كفيفة البصر واعمى القلب

البارت الاول

مساء الخير حبايبي الحلوين 😘😘
حنبدي وياكم وقصة جديده ومشوقة ومتأكده حتعجبكم هواي لقصة حقيقية ميه بالمية . اليوم راح انزللكم البارت الاول حتى نكملها سوية بعد ما تخلص،قصة تراتيل بزوغ القمر... احب اشوف رئيكم بالبارت الاول حتى نقرر نستمر او لا ..

#البارت الاول

#كفيفه البصر واعمى القلب
#الكاتبة ايلاف النجوم

.... لم يكن ذنب عليكي أن تصبحي عمياء ... لكن !!

يصبح الذنب عندما يعيرني ويناديني يا أعمى ،، والعمى قدر
وما لنا بأقدارنا اختيار ...

وإن كنت أعمى عمى البصر ،،، فهناك أعمى رغم الإبصار !

******

وَفِي عَيْنَيْك ِ صَحْوَاً (( إِنتِشَائِي )) ... وَ قَطْ

ما شِئْت ُ .... الا (( أَن ْ تَشَائِي ))

تُرَابٌ صِرت ُ طِيناً أَنتي ((مَائِي ))

لِذَا أُعلِن إِلَيْكِ (( إِنتِمَائي )) ...

* المطوري *

☆☆☆☆☆☆☆☆☆

أباوع السما ... صافيه ،،، السيارة جاي تمشي بيه
باﻷصح .. شاحنة القمامه

الريحة تخنگ ،،، بس !!
شغلتي ... أسووق

وكفنه بصف البيوووت ... الدنيا فجر غبشه
نزلت كمت أجرلهم . بالحاويات
بيت بيت ... وهما يذبونها
وياي 3شباب

واحد .... صاحلي ابو حزززام ذيج الحاويه الزرگه
رجعها گبال هذا الباب .. رجعتها وجبت
البصفها

أباوع ،،، صورة ب إيطار مكسورة .. وعليها قطرات دم ..... سحبتها بيدي لابس كفوف وخرت
الگزاز منها

سحبت الصورة ... أجيت أباوعلها صاحوولي
.... جعفررر يلاا يااابه وين صرت
ورانا منطقة كاملة

ضميت الصورة ... جريت الحاويه وركضت ذبينها
رجعتها ... وأباوع .. لاأبوواب البيت جبيرة
وكاميرات .. أضويه كبار مضويات صفحة
الشارع ... 3 طوابق عالي .. الشجر
عالي ومغطي أطراف
البيت

مبين فدشي ... محترم الواجهه كله حفر عالحايط
تغليف تركي ... وقطعة مرمر سيراميك
حايط كامل مكتوب عليها .. أيه
الكرسه .. والباب سحب

الله يحفظ أهله ... ويرزقني مثل هالبيت تمشيت
للسيارة ركبت ... يمي كاظم يكولي

.... يلا ياابه شصار بيك تأخرت هيه جرت حاويه
ورانه شكم فرع ... خفلي إيدك جعفر
.... يمعود تخلص تخللص

ضلينا نتمشى عالبيوت ... ومن بيت لبيت لحد مخلصنه البيت كله ... رجعت للبيت بوجهي فتت عالحمام

ذبيت ملابسي ... طاحت صورة ... خليتها يم الخاولي
أول مرة بحياتي يسحبني الفضول .. وأخذ
صورة أو باﻷصح أمد أيدي على شي
من الزباله