رچيچة الروح يمعود...
_________________________________
بيت العقيد كامل...
كان كامل واقف قدام المرايه ويعدل رباطه مستعد للذهاب للعمل، سمع طرق ع باب غرفته، نطق بهدوء "ادخل"
دخل سنان ع اطراف اصابعه وقعد ع السرير الي كان مرتب، ميدري هل ابوه رتبه! او منام عليه من الاصل؟!
كامل الي شاف سكوت ابنه نطق "لتخاف خليت حمايه ع البيت!"
"و استاذ أيهم؟... قصدي الضابط أيهم؟!" نطق سنان بشي من السخرية
كامل وهو يتنهد "شبي؟"
"ليش ديجي(يأتي) للجامعة بصفته استاذ؟" نطق سنان الي كان يدور بباله من ليلة البارحة
"حبيبي هاي اسرار شغل ميصير تطلع عليها!" رد عليه بشي من المنطقية، عقبها كمل وكأنه تذكر شي "البارحه ليش اتصلت عليه وتقولي انك خايف صاير شي وياك؟"
سنان وهو يتذكر البارحه والي كان متأكد انه تحذير من ابو اكرم، رد بتوتر " ل لا مصاير شي!"
كامل وهو يلتفت ل سنان بعد ما كان منطيه ظهره "ابني اني اعرفك زين، قول شصاير!"
سنان وهو يقوم" قلت م مصاير شي، بعدين انت منين تعرفني واني مااشوفك بالاشهر! "
طلع بسرعه من الغرفه ناهي اي حديث يريد ينفتح بينه وبين ابوه...
.
.
.
.
.
.
بيت وزير ال.... منير ال....
اكرم وهو متمدد ع سريره * من البارحه مااجاني! مع اني قطعت الاكل لعل ينكسر قلبه ويجي حتى يفتحلي الباب! بس اكيد الساقط وائل قايل له اني بخير ومناقصني شي! اني اعلمه بس اطلع منا! هسه بس خلي يجيني وراح احاول احنن قلبه... *
تأفأف بصوت مسموع لما سمع صوت بطنه تقرقر من الجوع"امداني! هسه الاكل شعليه اقطعه!!"
دار وجهه بسرعة بعد ان سمع صوت قفل الباب ينفتح، زفر وهو يشوف الخادمة الي طلعت اكل البارحة الي م لمسه وحطت بداله اكل جديد بداله وراحت بدون م تنطق بشي!
.
.
.
.
كان يمشي بالجامعة ويدور بعيونه ع أيهم، مع ان عنده محاظرة وياه بعد نصف ساعة لكن هو يريد يشوفة بشكل شخصي، خصوصاً بعد الي صار يوم امس والي اكتشفه عنه!
واخيراً شافة يمشي بالممر وعينه بفونه، لذا تقرب منه بسرعة وقال، "صباح الخير استاذ أيهم!" بعدها اقترب و بهمس "لو تحب اقول ضابط أيهم؟!"
أيهم زفر بحده، وامسكه من ايده وجراه ل اول قاعة فارغة كانت قدامهم، وبهمس ضد وجهه "انصحك لتخليني اشوفك وجهي الثاني لأن مراح يعجبك ابد!"
