هلاو شونكم احوالكم اخباركم اموركم🙆
يب اول فقرة حنبدي بيها هي جم قناة عنونة كيوتة ولطيفة ومفيدة واليفة وظريفة🤩
طبعا اول شي قطبي يريد يكللكم شي
اني: تفضل سيد قطبي
قطبي: شكرا مون
اني: عفوا
قطبي:
السلام علیکم
دائما بعمر المراهقة وبمرحلة نشوء العقل دائما
الشخص
يسأل نفسه سؤال
شلون أتعلم وشلون اقره كتب؟
اني الزم الكتاب شوية بس امل؟
شلون ازيد من معلوماتي؟
شلون اتثقف؟
وهذا شي كلش خطأ
لأن على الرغم من أن الكتاب يعتبر مصدر معرفة خام
لكن مصادر المعرفة تگدر تحصلها بأكثر من مكان
والموضوع ما يقتصر على الكتاب فقط وحتى الي يقرأ كتب
عنده مصادر معرفة ثانية للأطلاع بجانب
الكتب الي يقراها
شنو هنة مصادر المعرفة؟
ابسط مثال هو يوتيوب
يوتيوب مصدر معرفة جيد جدا يخليك تطلع
على هواي افكار وتاخذ فكرة عنهن بطريقة
تصويرية وصوتية وتلكه هواي قنوات ما
تخليك تمل على عكس الكتاب.
محد ينكر ملل الكتاب في بعض الأحيان لكن
الي يدفعك علمود تقرأ كتاب هو دافع المعرفة
لكن أذا تجيب كتاب وأنت ماعندك دافع معرفة
رح تشمرة بأول 5 دقايق
وإذا أنت جنت تسأل هذا السؤال وأني جاوبتك
ف اني ما كملت
ببساطة يا صديقي هسة انت رح تروح على اليوتيوب يطلعلك عبودي ابن الدورة وعلي شاكر ورح تضحك وتكول هاي یا مصادر
معرفة الي يحجي عليهن ؟؟
لا حبيبي مبدئيا كده هاي النماذج اضربهم
بلوك وجايبلك قنوات يفرن راسك بأول كم فيديو ورح تكون مصادر معرفة ممتازة
ملاحظة مو بالضرورة اكون متفق وداعم لكل
ما يطرح بالقنوات الي رح انطيها.
يب شكرا قطبي وهسة اني حبدي اشرح بعد هالمقدمة الكيوتة يب🙆
اول قناة هي سلام بتحكي قناة معرفية علمية ووياهة قناتين ثانيات من نفس البنية يشتغلون على نفس المحتوى
وتسوي لقاءات وية مفكرين وعلماء وباحثين ومتخصصين واحتمال تسوي لقاء وياية تدرون بصفتي شخصية فعالة بالمجتمع🙆😂
فيب قناتها كلش حلوة وكيوتة يعني دا تحجي عن مواضيع جديدة ومختلفة 🤩
وهماتين تلتقي بناس فهمانين ومختصين وهاي ويتناقشون ويتبادلون افكارهم بكل كياتة🙆
