كفيفة البصر واعمى القلب

بارت ١١

مساؤؤؤ حبايبي

.... سيماء

باوعت موسيارتة لجعفر درت ظهري ،،،، سمعت صووت طبگة
باب ،،، وصوت رجال حچه بظهري

گال : شلوونج سيماء ،،، الحمدالله عالسلامة

إلتفتت باوعت ... وحسيت رجلي مگامن
يخطن ................ عيوني رمشن
بالثانية الف .. النفس ثگل
بريتي

.... أزاد !!!

ازاد شسووي هنا ؟؟

أجه تقدم گبالي

..... سيماء الله يخليج اريد أحچي ويااچ بس
شوي اني والله تعبان ،،، وضميري جاي
يأنبني مالگيت فرصة احجي
وياج قبل

بس هسه ،، گدرتي تطلعين وتشتغلين وتوگفين
على رجلج واني أفتخر كوني أعرف ،، مرة
مثلج وبقووتج ،،، افتخر لأن حبيت
بيوم وحده مثلج قووية ،،، وأجتلي أحلى بشارة

وهيه أنو الله فرح گلبج ورجعتي
تشوفين مرة ثانيه

باوعتله. ،،، من بعيد لمحت سيارة جعفر صفت
نزل يتمشى ،،، وأني أحس گلبي
صار برجلية

گتلة : هسه شتريد ؟؟

... بس اذا ممكن أخذج لكوفي اي مطعم وقت
اليعجبج الصبح بليل ،،، أريد أحجي
وياج

وصل جعفر وشاف أزاد ،،، تلقائياً گله

.... أنت شجاي تسوي هناا
..... وانت شكو جاي أحجي وياها

..... اشرله وگله شووف دور وجهك ،،، أركب
سيارتك وتكسح منا ولاتلفي لابالعباس
أگطم رجليك

..... بابا تعرف ويامن تحجي ،،، تگطم رجلين
منووو ،، منو انتَ وشلون تجرء
تحجي وياااي هيج

دار وجهه جعفر فرك لحيته ،،، أعصاب بس
مسيطر على روحة ولازم نفسه

.... شوف ساكت ومحترمك ،،، لأن هنا باب رزق
وهيه التحجي وياها بت عمي ،،، وأنت
طليقها ،، أگدر هسه أحجك هنا أدوس بطنك

خاف عبالك ناسين مكسورتك وياوجد ،،،،،،،،،،، بس !! محترمك لأن ،، لاحلوة بحقي ک مدير ولاحلوة
بحقك ک دكتور وأنسان واعي ومثقف

لاوگفتك حلوة ولاأنت مرغووب بيك ف يلاا راويني
عرض چتافك ،،، وتوووكل منااه

.... اي أني جاي حاب أعتذر وأتحمد السلامه
.... تعتذر تتحمد السلامه واصله
يلا تفضل

اباوع جعفر لازم روحه بالگوة ,, التفت عليه أزاد وگال : تفضلي هذا الكارت مالي ,,,, أتصلي
عليه بيه خلنتفاهم

ماحسيت بس جعفر لزمه من ياختة ،،، ونطحه
براسه .. طيحه بالگاع ،،، صار فوگاه
ماأكدر أتقرب وأفكهم

اجه ابو الأمن هوا فكهم ،،، صارت هوسه ماحسيت
بس جعفر سحبني وفوتني بالشركة وكال
لاطلعين ويشوفج احد واگفه بين
لخة زلم