سلام اعزائيييي👋
غداً امتحاناتكم ابد لتخافون وكونوا اقوياء💪
والاهم انكم م تتوترون ابد! سهلة ان شاء الله وانتو گدها😍💪
هذا البارت تشجيع قبل الامتحانات ولو هو فيطي😂 بس اتس اوك استمتعوا🌚💜
" ماأجت بالريش... أجت بضلوعي...!
سحر بأرتباك/ نخطف أنس..!؟
حسين ضحك بقوة، مسح دموع ضحكه الوهميه وقال وهو يشوفهم يباوعوله بعلامة استفهام كبيره ع راسهم/ اسف مقدرت الزم ضحكتي!
أيهم بسخرية/ صراحة الموضوع يبچّي مو يضحك...
علي، كان مو معاهم، كل الي يفكر بي ان شلون أنس قدر يخدعه!! بسهوله وبدون اي مجهود!! هو شك بالكل الا أنس، كان شي بأعماق قلبه يمنعه ان يشك بي، عيونه البريئه... ضحكته الحلوه... وحتى عصبيته كانت لطيفه بالنسبه ل علي! كل هاي الاسباب واكثر كانت تمنعه ان يشك بي!
ضغط ع ايديه بقوه من الغبنه، بحيث عروق ايده بانت، حس بأيد ناعمه ع ايده تحاول تهديه و مكانت غير سحر الي كانت منتبهه ع علي من البدايه
قالت بحنيه/ تنحل ان شاء الله!
جاوبها حسين من مكانه مع ان الكلام مكان موجه اله/ اي تنحل بموتنه كلنه!
سحر باوعت عليه بحده وقالت/ اذا انتوالضباط هيچ تقولون، الله يساعد الناس الي ماعدها احد لعد!!!
أيهم/ القصة اكبر مننا سحر افتهمي!!! خصوصاً انهم هسه عرفونه بسبب ابن الكلب الي كان يتمختر بيننا واحنه مندري!!! بس والله مااعوفه!!! لو يبقى اخر يوم بعمري انهي حياته اول وبعدهااموت!!!
سحر شهقت/ شنو هل كلام أيهم!!
علي قام وطلع من الشقة، النار كانت تطلع من قلبه حرفياً!! ميدري وين يروح او وي منو يحچي!!!
بعد فتره من السياقة لقى نفسه قدام عمارة أنس...
نزل من السيارة وتوجه نحو العمارة، اذا خلاص انتهت اللعبة ف اكيد مراح تنتهي بي وحده!
دخل للعمارة وتوجه نحو شقة أنس الي حافظها عن ظهر قلب، ضغط ع الجرس، بالاحرى ضل ضاغط عليه لحد ما فتح الثاني الباب، كان ب بيجامة البيت المُريحة ومبين انه كان نايم بسبب عيونه الحُمر...
دفعه علي بشئ من الخشونه ودخل للشقه ساد الباب وراه بقوه..!
باوع عليه أنس بأستغراب وقال/ شدسوي!
تقدم منه علي وهو بالكاد يمنع نفسه ان يدفن المقابل اله!
ضربه بوكس بقوه خلاه يوقع ع الكنبه الي وراه وصرخ بي بحده/ ليييييش! هااا ليييش هيچ سويت!
