هاي غايز👋
طبعاً اعتذر ع التأخير الي ديصير بالبارتات بس هذا خارج عن ارادتي كوني موظفة🙂
+الامتحانات قربت هوااي، هاي غير عن الشفهية الي بدت اصلاً!
سو الصراحة مكانت نيتي ان احدث بس وعدت احد المتابعات انو احدث اليوم لذا البارت قصير🌚
طولت عليكم بالبداية خليكم مع البارت💜
______________________________________
يُهزم الأنسان بالأشياء اللتي يُبالغُ في محبتّها"
_________________________________
كانوا علي وأنس بالسيارة بالطريق ل بيت أنس، دق فون أنس الي رغم تعبه بس شاف المتصل أية ابتسم وجاوب/ هلاو حبيبتي
باوع عليه علي بطرف عينه وهو يشوف ان أنس تغيير كلياً وهو ديحچي ويه حبيبته!؟
ابتسم أنس/اوك ساعة واكون يمچ
قال علي بنرفزه وهو مو مهتم بالي دا يحچي وي أنس/ وين تروح وانت تعبان!
أنس وسع عيونه وحط ايده ع الفون حتى لتسمع أية وبهمس ل علي/ اششششش
علي بصوت اعلى/ شنو ليش تسكتني مو توّك متخربط شو هسه صار بيك حيل!
أنس وهو مصدم من الي ديحچيه علي/ انت شدتگول!
سمع وراها صوت اغلاق الفون، تنهد وباوع ع علي بحده/ ممكن متدخل بالي اسويه بعد!!
ابتسم علي كونه خرب عليه طلعته وباوع ع الطريق وهو يكمل سياقه...
.
.
.
.
.
.
وصل حسين اكرم لبيت سنان وراح، طبعاً سنان استغرب من منظر اكرم لكن م سأله لأن يعرف اكرم اذا ميريد يحچي محد يقدر عليه!
طلع اكرم من الحمام بعد ماانطاه سنان من ملابسه، قعد ع السرير بغرفة سنان وكأنه شارد الذهن
قال فجأءه/ سنان لو ابوك مسوي شي خطير كلش، انت شتسوي؟
سنان وهو بدء يركز وي اكرم/ حسب الشي هذا؟ يعني اذا كان يأذي بي نفسه فقط ف ممكن اتكلم ويا لأن اكيد هو غالي عليه!
قال كرم/ واذا كان يأذي الناس!
سنان وهو يقترب من اكرم/ اكرم عمو منير مسوي شي!
اكرم ودموعه بدت تنزل بحرقه، هز راسه بالأيجاب/ ا اي...
سنان بمواساة/ اقعد ويا واحچي! قول اله ابلغ عليك اذا م بطلت من الشي الي دتسوي!
اكرم/ مااقدر اواجهه! احس صورته انكسرت قدامي ومو ممكن تتصلح مره ثانيه ابد!
سنان/ وهسه شنو راح تبقه هيج بدون مواجهه!؟ ترا مينصلح اي شي بدون المواجهة! والى متى تريد تضل هارب يعني!!
