Imaginary You

:01

"YNAAAAAAAAA!" Tawag ko sa bestfriend ko nang makita ko s'ya sa may gate. Kasama ang crush ko?! WTH?! Lord pakikuha na s'ya.

"Grabe ka Ysa, yung boses mo abot hanggang doon sa palengke. Grabe ang lakas!" Sabay hampas nang mahina sa ulo ko. Napakasadista.

"Ano bang pakialam mo? Babatiin sana kita ng good morning pero mukhang hindi na good ang morning mo."

"Oo dahil sa'yo."

"Ah! Talaga lang ah?! Paano pa kaya ako?! Sira na nga umaga, lalo mo pang sinira! Buong araw na akong badtrip nito!"

"Oh ano namang pakialam ko? Saka inaano ba kita?"

"Kasama mo lang naman po ang crush ko ngayon at s'ya pa talaga ang pinagbitbit mo ng bag mo ah? Mukha ba 'yang alipin? Kung sa'yo mukha s'yang alipin, sa'min mukha kang kawal!" Naka-ngusong sabi ko at inirapan s'ya. Bigla n'ya akong binatukan.

"Aray ko naman! Bakit ba ang sadista mo ngayon?! Nakakailan ka na ah!" Inis kong sabi habang hinihilot ang batok ko.

"Gago ka talaga. Malamang kuya ko ata 'yang crush mo." Mas inis n'yang sabi habang kinukuha ang bag n'ya sa kuya n'ya at umakyat na papuntang room. Iniwan ako? Huh? Iniwan ako? Okay lang kasama ko naman kuya n'ya. Iuwi ko kaya 'to sa bahay?

"Good morning Kuya Kian!" Masiglang bati ko.

"HAHAHAHA good morning Ysa. Ilang beses ko ba dapat sabihin sayong 'wag mo na akong tawaging kuya?" Tatawa-tawang sabi n'ya.

"Edi baby na lang." Banat ko.

"Baby, I like that... But I like you more." Bulong n'ya sa'kin. Naramdaman ko ang pag-iinit ng mukha. Wah Lord, I'm getting marri-

"Ay letse! Ano ba naman Yna. Kinikilig na ako eh." Iritang sabi ko.

"Iyan ka na naman sa kakaimagine mo. At ako mukhang kawal? Hindi kita ilalakad r'yan kay kuya." Lumakad s'ya papuntang room.

"Hoy joke lang ito naman hindi mabiro HAHAHA. Hayaan mo na, ikaw naman ang pinaka-magandang kawal na kilala ko." Lumambitin ako sa braso n'ya at tumalon-talon.

Napahinto s'ya at galit na tumingin sa'kin. "Anong sabi moooo?!" Galit niyang sigaw. Humakbang ako paatras at saka tumakbo.

Tiningnan ko si Yna na parang torong pasugod sa'kin "Sorry na Yna. Ikaw kase sinira mo imagination ko!" Sigaw ko at mas binilisan ang takbo. Pag naabutan kase ako noon, hindi ko na mapapakasalan ang kuya n'ya dahil nakalibing na ako. Tsk.