! يعني بربك واحد تجيه هيچ فرصه ذهبيه حتى يفضحنه ويتنازل!!
حسين تنهد/ الله لينطيچ خربطتي عقلي...
سحر/ هو اني عقلي مخربط من رجعنا ليهسه...!
سكتو مع طلعة علي من الغرفة، تقدم وقعد يمهم وبهدوء/ كملو...
سحر ابتسمت بتوتر وحسين قال/ سحر تظن ان أنس بريئ!
سحر بحده تجاه حسين/ حسين!! واحد ميقدر يقولك شي!!
علي بهدوء وهو يباوع ع ايديه الي مشخطات بفعل الگزاز/ مو بريئ...
سحر/ بس اني من تكلمت وياه حسيت انه فعلاً ميدري بأي شي!؟
حسين بسخرية/ قابل راح يقولچ كنت اضحك عليكم طول الفترة الي فاتت!
سحر/ حسين بربك اذا ماعندك حچايه بيها خير لتحچي!
حسين/ سحر حبيبتي لسانچ هذا تطلعي ع الي عايفچ صار اكثر من سنه ومتدرين ارضه من سماه! مو عليّه!
علي بحده/ حسين!
قامت سحر وهي تشيل حقيبتها وقالت تجاه علي/ بعدين نتكلم ...
طلعت من الشقة وهي تمسح الدمعة الي تمردت ونزلت لأول مرة من بعد ذاك اليوم الي سافر بي زوجها...
داخل الشقة، قال علي تجاه حسين الي حس بندم على كلمته/ انت الا تخربها! متعرف تضل ساكت!
حسين/ هي تدري مو قصدي! بعدين هي تچفص( تدوس)بطن الواحد تچفيص ومن نحچي تزعل!
علي/ انت تعرف هذا الموضوع حساس بالنسبه الها!
حسين/ ادري ادري...
