هلاااو🤩
من الفقرات الجديدة الي راح تصير بالكتاب هماتين هي { البروفيسور ارنوب 🧪🔬🧬 }
كلش حلوة ومفيدة وتعب لهذا اريد مثل الحبابين تكعدون وتقرون وتفهمون 🙂🔪🤣
يب نبدي 🙆
*＊✿❀ الاكوان المتعددة ❀✿＊*
اولا قبل لنبدي بالفرضيات هوة الكون ترة عبارة عن شي جبير الى درجة ولامتناهي يعني احنة كوكبنه عبارة عن ذرة مالتراب بصحراء شكبرها واصغر ولصغر بعد
يعني صراحة مع احترامي النه بس احنة ككوكب الارض لا شيء مقارنه بالكون كله 🙂😂
فيب نبدي
باول فرضية وكانت حول الاكوان المتعددة للعالم هيو أيفيرت الي كال انو الكون مالتنا اكو نسخ منه وبنفسنا احنا الكائنات🙃
يعني مثلا بهالكون احنة موجودين وبذاك الكون الموازي هماتين احنة موجودين بس بحياة ثانية وبالكون اللاخ واللاخ واللاخ لان همة نفسهم ميدرون جم كون متعدد اكو
مثلا هنا اني احب الارانب والبزازين بس من دخلت لواتباد اخذت شخصية الارنوب🙆
بذاك الكون اني حكون ماخذة شخصية البزونة مثلا يعني عكس الي هنا تماما
هماتين احتمال اني هنا راح اموت موتة طبيعية وعادية لكن احتمال هناك يجي واحد حيوان يكتلني😒🔪
فهو نفس الاشخاص لكن بقرارات منعكسة باكوان مختلفة
هماتين مثلا باحد من ذولة الاكوان احتمال الديناصورات بعدهم عايشين🙆
وبكون آخر احتمال البشر انقرضوا بدال الديناصورات
وبكون آخر تماما احتمال هسة احنة عايشين وياهم بوئام وانسجام وكياتة تخيلو يصير عدكم ديناصور يطير🤩
فيب هواي علماء وافقوا هالفرضية وهواي منهم ماقبلوها لان خيالية شوي حتى هم مو شوي كلش
توجد مستويات لهالنظرية تحديدا على شكل اربع مستويات حسب القواعد الرياضية كل مستوى اعمق من اللاخ وهسة نبدي ناخذهن بالسرة🙆
المستوى الاول يكول انو نسختك الثانية موجود لكن خارج حدود الأفق مال الكون مالتنا وتتشابه ويانه بكل شي بس الاختلاف بالمعادلات الرياضية
مثلا لو شمرتوا طوبة - انت ونسختك بذاك الكون - فكل واحد منكم راح تطلع عده معادلة رياضية مختلفة 🙆💔
هذا المستوى من الفرضية عبارة عن فضاء لانهائي يتم ترتيب المادة بيه بطريقة اسمها الترتيب الايرغوديكي
ومن الدلائل الي اطوها على انو هالمستوى موجود هوة اشعاع الخلفية الكونية
المستوى الثاني يكول انو النسخة الثانية منا موجودة بفقاعة🙆
